ສືບຕໍ່ຈັດເຝິກອົບຮົມການຮຽນການສອນແບບ E-Learning ໂດຍໃຊ້ໂປຣແກຣມ Moodle ຊຸດທີ 5

by

ການເຝິກອົບຮົມການຮຽນ-ການສອນແບບ E-Learning ໂດຍໃຊ້ໂປຣແກຣມ Moodle ໃຫ້ແກ່ພະນັກງານວິຊາການ ແລະ ອາຈານສອນຂອງມະຫາວິທະຍາໄລແຫ່ງຊາດ ຊຸດທີ 5 ພາຍໃຕ້ໂຄງການ SHEP ໄດ້ຈັດຂຶນໃນວັນທີ 15-22/05/2015 ທີ່ ຕຶກ E-Learning, ສູນໄອທີ ມຊ ໂດຍການໃຫ້ກຽດເປັນປະທານເປີດກອງປະຊຸມເຝິກອົບຮົມຂອງທ່ານ ຮສ ດຣ ສາຍຂອງ ສາຍນາສິນ ຮອງອະທິການບໍດີ ມະຫາວິທະຍາໄລແຫ່ງຊາດ. ເຊິ່ງຄັ້ງນີ້ມີອາຈານເຂົ້າຮ່ວມຈຳນວນ 25 ທ່ານ ຈາກ ທັງໝົດ 12 ຄະນະວິຊາ.…

ລັດເຊຍ ແລະ ຈີນຮ່ວມລົງນາມຈະບໍ່ແຮັກເຊິງກັນແລະກັນ

by

ລັດຖະບານລັດເຊຍອອກມາຖະແຫລງຂ່າວຕໍ່ສາທາລະນະວ່າໄດ້ເຊັນສັນຍາຄວາມຮ່ວມມືກັບລັດຖະບານຈີນ ຈຸດເດັ່ນສຳຄັນແມ່ນທັງສອງປະເທດຕົກລົງຈະບໍ່ແຮັກຫຼືດຳເນີນການໂຈມຕີກັນທາງໄຊເບີລະຫວ່າງກັນ ລວມເຖີງຈະແບ່ງປັນຂໍ້ມູນເທັກໂນໂລຊີດ້ານຄວາມໝັ້ນຄົງໄຊເບີລະຫວ່າງກັນອີກດ້ວຍ.

Read more

Russian President Vladimir Putin (L) shakes hands with his Chinese counterpart Xi Jinping during a meeting at the Kremlin in Moscow on May 8, 2015. Agence France-Presse/Getty Images

ໄລຍະບໍ່ດົນມານີ້ຄວາມສຳພັນຂອງລັດເຊຍກັບໂລກຕາເວັນຕົກເລີ່ມບໍ່ຄ່ອຍດີປານໃດ໋ ເຮັດໃຫ້ລັດເຊຍຕ້ອງຫັນໄປເພິ່ງພາຈີນຫຼາຍກ່ອນເກົ່າ ນອກຈາກນີ້ຍັງມີເລື່ອງແຜນການແຮັກຂອງ NSA ທີ່ເປີດເຜີຍໂດຍ Edward Snowden ກໍ່ມີສ່ວນຊ່ວຍໃຫ້ລັດຖະບານປະເທດຕ່າງໆ ທົ່ວໂລກຕື່ນຕົວໄພຄຸກຄາມຈາກໄຊເບີຫຼາຍຂື້ນຄືກັນ.

