ຊ່ຽວຊານເກົາຫຼີ Feedback ການພັດທະນາບົດຮຽນ elearning ຂອງທີມອາຈານ ມຊ

by

ວັນທີ 6 ກຸມພາ 2018 ຊ່ຽວຊານດ້ານການພັດທະນາວີດີໂອການສອນເທິງອິນເຕີເນັດຈາກ ມະຫາວິທະຍາໄລ ວັງກວັງ ສ.ເກົາຫຼີ ໄດ້ກັບມາຈັດ ງານສຳມະນາ Feedback ຜົນງານຂອງທີມພັດທະນາວີດີໂອບົດສອນອາຈານ ໃນມຊ ໃນປີ 2017 ທີ່ປິດກອງຖ່າຍໄປແລ້ວນັ້ນ ເພື່ອກະກຽມເປີດຄອສສອນຜ່ານອິນເຕີເນັດ (online course platform) ໃນສົກ 2018ນີ້.

Read more

ການຈັດງານສຳມະນາ Feedback ການພັດທະນາວີດີໂອການສອນເທິງອິນເຕີເນັດ ແມ່ນຈັດຂື້ນທຸກປີກ່ອນການຈະເປີດຄອສອອນໃນທຸກເທີມ ຖືເປັນການພັດທະນາແລະຕິດຕາມຜົນເພື່ອປັບປຸ່ງໃຫ້ກັບທີມງານແລະຄອສໃນປີຖັດໄປຈະດີຂື້ນເລື້ອຍໆ.

ໃນງານມື້ນີ້ແມ່ນມີອາຈານຈາກຫລາຍພາກສ່ວນເຊັ່ນ ຄະນະ ວິທະຍາສາດທຳມະຊາດ, ເສດຖະສາດ, ວິສະວະກຳສາດ,ສຶກສາສາດ…, ໃນນັ້ນສະເພາະທີມງານນັ້ນປະກອບໄປດ້ວຍ:

ຜູ້ກຳກັບແລະອອກແບບວິທີການສອນເທິງອິນເຕີເນັດ (Instructional Design)

ອາຈານສອນໃນລາຍວິຊາທີພັດທະນາ (Subject Method Expert)

ຜູ້ຄວບຄຸມການຜະລິດດ້ານໂປຣດັນຊັນ (Studio Engineer)

ນັກພັດທະນາເວັບໄຊທ໌ມັລຕິມີເດຍ (Multimedia Development)

ງານ Feedback ນີ້ແມ່ນແນ່ໃສ່ສະເພາະທີມງານພັດທະນາທີ່ກ່າວມາຂ້າງເທິງ ທັງໝົດມີ 5ວິຊາ (18 ຄົນ) ໃນປີ 2017

ປະຈຸບັນບົດຮຽນທີ່ຖືກພັດທະນາແລ້ວແລະນຳໃຊ້ແມ່ນຈຳກັດໃນຄະນະວິຊາທີ່ກ່ຽວຂ້ອງແລະນັກຮຽນໃນ ມຊເທົ່ານັ້ນ ເປັນໄປໃດ້ອະນາຄົດອັນໄກ້ ພາກການສຶກສາເຮົາມີທ່າອຽງຈະກ້າວໄປຫາການຮຽນການສອນຜ່ານອິນເຕີເນັດຫລາຍຂື້ນທຸກມື້

ພາບບັນຍາກາດໃນງານ

USB ສຽບຄອມບໍ່ເຫັນຫຍັງເລີຍຢ່າຟ້າວຕົກໃຈຂໍ້ມູນບໍ່ໄດ້ເສຍ (ແຊດ່ວນ)

by

ຫຼາຍຄົນເຈີບັນຫາສຽບ USB Drive ເຂົ້າຄອມແຕ່ບໍ່ເຫັນຫຍັງເລີຍມີວິທີແກ້ດັ່ງນີ້
ໄວລັສເຊື່ອງໄຟເຮົາໄວ້ແລ້ວເຮົາກໍ່ຈະເຂົ້າໃຈວ່າ USB ນັ້ນຫວ່າງເປົ່າຄວາມຈິງນັ້ນບໍ່ແມ່ນ ໃຫ້ເຂົ້າຕາມວິທີນີ້ບໍ່ຈຳເປັນຕ້ອງເອື້ນໄອທີມາເບິ່ງໃຫ້ ເບິ່ງຕາມວີດີໂອກັນເລີຍ

ຂໍຂອບໃຈວິທີດີໆຈາກອາຈານ.…

Tip/trick ເລັກໆນ້ອຍໆສຳລັບການສອບເສັງ

by

ມື້ນິ້ແອັດເອົາຄລີບຂອງອາຈານ ເພີ່ນແນະນຳ ເທັກນິກເລັກນ້ອຍສຳລັບນັກສອບທັງຫຼາຍມາຝາກ.

ກົດຊົມວີດີໂອໃດ້ເລີຍ

ໄວ້ເທື່ອຫນ້າແອັດຈະຊອກແນວມີປະໂຫຍດມາຝາກອີກ.…

ຫຼັງກ້ອງຂອງງານ ແຂ່ງຂັນນະວັດຕະກຳຊາວໜຸ່ມ YICMG 2018

by
This camera man were shooting in-front of the acting president of NUoL on YICMG 2018 at National University of Laos.

ການຖ່າຍພາບ ແລະ ວີດີໂອສຳລັບງານຕ່າງໆນັ້ນ ບໍ່ແມ່ນແຕ່ພຽງການຈັບກ້ອງແລ້ວກົດປຸ່ມຊັດເຕີ້ພຽງຢ່າງດ່ຽວ
ຫຼາຍຄັ້ງພວກເຂົາເລົ່ານັ້ນຊອກຫາແລະຈັບພາບໃນຈຸດທີ່ຄົນທົ່ວໄປບໍ່ເຫັນ ເພາະສາຍຕາເຂົາຊ່າງສັງເກດຫຼາຍກ່ອນຄົນປົກກະຕິ ບໍ່ພຽງແຕ່ຕາໄວ, ມືີຕ້ອງພ້ອມຢູ່ຕະຫຼອດເວລາ.

Read more

ໃນງານ ໂຄງການແຂ່ງຂັນ ນະວັດຕະກຳຊາວຫນຸ່ມກ່ຽວກັບການພັດທະນາ ແລະ ການປົກປ້ອງ ແຫ່ງພາກພື່ນລຸ່ມແມ່ນຳ້ລ້ານຊ້າງ-ແມ່ຂອງ 2018  (Youth Inovation Competition on Lantsang – Mekong Region’s Goverment and Development 2018) ມີຫຼາກຫລາຍມືກ້ອງຈາກສຳນັກຂ່າວທັງພາຍໃນແລະຕ່າງປະເທດ ທຸກຄົນມີເປົ້າໝາຍດ່ຽວກັນຄືຈັບພາບວີດີໂອທຸກກິລິຍາບົດ ແລະ ນີ້ ກໍ່ເປັນພາບແລະວີດີໂອບາງສ່ວນໃນວຽກງານຂອງເຂົາເຈົ້າ.

 

 

ອ່ານຂ່າວເພີ່ມເຕີມກ່ຽວກັບງານທີ່ ເວັບໃຊ້ ມຊ https://goo.gl/1QvikJ
ເວັບໃຊ້ງານ http://yicmg.nuol.edu.la

5 ວິຊາ ສອນແບບອອນລາຍໃນ ມຊ ປິດກອງຖ່າຍແລ້ວ (ຊຸດທີ່5 ສົກ2017 )

by

ທ້າຍປີ 2017 ນີ້ເປັນອີກໜຶ່ງຜົນສຳເລັດຂອງທີມງານຜະລິດ E-Learning Content ໃນຈຳນວນ 5 ວິຊາໄດ້ປິດກອງຖ່່າຍທຳເປັນທີຮຽບຮ້ອຍແລ້ວ.

ໃນ 5 ວິຊາ ນິ້ແມ່ນມາຈາກຫຼາຍຄະນະໄດ້ແກ່:

  1. ວິຊາ ການບໍລິຫານລະບົບຂໍ້ມູນຂ່າວສານ (Management Information System)
    ສອນໂດຍ ອຈ ທອງສິງ ສີວົງໄຊ ຈາກ ພາກວິຊາວິທະຍາສາດຄອມພິວເຕີ, ຄະນະວິທະຍາສາດທຳມະຊາດ.
  2. ວິຊາ ການບໍລິຫານການຈັດການທີ່ດິນ  (Land Use Management) ສອນໂດຍ ອາຈານ ດຣ ໂຄສະດາ ວົງຊະນະ
  3. ວິຊາ ວິທີການຄົ້ນຄົ້ວາ (Research Methodology) ສອນໂດຍ ອາຈານ
…

ສູນໄອທີຈັດປະຊຸມ e-Learning Policy Workshop 2017

by
e-Learning Policy Workshop 2017

ລະບົບ e-Learning ໃນມະຫາວິທະຍາໄລແຫ່ງຊາດ ກຳລັງຈະເປັນຮູບເປັນຮ່າງຂຶ້ນເທື່ອລະກ້າວ ຜ່ານຮ່າງນິຕິກຳຮັບໃຊ້ການຮຽນ-ການສອນແບບໃໝ່.

Read more

ໂດຍປະຕິບັດຕາມແຜນ ທີ່ໄດ້ສະເໜີໃນໂຄງການ ACU 2017 ແລະ ການຮ່ວມມືກັບກົມການສຶກສາຊັ້ນສູງ, ກະຊວງສຶກສາທິການ ແລະ ກິລາ, ສູນໄອທີ ມຊ ໄດ້ຈັດກອງປະຊູມນຳສະເໜີຮ່າງນິຕິກຳອີເລີນນິງຂຶ້ນທີ່ໂຮງແຮມ The Grand Riverside ວັງວຽງ ໃນລະຫວ່າງວັນທີ 27-28 ພະຈິກ 2017 ທີ່ຜ່ານມາ ໂດຍມີຈຸດປະສົງ ຄົ້ນຄວ້າ ແລະ ຜ່ານຮ່າງນິຕິກຳກ່ຽວກັບວຽກງານອີເລີນນິງ ໃນສະຖາບັນການສຶກສາຊັ້ນສູງ ພາຍໃຕ້ການເປັນປະທານຮ່ວມຂອງ ທ່ານ ຄຳເພົ້າ ຈັນເພັງໄຊ ຮອງຫົວໜ້າກົມການສຶກສາຊັ້ນສູງ ແລະ ທ່ານ ຮສ ປອ ອຸດົມ ພອນຄຳເພັງ ຮອງອະທິການບໍດີ ມຊ.

ກອງປະຊຸມດັ່ງກ່າວ ມີຜູ້ເຂົ້າຮ່ວມຈາກກົມຕ່າງໆທີ່ກ່ຽວຂ້ອງ ຂອງກະຊວງສຶກສາທິການ ແລະ ກິລາ, ຜູ້ເຂົ້າຮ່ວມຈາກຄະນະວິຊາ ແລະ ຫ້ອງການກ່ຽວຂ້ອງຂອງມະຫາວິທະຍາໄລແຫ່ງຊາດ, ຜູ້ເຂົ້າຮ່ວມຈາກມະຫາວິທະຍາໄລຈຳປາສັກ, ມະຫາວິທະຍາໄລສຸພານຸວົງ, ມະຫາວິທະຍາໄລວິທະຍາສາດສຸກຂະພາບ, ມະຫາວິທະຍາໄລສະຫວັນນະເຂດ ແລະ ວິທະຍາໄລເອກະຊົນຈຳນວນໜຶ່ງ ລວມກວ່າ 60 ທ່ານ.

ພ້ອມກັນນັ້ນ ໃນກອງປະຊຸມ ຍັງມີແຂກຕ່າງປະເທດຈາກ ສ.ເກົາຫຼີ ແລະ ໄທ ເຂົ້າຮ່ວມບັນຍາຍ ເພື່ອເປັນການນຳສະເໜີບົດຮຽນໃນດ້ານກົດໝາຍ ແລະ ອື່ນໆທີ່ກ່ຽວຂ້ອງຂອງແຕ່ລະປະເທດ ແນໃສ່ເພື່ອໃຫ້ຜູ້ເຂົ້າຮ່ວມເຫັນໄດ້ບົດຮຽນຜ່ານມາຂອງປະເທດຕ່າງໆ ແລະ ເອົາມາໝູນໃຊ້ໃສ່ໃນຮ່າງນິຕິກຳ ທີ່ເໝາະສົມກັບສະພາບບ້ານເຮົາ.

ດຣ ສົມສັກ ຈາກ UniNet Thailand ແລະ ທ່ານ ຄຳເພົ້າ ກຳລັງປຶກສາຫາລື ໃນງານ e-Learning Policy Workshop
ດຣ ສົມສັກ ຈາກ UniNet Thailand (ຄົນທາງຊ້າຍໃນພາບ) ແລະ ທ່ານ ຄຳເພົ້າ ກຳລັງປຶກສາຫາລື ໃນງານ e-Learning Policy Workshop

ໃນໄລຍະຂອງການປະຊຸມ, ຜູ້ເຂົ້າຮ່ວມໄດ້ສຸມຈິດສຸມໃຈ ໃສ່ການພິຈາລະນາຄົ້ນຄວ້າ ແລະ ປະກອບຄຳຄິດຄຳເຫັນຢ່າງກວ້າງຂວາງ ຕໍ່ຮ່າງນິຕິກຳການຮຽນ-ການສອນແບບອີເລີນນິງ ພ້ອມທັງໄດ້ມີການຕົກລົງໄດ້ບາງບັນຫາພື້ນຖານສຳຄັນ ໃຫ້ແກ່ການພັດທະນາວຽກງານດ້ານນີ້ຕໍ່ການສຶກສາໃນ ສ.ປ.ປ ລາວ ໃນອະນາຄົດ.

ຕາງໜ້າໃຫ້ຄະນະຮັບຜິດຊອບຈັດກອງປະຊຸມ ຂໍສະແດງຄວາມຮູ້ບຸນຄຸນ ແລະ ຂອບໃຈຢ່າງສູງ ຕໍ່ແຂກຕ່າງປະເທດ ແລະ ຜູ້ເຂົ້າຮ່ວມທຸກທ່ານ ທີ່ໄດ້ສະຫຼະເວລາເຂົ້າຮ່ວມ ເຮັດໃຫ້ກອງປະຊຸມດັ່ງກ່າວ ໄດ້ຮັບຜົນສຳເລັດຕາມລະດັບຄາດໝາຍ ທີ່ວາງໄວ້.

ທ່ານສາມາດຕິດຕາມພາບຖ່າຍ ແລະ ວີດີໂອຄຣິບຂອງງານເພີ່ມເຕີມ ຜ່ານທາງ facebook, google+ ແລະ youtube ຂອງສູນໄອທີໄດ້ (ໂດຍຄລິກທີ່ເຄື່ອງໝາຍ ທີ່ຢູ່ເທິງສຸດດ້ານຂວາ ຂອງໜ້າເວັບໄຊສູນໄອທີ).

%d bloggers like this: