Nut – Page 2 – IT Center

ງານແຂ່ງຂັນກິລາເປຕັງຊິງຂັນຄະນະພັກຮາກຖານສຳນັກງານອະທິການບໍດີ ມຊ

October 1, 2019September 26, 2019 by Nut

ເພື່ອເປັນການຕ້ອນຮັບວັນຄູແຫ່ງຊາດ ວັນທີ 7 ຕຸລາ ຄົບຮອບ 25 ປີ ທີ່ຈະໝູນວຽນມາເຖິງນີ້.

ໃນຕອນບ່າຍຂອງວັນທີ 25 ກັນຍາ 2019 ໄດ້ມີການແຂ່ງຂັນກິລາເປຕັງຊິງຂັນຄະນະພັກ ຮາກຖານສຳນັກງານອະທິການບໍດີ ມຊ, ໂດຍການເປັນປະທານຂອງທ່ານ ຮສ ຄຳເຜີຍ ພົມມະຈັນ ຄະນະພັກຮາກຖານສຳນັກງານອະທິການບໍດີ ມຊ, ມີນັກກິລາຈາກບັນດາຫ້ອງ ການ, ສູນ ແລະ ໂຮງໝໍ ທີ່ຂື້ນກັບສຳນັກງານອະທິການບໍດີ ມຊ ເຂົ້້າຮ່ວມ ໂດຍແບ່ງເປັນ 02 ປະເພດຄື: ທີມນັກກິລາຍິງ 14 ທີມ ແລະ ທີມນັກກິລາຊາຍ ຈຳນວນ 14 ທີມ. ຜ່ານການແຂ່ງຂັນທີມຊະນະເລີດທີມຍີງໄດ້ແກ່ທີມສູນເທັກໂນໂລຊີ ແລະ ຂໍ້ມູນຂ່າວສານ, ທີ 2 ໄດ້ແກ່ທີມຫ້ອງການສັງລວມ ແລະ ທີມຊະນະເລີດທີມຊາຍໄດ້ແກ່ທີມຫ້ອງການຄຸ້ມ ຄອງເຄຫະ ແລະ ບໍລິການ, ທີ 2 ໄດ້ແກ່ທີມຫ້ອງການຄຸ້ມຄອງນັກສຶກສາ

WDU ມອບອຸປກອນໃນການ Backup ຂໍ້ມູນໃຫ້ແກ່ສູນໄອທີ

September 6, 2019 by Nut

ເພື່ອເປັນການຕິດຕາມ ແລະ ສຶບຕໍ່ປະຕິບັດຕາມແຜນວຽກໂຄງການ ACU 2019 ກ່ຽວກັບການພັດທະນາບົດຮຽນໃນຮູບແບບ E-learning ໃຫ້ໄດ້ຮັບຜົນດີ.

ໃນລະຫວ່າງວັນທີ 3-5 ກັນຍາ 2019 ນີ້ທີມງານຈາກມະຫາວິທະຍາໄລ ວອນກວາງ ປະເທດ ສ ເກົາຫຼື (Wonkwang Digital University) ໄດ້ນຳເອົາອຸປະກອນ Backup ຂໍ້ມູນມາມອບ ແລະ ຕິດຕັ້ງໃສ່ຫ້ອງສະຕູດີໂອ, ສູນໄອທີ ມຊ ໂດຍຕາງໜ້າມອບໂດຍທ່ານ Mr. Inkwang LEE, Mr. Cheain LEE ແລະ ຕາງໜ້າຮັບໂດຍ ທ່ານ ຄຳພັນ ສິດທະວົງ ວ່າການຜູ້ອຳນວຍການສູນໄອທີ ມຊ, ທ່ານ ອາລຸນສະຫວັັດ ແສນດວງເດດ ຮອງຫົວໜ້າຫ້ອງການວິຊາການ ແລະ ຮັບຜິດຊອບວຽກງານ E-learning ມຊ. ພ້ອມນັ້ນກໍຍັງໄດ້ມີການປະຊຸມຖອດຖອນບົດຮຽນນຳທີມງານ ID, SE ທັງ 5 ວິຊາ ແລະ SME 2 ວິຊາທີ່ສ້າງ Subtitle ເພື່ອຕິດຕາມ, ລາຍງານຄວາມຄືບໜ້າຂອງແຕ່ລະໜ້າວຽກ.

Higher Education ICT Network Workshop

August 29, 2019 by Nut

ໃນຕອນເຊົ້າຂອງວັນທີ 29/9/2019 ເວລາ 09:00-12:00 ໂມງ ທີ່ຕຶກເຕ ສູນເທັກໂນໂລຊີຂໍ້ມູນຂ່າວສານ, ມະຫາວິທະຍາໄລແຫ່ງຊາດ ພາຍໃຕ້ການຮ່ວມມືລະຫວ່າງກົມການສຶກສາຊັ້ນສູງ ກະຊວງສຶກສາທິການ ແລະ ກິລາ ຮ່ວມກັບ ມະຫາວິທະຍາໄລແຫ່ງຊາດ ໄດ້ມີການຈັດກອງປະຊຸມ ໃນຫົວຂໍ້: “Higher Education ICT Network Workshop” ໂດຍການເປັນປະທານຂອງທ່ານ ຮສ.ປອ ນາງ ສົມຈັນ ບຸນພັນມີ ຮອງອະທິການບໍດີ ມະຫາວິທະຍາໄລແຫ່ງຊາດ ແລະ ຜູ້ເຂົ້າຮ່ວມຈາກຄະນະວິຊາ 13 ຄະນະວິຊາ, ຫ້ອງການຕ່າງໆທີ່ກ່ຽວຂ້ອງ ແລະ ທີມງານຊ່ຽວຊານຈາກໂຄງການ SSHEP ທັງໝົດຈຳນວນ 25 ທ່ານ.

ຈຸດປະສົງຂອງກອງປະຊມໃນຄັ້ງນີ້ແມ່ນເພື່ອ ນຳສະເໜີການພັດທະນານະໂຍບາຍຂອງ E-learning ໃນລະດັບການສຶກສາຊັ້ນສູງ, ນຳສະເໜີແຜນພັດທະນາທີ່ຄວບຄຸມ E-learning ແລະ ລະບົບ LUMS ຂອງ ມະຫາວິທະຍາໄລແຫ່ງຊາດ, ນຳສະເໜີເຄື່ອງມືການກວດສອບ Network/Server/Applications ສຳລັບມະຫາວິທະຍາໄລແຫ່ງຊາດ .

ພາຍຫຼັງທີ່ຟັງການນຳສະເໜີຈາກທ່ານ Dr. Eric Mousset ທີມງານຊ່ຽວຊານຈາກ ໂຄງການ SSHEP ແລ້ວ ກໍໄດ້ມີການສະເໜີ ແລະ ປະກອບຄຳຄິດເຫັນຈາກຫຼາຍໆທ່ານທີ່ເຂົ້້າຮ່ວມ.

ພາບບັນຍາກາດ:

ຝຶກອົບຮົມ IPv6

August 19, 2019 by Nut

ໃນຕອນເຊົ້າວັນທີ 12 ສິງຫາ 2019 ຜ່ານມານີ້, ສູນເທັກໂນໂລຊີຂໍ້ມູນຂ່າວສານ ມະຫາວິທະຍາໄລແຫ່ງຊາດ ພາຍໃຕ້ໂຄງການ Uplifting Resources to Development IPv 6, DNS/DNSSEC and Monitoring of Network Performance and Security ໄດ້ຈັດເປີດຝຶກອົບຮົມ ໃນຫົວຂໍ້ “IPv6 Deployment” ທີ່ຕຶກເຕ ສູນເທັກໂນໂລຊີຂໍ້ມູນຂ່າວສານ ມຊ. ເຊີ່ງເປັນປະທານກ່າວເປີດໂດຍທ່ານ ຮສ. ປອ. ຮຸ່ງເພັດ ຈັນທະວົງ ຮອງອະທິການບໍດີ ມຊ, ມີທ່ານ ຄຳພັນ ສິດທະວົງ ວ່າການຜູ້ອຳນວຍການສູນເທັກໂນໂລຊີຂໍ້ມູນຂ່າວສານ ມຊ, ພ້ອມດ້ວຍນັກວິທະຍາກອນທີ່ມາຈາກ Asia Pacific Information Center (APNIC) ນັກສຳມະນາກອນມາຈາກປະເທດສີລັງກາ, ກຳປູເຈຍ, ມ້ຽນມາ ຫວຽດນາມ, ບູຖານ, ເນປານ ແລະ ປະເທດລາວເຂົ້າຮ່ວມໝົດຈຳນວນ 18 ທ່ານ.

ການຝຶກອົບຮົມດັ່ງກ່າວແມ່ນເພື່ອເປັນການຂະຫຍາຍເຄື່ອຂ່າຍການເຊື່ອມຕໍ່ສັນຍານອິນເຕີເນັດ ໃນຮູບແບບ IPv6 ເພື່ອເຊື່ອມຕໍ່ເປັນເຄື່ອຂ່າຍ, ສື່ສານກັບຄອມພິວເຕີ ແລະ ອຸປະກອນອື່ນໆ. ທັງນີ້ກໍເພື່ອເຮັດໃຫ້ວຽກງານການຂະຫຍາຍເຄື່ອຂ່າຍສັນຍານອິນເຕີເນັດ ແລະ ການນໍາໃຊ້ອິນເຕີເນັດ ໃຫ້ມີຄວາມວ່ອງໄວ ແລະ ທ່ວງທັນກັບຍຸກສະໄໝ. ການຝຶກອົບຮົມດັ່ງກ່າວແມ່ນໃຊ້ເວລາ 5 ວັນ ແຕ່ວັນທີ 12-16 ສິງຫາ 2019 ຈຶ່ງໄດ້ປິດລົງດ້ວຍຜົນສໍາເລັດ.
ຂໍ້ມູນເພີ່ມເຕີມ: https://ipv6.nuol.edu.la/

ພາບບັນຍາກາດການຝຶກອົບຮົມ

ຝຶກອົບຮົມການສ້າງເວັບໄຊໃຫ້ກະຊວງແຮງງນ ແລະ ສະຫວັດດີການສັງຄົມ

June 1, 2019June 1, 2019 by Nut

ໂຄງການເສີມສ້າງຄວາມອາດສາມາດທາງດ້ານວິຊາການເພື່ອພັດທະນາລະບົບການຈັດຫາງານຢູ່ ສປປ ລາວ ພາຍໃຕ້ໂຄງການຊ່ວຍເຫຼືອຈາກປະເທດຢີ່ປຸ່ນໂດຍຜ່ານທະນາຄານ ພັດທະນາອາຊີ (ADB) ເຊິ່ງເປັນໂຄງການໜຶ່ງທີ່ສຳຄັນ ແລະ ຈຳເປັນທີ່ສຸດສຳລັບ ສປປ ລາວ ໃນເງື່ອນໄຂປັດຈຸບັນ ເນື່ອງຈາກວ່າໂຄງການດັ່ງກ່າວນີ້ໄດ້ສ້າງລະບົບການຈັດຫາງານທີ່ທັນສະໄຫມ ແລະ ສ້າງຄວາມເຂັ້ມແຂງໃຫ້ແກ່ພະນັກງານລັດໃນການໃຫ້ບໍລິການທີ່ມີປະສິດທິພາບ, ເປັນການປັບປຸງລະບົບຂໍ້ມູນຂ່າວສານຕະຫຼາດແຮງງານ, ການວິໄຈ ແລະ ການໂຄສະນາປະຊາສຳພັນເພື່ອສະໜອງຂໍ້ມູນຂ່າວສານຕະຫຼາດແຮງງານໃຫ້ແກ່ຜູ້ຊອກວຽກເຮັດ.

ດັ່ງນັ້ນໃນວັນທີ 27 ຫາ 31 ພຶດສະພາ 2019 ຈິ່ງໄດ້ມີການຈັດຝຶກອົບຮົມການສ້າງເວັບໄຊໂດຍໃຊ້ Joomla ຂື້ນທີ່ຕຶກເຕ ສູນໄອທີ ມະຫາວິທະຍາໄລແຫ່ງຊາດ ໂດຍມີພະນັກງານຈາກ ສຳນັກງານໃຫ່ຍຂອງກະຊວງແຮງງານ ແລະ ສະຫວັດດີການສັງຄົມ ແລະ ພະນັກງານຈາກ 09 ຈຸດບໍລິການຈັດຫາງານເຂົ້າຮ່ວມຄື: ນະຄອນຫລວງວຽງຈັນ, ແຂວງ ວຽງຈັນ, ແຂວງ ໄຊຍະບູລີ, ແຂວງ ຫຼວງພະບາງ, ແຂວງ ອຸດົມໄຊ, ແຂວງ ບໍລິຄຳໄຊ, ແຂວງ ຄຳມ່ວນ, ແຂວງ ສະຫວັນນະເຂດ ແລະ ແຂວງ ຈຳປາສັກ. ຊຶ່ງຈຸດປະສົງຂອງການຝຶກອົບຮົມຄັ້ງນີ້ແມ່ນເພື່ອໃຫ້ຜູ້ຝຶກຮູ້ນຳໃຊ້ Joomla ເພື່ອສ້າງເວັບ, ປັບປຸງຂໍ້ມູນຂ່າວສານ, ຕົບແຕ່ງຮູບພາບ ແລະ ຊ່ອງທາງການຕິດຕໍ່ກັບເວັບໄຊ PES.

ໃນຕອນທ້າຍໄດ້ມີການແບ່ງທີມຕາມແຕ່ລະແຂວງເພື່ອສ້າງເວັບເປັນຂອງແຕ່ລະຈຸດບໍລິການ ແລ້ວນຳມາຟີເຊັນ ເຊີ່ງຜົນຂອງການຟີເຊັນແມ່ນອອກມາຢ່າງມີປະສິດທິພາບ ສະແດງໃຫ້ເຫັນເຖີງແຕ່ລະທີມໄດ້ມີເວັບໄຊຕົວຢ່າງຂອງແຕ່ລະຈຸດບໍລິການ.

ການຖ່າຍທຳບົດຮຽນພິເສດຂອງໂຄງການ ACU 2019

May 23, 2019 by Nut

ໃນລະຫວ່າງວັນທີ 21-23 ພຶດສະພາ 2019 ທີມງານພັດທະນາບົດຮຽນ E-Learning 2019 ຂອງມະຫາວິທະຍາໄລແຫ່ງຊາດລາວ ພາຍໃຕ້ການຊ່ວຍເຫລືອຂອງໂຄງການ ACU ແລະ ທີມງານຈາກມະຫາວິທະຍາໄລວອນກວາງ ປະເທດ ສ ເກົາຫຼື ໄດ້ມິການຖ່າຍທຳບົດຮຽນພິເສດເຊິ່ງເປັນການອອກໄປຖ່າຍທຳນອກສະຖານທີ່.

ການຖ່າຍທຳໃນຄັ້ງນີ້ແມ່ນປະກອບດ້ວຍ 03 ວິຊາ: ວິຊາ Introduction to Programming C ໄດ້ໄປຖ່າຍທຳຢູ່ທີ່ ຄະນະວິສະວະກຳສາດ ວິທະຍາເຂດໂສກປ່າຫຼວງ, ວິຊາ History of Lao Economy ໄດ້ໄປຖ່າຍທຳຢູ່ທີ່ ທະນາຄານແຫ່ງ ສປປ ລາວ ແລະ ວິຊາ Basic Statics ໄດ້ໄປຖ່າຍທຳຢູ່ທີ່ຄະນະສຶກສາສາດ ວິທະຍາເຂດດົງໂດກ. ເຊິ່ງການດຳເນີນການຖ່າຍທຳໄດ້ບັນລຸຕາມແຜນທີ່ວາງໄວ້ຢ່າງສົມບູນ ແລະ ມີແຜນທີ່ຈະຖ່າຍທຳອີກ 02 ວິຊາທີ່ຍັງເຫຼືອໃນເດືອນມີຖູນາ 2019 ນີ້.