ທີ່ມາ – The wall street journal

IBM ປະກາດຄວາມສຳເລັດດ້ານການວິໄຈຄວັນຕັມຄອມພິວເຕີ

by

IBM Logo

ທີມນັກວິໄຈຈາກ IBM Research ປະກາດຄວາມສຳເລັດດ້ານການວິໄຈຄວັນຕັມຄອມພິວເຕີໃນ 2 ຫົວຂໍ້ທີ່ກ່ຽວເນື່ອງກັນ

ຫົວຂໍ້ທຳອິດແມ່ນເທັກນິກການກວດຈັບຄວາມຜິດຜາດຂອງຄວັນຕັມ ແນວຄິດຂອງຄວັນຕັມຄອມພິວເຕີຈາກທິດສະດີຄວັນຕັມຟິຊິກ ທີ່ເຮົາບໍ່ສາມາດຢືນຢັນ “ສະຖານະ” ຂອງອະນຸພາກໄດ້ວ່າເປັນແນວໃດ໋ ເມື່ອນຳອະນຸພາກມາເຮັດເປັນ ບິດ (ຫຼື ຄິວບິດ qubit ໃນພາສາຂອງຄວັນຕັມ) ຈຶງຕ້ອງມີວິທີກວດສອບໃຫ້ຊັດເຈນວ່າ ຄິວບິດນັ້ນເປັນ 0 ຫຼື 1

Read more

ເທັກນິກທີ່ໃຊ້ກັນໃນວົງການແຕ່ດັ້ງເດີມສາມາດກວດຈັບຂໍ້ຜິດຜາດແບບ bit-flip (ສະຖານະຜິດຈາກ 0 ເປັນ 1 ຫຼື ສະລັບກັນ) ພຽງຢ່າງດ່ຽວ ແຕ່ຍັງມີຂໍ້ຜິດພາດອີກຢ່າງໜຶ່ງແບບທີ່ເອີ້ນວ່າ phase flip (ມຸມການໝູນຂອງຄິວບິດຜິດດ່ຽງໄປ) ຊຶ່ງເທັກນິກໃໝ່ຂອງ IBM ສາມາດກວດສອບຈັບໄດ້ທັງສອງແບບ

ຄວາມສຳເລັດອັນທີ່ສອງທີ່ຕໍ່ເນື່ອງກັນຄື IBM ພົບວິທີການຈັດລຽງຄິວບິດເປັນສີລຽມຈະຕຸລັດ (square) ເພື່ອຮັກສາຕຳແໜ່ງຂອງຄິວບິດໃຫ້ເທົ່າກັນ ແລະ ສາມາດກວດສອບຂໍ້ຜິດພາດລະຫວ່າງກັນແລະກັນໄດ້ ທຳອິດການອອກແບບຄວັນຕັມຄອມພິວເຕີໃຊ້ວິທີລຽງຄິວບິດເປັນເສັ້ນ (line) ຊຶ່ງ IBM ຄິດວ່າ ການລຽງເປັນສີລຽມນັ້ນດີກວ່າເປັນຢ່າງຫຼາຍ

ວິທີການລຽງຂອງ IBM ຍັງຮັບຮອງການຍາຍຈຳນວນຄິວບິດໃນອະນາຄົດ ທີ່ຈະມີຄິວບິດຈຳນວນຫຼາຍມາຕໍ່ກັນເປັນ Grid ຂະໜາດໃຫຍ່ ຕອນນີ້ IBM ປະສົບຄວາມສຳເລັດໃນການເຮັດຊິບຄວັນຕັມແບບ 4 ຄິວບິດແລ້ວ ແລະ ກຳລັງທົດລອງສ້າງຊິບ 8 ຄິວບິດ (2×4) ໃນຫ້ອງແລັບຢູ່

IBM ກ່າວ່າຄວາມສຳເລັດ 2 ປະການນີ້ຊ່ວຍໃຫ້ໂລກຂອງເຮົາເຂົ້າສູ່ຍຸກຂອງຄວັນຕັມຄອມພິວເຕີທີ່ມີຄວາມໄວກວ່າເກົ່າ ແລະ ເຮົາອາດຈະເອີ້ນໄດ້ວ່າເປັນຍຸກທອງຂອງການວິໄຈດ້ານຄວັນຕັມຄອມພິວເຕີ (the golden age of quantum computing research)

