IT Center

Brownout ພາວະໝົດໄຟໃນການທຳງານ

March 25, 2019 by ສູນໄອທີ ມຊ

Brownout ແມ່ນ ອາການໝົດໄຟໃນການທຳງານໄລຍະຍາວ Brownout ອາດຈະມີອາການຮູ້ສຶກເບື່ອໜ່າຍ ແລະ ອຶດອັດກັບກົດລະບຽບບາງຢ່າງຂອງອົງກອນ ຈົນກໍ່ໃຫ້ເກີດເປັນພາວະຖ່ອຍຫ່າງ (Disengagement) ເຮັດໃຫ້ຈົນສຸດທ້າຍເຮົາທົນບໍ່ໄຫວ ລາອອກຈາກບ່ອນເຮັດວຽກ.

ມີຂໍ້ມູນ Entrepreneur ໄດ້ລະບຸວ່າມີຜູ້ບໍລິຫານລະດັບສູງ ມີອາການ ໝົດແຮງບັນດານໃຈ (Burnout) ລາອອກຈາກອົງກອນ 5% ກົງກັນຂ້າມກັບອາການ Brownout ທີ່ມີຜູ້ລາອອກຈາກອົງກອນຫຼາຍກວ່າ 40%

ລອງກວດເບິ່ງວ່າທ່ານມີອາການ Brownout ສະແດງອອກມາບໍ່?

ສົນໃຈແຕ່ເລື່ອງວຽກງານຫຼາຍເກີນໄປຈົນລືມເອົາໃຈໃສ່ຕົນເອງ (ບໍ່ກິນບໍ່ນອນເອົາແຕ່ເຮັດວຽກ)
ຮູ້ສຶກວິຕົກກັງວົນ ແລະ ກົດດັນຕົວເອງຕະຫຼອດເວລາ
ມີອາການເບື່ອກັບການເຂົ້າສັງຄົມ ແລະ ການລົມກັບຄົນ ຫຼື ແມ່ນແຕ່ຄົນໃກ້ໂຕເຊັ່ນ: ຄອບຄົວ ໝູ່ເພື່ອນ ແລະ ຄົນຮັກ

…

ມາຮູ້ຈັກກັບຝຸ່ນລະອອງPM2.5 ແລະວິທີປ້ອງກັນ

March 15, 2019 by Nut

ຄຳວ່າPM ຫຍໍ້ມາຈາກ Particulate Matters ເປັນຄຳເອີ້ນຄ່າມາດຕະຖານຂອງຝຸ່ນລະອອງ ຂະຫນາດນ້ອຍທີ່ເປັນອັນຕະລາຍຕໍ່ສຸຂະພາບ ເຊິ້ງມີດ້ວຍກັນ 02 ຊະນິດຄື: PM 10 ແລະ PM 2.5, ສ່ວນໂຕເລກ2.5 ນັ້ນມາຈາກຫົວຫນ່ວຍ 2.5 ໄມຄອນນັ້ນເອງ.

ເວົ້າງ່າຍໆຝຸ່ນລະອອງ PM2.5 ເປັນອານຸພາບຂະໜາດນ້ອຍທີ່ມີເສັ້່ນຜ່ານສູນກາງສະເລ່ຍນ້ອຍກວ່າ 2.5 ໄມໂຄຣແມັດ ລອຍຢູ່ໃນອາກາດຮ່ວມກັບໄອນໍ້າ, ຄວັນ ແລະ ກາ໊ດ ຕ່າງໆ ທີ່ບໍ່ສາມາດເບີ່ງເຫັນດ້ວຍຕາເປົ່າ. ເຖິງຈະເປັນຝຸ່ນນ້ອຍໆແຕ່ເມື່ອມາຢູ່ລວມກັນຈະກິນພຶ້ນທີ່ໃນອາກາດອັນມະຫາສານເຮັດໃຫ້ເກີດເປັນຄວັນຢ່າງທີ່ພວກເຮົາເຫັນ.

ຝຸ່ນລະອອງມາຈາກໃສ?

ມາຈາກຫລາຍປັດໃຈເຊັ່ນ: ໂຮງຜະລິດໄຟຟ້າ, ຄວັນຈາກລົດ, ການຈູດໄມ້ທຳລາຍປ່າ, ຈູດຂີ້ເຫຍື້ອ,ຄວັນຢາສູບ, ເກີດຈາກກິດຈະກຳຕ່າງໆທີ່ຄົນເຮົາເຮັດທຸກມື້ສົ່ງຜົນໃຫ້ເກີດຝຸ່ນລະອອງໃຫມ່ໆ, ແຫລ່ງຕົ້ນຕໍຫລັກໆແມ່ນຍ້ອນການເຜົາໄຫມ້ເຊື້ອເພີງທຳມະຊາດທີ່ບໍ່ສົມບູນແລະຝຸ່ນຈາກການກໍ່ສ້າງ. ຕົວເມືອງທີ່ມີຕຶກສູງຈະເຮັດໃຫ້ເກີດຮ່ອງສະສົມຝຸ່ນພິດນີ້ໄດ້ງ່າຍເຊິ່ງປົກກະຕິຝຸ່ນເຫລົ່ານີ້ຈະລອຍຂຶ້ນໄປອາກາດແລ້ວຈະຖືກລົມພັດກະຈາຍໄປ, ຖ້າມື້ໃດອາກາດນີ້ງບໍ່ຄ່ອຍມີລົມຝຸ່ນຈະບໍ່ກະຈາຍສົ່ງຜົນໃຫ້ລະດັບຄວາມເຂັ້ມຂຸ້ນຂອງຝຸ່ນໃນພື້ນທີ່ນັ້ນໆສູງຂຶ້ນຈົນກາຍເປັນລະດັບທີ່ອັນຕະລາຍຕໍ່ສຸຂະພາບ. ມັກຈະວົນວຽນຫລາຍໃນຊ່ວງກາງຄືນແຕ່ຈະຄ່ອຍໆຈາງໄປເມື່ອຕາເວັນສ່ອງໃນຍາມເຊົ້າ.

ຝຸ່ນລະອອງມີຜົນກະທົບຕໍ່ຮ່າງກາຍແນວໃດ?

ເນື່ອງຈາກຝຸ່ນPM2.5ນ້ອຍຫລາຍ, ນ້ອຍກວ່າເສັ້ນຜົມເຮົາປະມານເກືອບ40ເທົ່າແລະບໍ່ສາມາດເບິ່ງເຫັນດ້ວຍຕາເປົ່າ. ຈຶ່ງເປັນອັນຕະລາຍຕໍ່ສຸຂະພາບເນື່ອງຈາກຂົນດັງເຮົາບໍ່ສາມາດກັ່ນຕອງໂມເລກຸນທີ່ນ້ອຍຂະຫນາດນີ້ໄດ້ຈຶ່ງສາມາດຜ່ານເຂົ້າປອດໄດ້ເລິກຂຶ້ນເຊິ່ງນຳໄປສູ່ໂລກໄພໄຂ້ເຈັບຫລາຍຢ່າງແລະຍັງເປັນສານກໍ່ມະເຮັງອີກດ້ວຍ.

ການປ້ອງກັນເບື້ອງຕົ້ນ

ກ່ອນຈະອອກນອກບ້ານໃຫ້ໃສ່ຫນ້າກາກຊະນິດN95 ດັ່ງໃນຮູບ, ຈະຊ່ວຍປ້ອງກັນໄດ້ເຖິງ99%. ເນື່ອງຈາກຫນ້າກາກທົ່ວໄປແມ່ນບໍ່ໄດ້ເຮັດມາເພື່ອກັ່ນຕອງຝຸ່ນແຕ່ປ້ອງກັນຝຸ່ນລະອອງທົ່ວໄປທີ່ສາມາດເບິ່ງເຫັນ, ພ້ອມກັບຫລີກລ່ຽງກິດຈະກຳກາງແຈ້ງໃນຊ່ວງທີ່ຝຸ່ນພິດຢູ່ໃນລະດັບສູງ.

ຂໍ້ມູນຈາກ: https://www.honestdocs.co/pm-2-5-environmental-nano-pollutants

ຂະບວນທັດສະນະຂອງສະຫະພັນແມ່ຍິງຮາກຖານສຳນັກງານອະທິການບໍດີ ມຊ

March 13, 2019 by Nut

ເພື່ອເປັນການສະເຫຼີມສະຫຼອງວັນແມ່ຍິງສາກົນຄົບຮອບ 109 ປີ ສະຫະພັນແມ່ຍິງ ຮາກຖານສຳນັກງານອະທິການບໍດີ ມຊ ຈຳນວນ 31 ສະຫາຍເຊີ່ງເປັນຕົວແທນມາຈາກແຕ່ລະຫ້ອງການທີ່ຂື້ນກັບສຳນັກງານອະທິການບໍດີ ມຊ ໄດ້ຈັດຂະບວນທັດສະນະໃນລະຫ່ວາງວັນທີ 09-11 ມີນາ 2019 ເປັນເວລາ 03 ມື້ 02 ຄືນ.

ເຊິ່ງມື້ທີ່ 01 ຂະບວນທັດສະນະໄດ້ເດີນທາງໄປທັດສະນະທີ່ແຂວງໄຊຍະບູລີ ພໍໄປຮອດໄດ້ມີການເລາະທ່ຽວຊົມວັດວາອາຮາມ, ວິຖີການດຳລົງຊີວິດຂອງປະຊາຊົນເຂດນັ້ນ. ຈາກນັ້ນມື້ທີ່ 02 ໄດ້ເດີນທາງເຂົ້າສູ່ຈັງຫວັດເລີຍຂອງປະເທດໄທ ພໍໄປຮອດແຕ່ລະຄົນໄດ້ພາກັນໄປເລາະທ່ຽວຊົມວິຖີການດຳລົງຊີວິດ ປລະ ຕະຫຼາດນັດກາງຄືນເຊິ່ງເປັນທີ່ໂດ່ງດັງຂອງຊຽງຄານ. ແລະ ມື້ທີ່ 03 ໃນຕອນເຊົ້າໄດ້ເດີນທາງໄປທີ່ມະຫາວິທະຍາໄລລາດສະພັດຈັງຫວັດເລີຍເພື່ອເຂົ້າໄປທ່ຽວຊົມຫໍພິພິຕະພັນສີລະປະວັດທະນະທຳຈັງຫວັດເລີຍ. ຫລັງຈາກນັ້ນກໍໄດ້ເດີນທາງກັບຄືນໂດຍແວ່ທ່ຽວຊົມເບີ່ງທະເລບົວແດງທີ່ຈັງຫວັດອຸດອນທານີອີກດ້ວຍ.

PerfSONAR

March 9, 2019 by Nut

ພາຍໃຕ້ໂຄງການ Asi@Connect ໃນວັນທີ 6-8 ມີນາ 2019 ໄດ້ມີການຈັດຝຶກອົບຮົມໃນຫົວຂໍ້ PerfSONAR Training Workshop ຂື້ນທີ່ ສູນໄອທີ ມຊ, ໂດຍການເຂົ້າຮ່ວມຂອງຕົວແທນຈາກປະເທດກຳປູເຈຍ, ລາວ, ຫວຽດນາມ, ໄທ ແລະ ໄດ້ມີອາຈານສອນທີ່ມາຈາກມະຫາວິທະຍາໄລ Indiana University ຈຳນວນ 3 ທ່ານ

ຈຸດປະສົງໃນການສຳມະນາເທື່ອນີ້ກໍແມ່ນເພື່ອເພີ່ມຄວາມຮູ້ ແລະ ທັກສະໃນການບໍລິຫານຈັດການເຄື່ອຂ່າຍ ໂດຍສະເພາະກໍແມ່ນການບໍລິຫານຈັດການເຄືອຂ່າຍທາງດ້ານການສຶກສາ ແລະ ການຄົ້ນຄວ້າໃຫ້ທີປະສິດທິພາບສູງນັ້ນເອງ.

ເຊິ່ງຄຳວ່າ PerfSONAR ເປັນ Protocal ແລະ ເປັນຊັອບແວທາງດ້ານການບໍລິຫານເຄືອຂາຍຊະນິດຫນື່ງຊືງນອນຢູ່ໃນບັນດາຊັອບແວການຈັດການເຄືອຂ່າຍແບບ Open Soure ເຊິ່ງສາມາດສ້າງລະບົບກວດສອບຄວາມໄວຂອງເຄືອຂ່າຍ, ມີຄວາມສຳຄັນສຳລັບລະບົບເຄືອຂ່າຍທີ່ຈຳເປັນຕ້ອງມີການຂະຫຍາຍໂດເມນໃຫ້ສາມາດແກ້ໄຂບັນຫາການຈັດການເຄື່ອຂ່າຍແບບ End-to-End, ສາມາດກວດກາ ແກ້ໄຂບັນຫາການຕິດຕັ້ງເຄືອຂ່າຍທີ່ບໍ່ມີຄວາມເຫມາະສົມ, ສາມາດກວດສອບ(Monitor) ເຄືອຂ່າຍ ແລະ ສັນຍານຜ່ານເຄືອຂ່າຍໄດ້ຢ່າງມີປະສິດທິພາບ, ເປັນລະບົບທີ່ລາຄາຖືກ.

ນອກຈາກນີ້ ຜູ້ທີ່ເຂົ້າຮ່ວມຍັງຈະໄດ້ຮຽນຮູ້ບາງຊັອບແວທີ່ໃຊ້ຮ່ວມກັບ PerfSONARອີກຕື່ມຈຳນວນຫນື່ງ ເພື່ອເຮັດໃຫ້ເກີດການບໍລິຫານພາຍໃນເຄື່ອຂ່າຍ ແລະ ຂ້າມເຄືອຂ່າຍໄດ້ຢ່າງສະດວກ ແລະ ມີປະສິດທິພາບ.

ສຸດທ້າຍກໍໄດ້ມີການມອບໃບຢັ້ງຢືນໃຫ້ກັບຜູ້ເຂົ້າຮ່ວມຝຶກອົບຮົມເພື່ອເປັນການຢັ້ງຢືນ ແລະ ນຳໄປໃຊ້ກັບວຽກງານທີ່ກ່ຽວຂ້ອງ

Internet Of Things

March 14, 2019March 8, 2019 by Nut

ສຳລັບບົດຄວາມນີ້ເປັນບົດຄວາມທີ່ຊວນໃຫ້ຜູ້ອ່ານມາຮູ້ຈັກກັບ Internet of things ຫຼື IOT ເທັກໂນໂລຢີທີ່ມາແຮງ ແລະ ເປັນຫົວໃຈຫຼັກຂອງສີງປະດິດທີ່ດີໆ ທີ່ຢູ່ອ້ອມໂຕເຮົາຫຼາຍທີ່ສຸດເຊີ່ງຫຼາຍໆຄົນອາດຈະເຄີຍໄດ້ຍິນ ແລະ ຮູ້ຈັກມາກ່ອນ.

Internet of things ຫຼື IOT ຄືການທີ່ອຸປະກອນ ຫຼື ສີ່ງຕ່າງໆຖືກເຊື່ອມຕໍ່ເຂົ້າກັບໂລກອິນເຕີເນັດທີ່ເຮັດໃຫ້ຄົນເຮົາສາມາດສັ່ງການ, ຄວບຄຸມການໃຊ້ງານອຸປະກອນຕ່າງໆຜ່ານທາງເຄືອຂ່າຍອິນເຕີເນັດ. ໂດຍສີ່ງຕ່າງໆມີວິທີການລະບຸໂຕຕົນ, ຮັບຮູ້ສະພາບການຂອງສິ່ງແວດລ້ອມ, ມີປະຕິສຳພັນໂຕ້ຕອບ ແລະ ການເຮັດວຽກຮ່ວມກັນໄດ້. ຄວາມສາມາດໃນການສື່ສານຂອງສິງນີ້ຈະນຳໄປສູ່ນະວັດຕະກຳໃໝ່ ແລະ ການບໍລິການອີກຫຼາກຫຼາຍ.

ເທັກໂນໂລຢີທີ່ເຮັດໃຫ້ IOT ເກີດຂຶ້ນໄດ້ແທ້ຈິງ ແລະ ສາມາດແບ່ງອອກເປັນ 03 ກຸ່ມຄື:

ເທັກໂນໂລຢີທີ່ຊ່ວຍໃຫ້ອຸປະກອນຮັບຮູ້ຂໍ້ມູນໃນສະພາບທີ່ກ່ຽວຂ້ອງ ເຊັ່ນ: ລະບົບເຊັນເຊີ
ເທັກໂນໂລຢີທີ່ຊ່ວຍໃຫ້ອຸປະກອນມີຄວາມສາມາດໃນການສື່ສານ ເຊັ່ນ: ລະບົບການສື່ສານແບບໄຮ້ສາຍທີ່ໃຊ້ພະລັງງານຕໍ່າ ຕົວຢ່າງ: Zigbee, 6LowPAN, Low-power Bluetooth
ເທັກໂນໂລຢີທີ່ຊ່ວຍໃຫ້ອຸປະກອນມີຄວາມສາມາດໃນການປະມວນຜົນຂໍ້ມູນໃນສະພາບການຂອງຕົນເອງ ເຊັ່ນ: ເທັກໂນໂລຊີປະມວນຜົນແບບ Cloud ຫຼື Big Data Analytics

ນີ້ຄືຕົວຢ່າງສີ່ງທີ່ IOT ສາມາດເຮັດໄດ້ ແລະ ເຂົ້າມາເປັນສ່ວນໜຶ່ງຂອງຄວາມສະດວກສະບາຍໃນຂີວິດປະຈຳວັນຂອງຄົນເຮົາ:

ເຊັນເຊີພາຍໃນເຮືອນ ທີ່ສາມາດກວດຈັບການເຄື່ອນໄຫວຂອງຜູ້ອາໄສ ແລະ ສົ່ງສັນຍານໄປສັ່ງເປີດ/ປິດສະວິດໄຟຕາມຫ້ອງຕ່າງໆທີ່ເຮົາຕ້ອງການເປີດ/ປິດ
ອຸປະກອນວັດແທກສັນຍານຊີບພະຈອນຈອງຄົນເຈັບ/ຜູ້ສູງອາຍຸ ແລະ ສົ່ງຂໍ້ມູນໄປຫາທ່ານໝໍ ຫລື ສົ່ງຂໍ້ຄວາມໄປຫາໜ່ວຍກູ້ໄພໃນກໍລະນີສຸກເສີນ
ຕູ້ເຢັນອັດສະລິຍະ ທີ່ມີອຸປະກອນກວດຈັບຈຳນວນສິ່ງຂອງຕ່າງໆໃນຕູ້ເຢັນ, ເມື່ອມີອາຫານໃນຕູ້ເຢັນທີ່ໃກ້ຈະໝົດຈະມີຂໍ້ຄວາມແຈ້ງໄປເຕືອນໃນໂທລະສັບມືຖືທີ່ເປັນ Smartphone ເພື່ອໃຫ້ເຮົາຕັດສິນໃຈໃນການສັ່ງຊື້ໄດ້
Connected Car ຄຶລົົດທີ່ປະກອບດ້ວຍອຸປະກອນຕ່າງໆ ທີ່ສາມາດເຂົ້າເຖິງອິນເຕີເນັດ ແລະ ເຊື່ອມຕໍ່ກັບອຸປະກອນອື່ນໆທັງພາຍໃນ ແລະ ພາຍນອກລົດໄດ້ ເຊັ່ນ: ລະບົບການແຈ້ງເຕືອນການເກີດອຸປະຕິເຫດລົດຕຳກັນ, ລະບົບການຊອກຫາປໍ້ານໍ້າມັນທີ່ໃກ້ທີ່ສຸດໃນຂະນະທີ່ນໍ້າມັນໃກ້ຈະໝົດ….
ຕູ້ຊັກຜ້າອັດສະລິຍະ ສາມາດລາຍງານສະຖານະການເຮັດວຽກຂອງຕູ່ຊັກຜ້າໄປຫາ Smartphone ໃນກໍລະນີທີ່ເຮົາບໍ່ຢູ່ເຮືອນສາມາດຕັ້ງຄ່າຕູ້ຊັກຜ້າໃຫ້ຢູ່ໃນໂມດພິເສດໂດຍທີ່ເມື່ອໃດທີ່ມີການຊັກຜ້າຮຽບຮ້ອຍແລ້ວຕູ້ຊັກຜ້າຈະປັ່ນເບົາໆທຸກ 2 ນາທີເພື່ອໃຫ້ມີອາກາດໄຫຼຜ່ານຊ່ວຍໃຫ້ຜ້າບໍ່ອັບຊື້ນ ແລະ ເວລາເຮົາກັບຮອດເຮືອນຕູ້ຊັກຜ້າຈະກວດຈັບໄດ້ວ່າເຮົາມາຮອດເຮືອນແລ້ວກໍຈະຈົບການເຮັດວຽກ ແລະ ແຈ້ງເຕືອນ

ນອກຈາກນີ້ IOT ຈະປ່ຽນຮູບແບບ ແລະ ຂະບວນການຜະລິດໃນອຸດສະຫະກຳໄປສູ່ຍຸກໃໝ່ ຫຼື ເອີ້ນວ່າ Industry 4.0 ທີ່ອາໄສການເຊື່ອມຕໍ່ສື່ສານ ແລະ ເຮັດວຽກຮ່ວມກັນລະຫວ່າງເຄື່ອງຈັກຄົນ ແລະ ຂໍ້ມູນ ເພື່ອເພີ່ມອຳນາດໃນການຕັດສິນໃຈທີ່ວ່ອງໄວ ແລະ ມີຄວາມຖືກຕ້ອງທີ່ສູງ.

ໂດຍຂໍ້ມູນທັງຫຼາຍທີ່ເກັບຈາກເຊັນເຊີທີ່ໃຊ້ໃນການກວດຈັບຕົວອຸປະກອນ ແລະ ສະພາບແວດລ້ອມຈະຖືກນຳມາວິເຄາະໃຫ້ໄດ້ຜົນຮັບເພື່ອນຳໄປປັບປຸງຂະບວນການຜະລິດໄດ້ຫຼາຍຢ່າງທັນທີ ນອກຈາກການຂ້າມຂີດຈຳກັດເລື່ອງເວລາແລ້ວລະບົບຄວບຄຸມ ຫຼື ລະບົບວິເຄາະຂໍ້ມູນອາດບໍ່ໄດ່ຢູ່ໃນທີ່ດຽວກັນກັບເຄື່ອງຈັກແຕ່ສາມາດຄວບຄຸມການສັ່ງການໄດ້ໂດຍບໍ່ມີຂີດຈຳກັດເລື່ອງສະຖານທີ່

ຜົນການຄັດເລືອກວິຊາທີ່ຈະພັດທະນາເປັນຫຼັກສູດການຮຽນ-ການສອນແບບອີເລີນນິ່ງ 2019

March 4, 2019March 4, 2019 by Nut

ພາຍຫຼັງທີ່ໄດ້ມີການຄັດເລືອກວິຊາ ທີ່ຈະພັດທະນາເປັນຫຼັກສູດການຮຽນ-ການສອນແບບອີເລີນນິ່ງ ຈາກ 13 ຄະນະວິຊາໃນມຊ ພາຍໃຕ້ໂຄງການ ACU 2019. ໂດຍຫ້ອງການວິຊາການ ແລະ ຜູ້ບໍລິຫານໂຄງການກໍຄືສູນໄອທີ ມຊ ຜ່ານການຄັດເລືອກໄດ້ 05 ວິຊາດັ້ງນີ້:

1. ປທ. ແບ້ ເພຍໄຊ ວິຊາວິທະຍາສາດສິ່ງແວດລ້ອມ ຄສຄ

2. ຮສ. ແສງຈັນ ຈັນທະເສນ ວິຊາ ປະຫວັດສາດເສດຖະກິດລາວ ຄສບ

3. ປທ. ພຸດສາຄອນ ຈັນງາຄຳ ວິຊາສະຖິຕິພື້ນຖານ ຄສສ

4. ປທ. ມະໂນລົມ ຈັນທະວົງ ວິຊາ Programing 1 ຄວສ

5. ປທ. ສຸວັນນະຫົງ ລັດຕະນະພິມ+ປທ. ຈັນສຸກ ຫວານແພງພັນ ວິຊາລາວສຶກສາ 1 ຄສຄ

ດັ່ງນັ້ນໃນວັນທີ 26-28 ກຸມພາ 2019 ຢຸ່ທີ່ຕຶກເຕ, ສູນໄອທີ ມຊ ທາງມະຫາໄລວອນກວາງ ສ. ເກົາຫຼີ ໄດ້ມາເຮັດວຽກຮ່ວມກັບທີມງານພັດທະນາໃນປີ 2019 ນີ້ ໂດຍມີການນຳສະເໜີແຜນຂອງໂຄງການ ແລະ ຮູບແບບວີທີການເຮັດວຽກໃນປີ 2019 ນີ້