ບົດວິໄຈສະບັບຕີພິມໃນວາລະວສານ Nature Communications ສຳລັບທ່ານໃດ໋ທີ່ພະລັງແກ່ກ້າພໍສາມາດໄປອ່ານໄດ້

ທີ່ມາ – IBM, Technology Review

ເຂົ້າຮ່ວມເຝິກອົບຮົມຫົວຂໍ້: “Training Material for Developing Contents” ພາຍໃຕ້ໂຄງການ MPDA

by

ໃນຕອນເຊົ້າຂອງວັນທີ 7/5/2015 ເວລາ 8:30ມ, ພະນັກງານສູນໄອທີຜູ້ທີ່ຮັບຜິດຊອບວຽກໂຄງການ MPDA ໄດ້ເຂົ້າຮ່ວມເຝິກອົບຮົມໃນຫົວຂໍ້: “Training Material for Developing Contents”, ການເຝິກອົບຮົມແມ່ນດຳເດີນໄປເປັນເວລາ 2ວັນ ຄື ວັນທີ 7-8/5/2015, ພາຍໃຕ້ທຶນສະໜັບສະໜູນຂອງໂຄງການ SHEP, ອົງການ Koica ແລະ ໂຄງການ MPDA.

Read more

ຈຸດປະສົງຂອງການເຝິກອົບຮົມແມ່ນ ເພື່ອເຝິກໃຫ້ຄູ-ອາຈານທີ່ສອນວິຊາຄະນິດສາດຮູ້ສ້າງເນື້ອໃນບົດຮຽນ ແລະ ກິດຈະກຳຕ່າງໆຂຶ້ນໃນລະບົບ Mathcloud, ທັ້ງນີ້ກໍ່ແມ່ນເພື່ອຄວາມສະດວກໃນການຮຽນ-ການສອນວິຊາຄະນິດສາດພາຍໃນມະຫາວິທະຍາໄລແຫ່ງຊາດ ໂດຍເນັ້ນໃສ່ອາຈານສອນວິຊາຄະນິດສາດໃນພາກຮຽນທີ່ 2 ຂອງ 4 ຄະນະວິຊາ ພາຍໃນມະຫາວິທະຍາໄລແຫ່ງຊາດ ຄີ: ຄະນະວິທະຍາສາດສິ່ງແວດລ້ອມ 3 ທ່ານ, ຄະນະວິທະຍາສາດທຳມະສາດ 5 ທ່ານ, ຄະນະສຶກສາສາດ 3 ທ່ານ ແລະ ຄະນະເສດຖະສາດ ແລະ ບໍລິຫານທຸລະກິດ 10 ທ່ານ, ລວມຜູ້ເຂົ້າຮ່ວມທັງໝົດ 21 ທ່ານ.

ທັງນີ້ຫລັງຈາກການເຝິກອົບຮົມ 2ວັນນີ້ສິ້ນສຸດລົງແລ້ວ, ອາຈານສອນທີ່ເຂົ້າຮ່ວມເຝິກອົບຮົມໃນຄັ້ງນີ້ຍັງຕ້ອງໄດ້ສືບຕໍ່ພັດທະນາວິຊາຂອງຕົນເອົງ ແລະ ເອົາຂຶ້ນລະບົບ Mathcloud ໃຫ້ສຳເລັດ 100% ພາຍໃນທ້າຍເດືອນສິງຫາ 2015 ນີ້, ເພື່ອກະກຽມຮັບໃຊ້ເຂົ້າໃນການຮຽນ-ການສອນໃນສົກຮຽນ 2015-2016.

Facebook ເປີດ Platform Internet.org ເຊີນຊວນນັກພັດທະນາສ້າງບໍລິການອິນເຕີເນັດຟຣີແກ່ຜູ້ທຸກຍາກ

by
internet.org

Internet.org

Internet.org ແມ່ນໂຄງການສ້າງອິນເຕີເນັດຟຣີເພື່ອຜູ້ທຸກຍາກ Facebook ໄດ້ເລີມໂຄງການນີ້ມາຕັ້ງແຕ່ປີ 2013 ໂດຍມີເປົ້າໝາຍໄປຍັງປະເທດທີ່ຍັງບໍ່ສາມາດເຂົ້າເຖິງອິນເຕີເນັດໃດ້ເຊັ່ນ: ປະເທດອິນເດຍ ແລະ ແຊມເບຍ ເປັນຕົ້ນ ວ່າງບໍ່ດົນນີ້ Facebook ໃດ້ເປີດ Platform ຊື່ດ່ຽວກັນເພື່ອໃຫ້ນັກພັດທະນາສາມາດເຂົ້າເຖິງ Internet.org ໄດ້

ແນວທາງຂອງ Platform Internet.org ຄືຈະເປັນຕົວກາງສຳລັບໃຫ້ນັກພັດທະນາສາມາດເຮັດບໍລິການຂັ້ນພື້ນຖານໃຫ້ຜູ້ໃຊ້ສາມາດເຂົ້າເຖິງໃດ້ຜ່ານ Internet.org ໂດຍສຳລັບແນວທາງໃນການເຮັດບໍລິການກັບ Internet.org ຄືຕ້ອງເປັນບໍລິການທີໃຫ້ປະສົບການໃຊ້ງານອິນເຕີເນັດໄດ້ ເຮັດວຽກໃດ້ຢ່າງມີປະສິດທິພາບເຖິງແມ່ນວ່າຈະໃຊ້ຂໍ້ມູນໃດ້ຢ່າງຈຳກັດ ແລະ ຜ່ານຂໍ້ຈຳກັດທາງເຕັກນິກທີ Facebook ໄດ້ກ່າວໄວ້

ສຳລັບຄົນທີ່ສົນໃຈລາຍລະອຽດເພີ່ມເຕີມ ຫຼື ຢາກເຂົ້າຮ່ວມສາມາດເຂົ້າໄປທີເວັບໄຊທ໌ www.internet.org/platform

ທີ່ມາ – Facebook…

ການເຝິກອົບຮົມການນຳໃຊ້ Moodle ໃຫ້ກັບອາຈານຊຸດທີ 4

by

ການເຟິກອົບຮົມການນຳໃຊ້ລະບົບ Moodle ຜ່ານການຮຽນ-ການສອນແບບອອນໄລໄດ້ໄຂຂື້ນອີກຄັ້ງເປັນຊຸດທີ່ 4th ໂດຍການໃຫ້ກຽດເປີດພິທີໂດຍ ທ່ານ ດຣ. ພອນແກ້ວ ຈັນທະມາລີ (ຫົວໜ້າ ສູນເຕັກໂນໂລຊີຂໍ້ມູນຂ່າວສານ ມຊ) ແລະ ຈຳນວນຜູ້ເຂົ້າຮ່ວມຍັງຄົງມາຕາມແຜນທີ່ວາງໄວ້ຄົບກັນຢ່າງພ້ອມພຽງ.

Read more

ນັບວ່າເປັນບາດກ້າວໜຶ່ງຂອງຜົນສຳເລັດໃນ 3 ຊຸດຜ່ານມາ ທາງສູນພວກເຮົາໄດ້ມີການປັບປຸ່ງແລະ ປັບຍຸດທະສາດການແຊກຊືມເຕັກໂນໂລຊີຊັ້ນສູງໃຫ້ແທດເໝາະກັບຜູ້ເຂົ້າຮ່ວມເຝີກອົບຮົ່ມຢູ່ຕະຫຼອດເວລາ ເຫັນໄດ້ຈາກຄວາມກະຕືລືລົ້ນ ແລະ ຜົນງານລາຍວິຊາທີ່ສຳເລັດໄປແລ້ວໃນແຕ່ລະຊຸດ.

[Best_Wordpress_Gallery id=”5″ gal_title=”MoodleTraining 4th”]

 

%d bloggers like this: