IT Center

ການປຶກສາຫາລືຄວາມເປັນໄປໄດ້ໃນການສ້າງເວັບໄຊຄະນະວິທະຍາສາດສັງຄົມ

February 27, 2019 by Nut

ໃນຕອນບ່າຍຂອງວັນທີ 26 ກຸມພາ 2019 ທີ່ຫ້ອງການ ທ່ານ ຮສ ສະເຫລີມສັກ ພາບຸດດີ ໄດ້ມີກອງປະຊຸມປຶກສາຫາລືຄວາມເປັນໄປໄດ້ໃນການສ້າງເວັບຂອງຄະນະວິທະຍາສາດສັງຄົມ.

ໂດຍຕາງຫນ້າຈາກຄະນະວິທະຍາສາດສັງຄົມ ແມ່ນທ່ານ ສະເຫລີມສັກ ພາບຸດດີ ຮອງຄະນະບໍດີຝ່າຍບໍລິຫານ, ທ່ານ ອຈ ລິນທາ ຈັນທະລີມາ, ອຈ ສອນນະສັກ ໄພປະສິດ, ອຈ ວິລະຍຸດ ປັນຍາ, ອຈ ນ. ສີສະຫວາດ ແສງພະຈັນ, ອຈ ນ. ສົມໃຈ ບູລິດຳ. ຝ່າຍສູນໄອທີ ແມ່ນທ່ານ ອະພິສິດ ເທບວົງສາ ຫົວຫນ້າພະແນກຊັອບແວ ພ້ອມດ້ວຍພະນັກງານພາຍໃນພະແນກຊັອບແວ ອຈ ສົດໃສ ເຊັງວົງ, ອຈ ນິລັນກູນ ສິງປຣະເສີດ, ອຈ ນັດ ດອນພົນດີ. ຈຸດປະສົງກໍແມ່ນເພື່ອປຶກສາຫາລື, ໃຫ້ແນວທາງໃນການສ້າງ ແລະ ພັດທະນາເວັບໄຊຂອງຄະນະວິທະຍາສາດສັງຄົມ. ໂດຍເລີ່ມຈາກການແນະນຳຄວາມເປັນມາເບື້ອງຕົ້ນທີ່ກໍໃຫ້ເກີດແນວຄິດທີ່ຢາກຈະສ້າງໃຫ້ມີເວັບໄຊເກີດຂື້ນ ແລະ ສຸດທ້າຍກໍໄດ້ຂໍ້ຕົກລົງກັນວ່າໃຫ້ທາງຄະນະວິທະຍາສາດສັງຄົມລວບລວມຄວາມຕ້ອງການຂອງເວັບໄຊ ເພື່ອໃຫ້ທາງພະແນກຊັອບແວ, ສູນໄອທີ ພິຈາລະນາໃນຄວາມເປັນໄປໄດ້ທີ່ຈະພັດທະນາເວັບໄຊ.

ຊ່ວຍກັນແກ້ໄຂຄວາມຫຍຸ້ງຍາກດ້ານເສດຖະກິດ

February 27, 2019 by Aphisith

ທ່າມກາງຄວາມຫຍຸ້ງຍາກທາງດ້ານເສດຖະກິດມະຫາພາກ ທີ່ກຳລັງເກີດຂຶ້ນໃນປະເທດ, ພັກ ແລະ ລັດຖະບານ ໄດ້ມີການກຳນົດມາດຕະການຫຼາຍຢ່າງ ເພື່ອແກ້ໄຂບັນຫາ ເຊິ່ງເຫັນ ໄດ້ຈາກມະຕິຂອງກອງປະຊຸມຄົບຄະນະຄັ້ງທີ 7 ຂອງຄະນະບໍລິຫານງານສູນກາງພັກ ສະໄໝທີ X ແລະ ຈາກຄຳປາໄສຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ທີ່ກ່າວໃນກອງປະຊຸມສະພາແຫ່ງຊາດ ໃນທ້າຍປີ 2018 ທີ່ຜ່ານມາ.

ມະຫາວິທະຍາໄລແຫ່ງຊາດ, ເຊັ່ນດຽວກັນກັບໜ່ວຍງານລັດພາກສ່ວນອື່ນ, ຕ້ອງໄດ້ມີການປັບຕົວບໍ່ຫຼາຍກໍ່ໜ້ອຍ ກັບສະພາບການທີ່ເປັນຢູ່ ຈາກການປັບຫຼຸດງົບປະມານຂອງລັດ, ການຫຼຸດຈຳນວນພະນັກງານຈາກການຫຼຸດໂຄຕາພະນັກງານລົງ ແລະ ອື່ນໆ. ຈາກທິດທາງດັ່ງກ່າວ ມະຫາວິທະຍາໄລແຫ່ງຊາດ ຈະຕ້ອງໄດ້ມີການສຶກສາຄົ້ນຄວ້າ ແລະ ປັບປ່ຽນແຜນການຂອງຕົນຄືນໃໝ່ຫຼາຍດ້ານ ເພື່ອໃຫ້ສາມາດດຳເນີນມາດຕະການປະຫຍັດລາຍຈ່າຍ ຂະນະດຽວກັນ ກໍຕ້ອງໄດ້ມີມາດຕະການໃນການຊອກຫາສ້າງລາຍຮັບໃໝ່ພ້ອມ.

ໃນການຈັດຕັ້ງເຊື່ອມຊຶມມະຕິ 7 …

APNIC 47

February 27, 2019February 25, 2019 by Nut

ໂດຍພາຍໃຕ້ການສະຫນັບສະຫນູນຂອງໂຄງການTEIN*Cooperation Center ໃນລະຫວ່າງວັນທີ 18-22 ກຸມພາ 2019 ຢູ່ທີ່ Deajeon, Republic of Korea ໄດ້ຈັດງານ APNIC 47 ໂດຍມີຄະນະນຳສູນເຂົ້າຮ່ວມ THE 47TH ASIA PACIFIC ADVANCED NETWORK MEETING ແລະ ພະນັກງານສູນໄອທີ, ມຊ ໄດ້ເຂົ້າຮ່ວມ Workshop ໃນຫົວຂໍ້Campus Identity and Access management, Campus Network Design and Operations, Network Management & …

ທ່ານເປັນໂລກຢ້ານການຂາດໂທລະສັບບໍ່? (ກວດສອບໄດ້ທີ່ນີ້)

May 9, 2019February 15, 2019 by ສູນໄອທີ ມຊ

ທ່ານເຄີຍສົງໃສ ຫລື ຖາມຕົວເອງບໍ່ວ່າເຮົາໃຊ້ໂທລະສັບຫລາຍເກີນສົມຄວນ. ໃນຕອນທີ່ battery ໂທລະສັບໃກ້ຫມົດ ຫລື data ອິນເຕີເນັດໃກ້ຫມົດ , ທ່ານຮູ້ສຶກແບບໃດ. ຖ້າທ່ານຮູ້ສຶກງຸດງິດ ຫລື ກັງວົນ, ທ່ານອາດຈະມີອາການຂອງໂລກສະໄຫມໃຫ່ມທີ່ເອີນວ່າ ໂລກຢ້ານການຂາດໂທລະສັບ (nomophobia). Nomophobia ຫຍໍ້ມາຈາກ NO MObile phone PHOBIA ແມ່ນໂລກຢ້ານແບບບໍ່ມີເຫດຜົນຂອງຄົນ ທີ່ຂາດໂທລະສັບບໍ່ໄດ້ ຫລື ຍ້ານທີ່ຈະບໍ່ໄດ້ໃຊ້ໂທລະສັບໃນກໍລະນີຕ່າງຯ ຕົວຢ່າງ ບໍ່ມີສັນຍານໂທລະສັບ ຫລື battery ກໍາລັງຈະຫມົດ.

ການກວດສອບໂລກນີມີຫລາຍວິທີ ແຕ່ຂ້າພະເຈົ້າຈະຂໍແເນະນຳໜຶ່ງວິທີ ທີ່ຊື່ວ່າ: NMP-Q. NMP-Q ແມ່ນຜົນງານການຄົ້ນຄວ້າຂອງມະຫາວິທະຍາໄລ Iowa state …

ກອງປະຊຸມຖອດຖອນບົດຮຽນກ່ຽວກັບລະບົບສະຫມັກລົງທະບຽນສອບເສັງເຂົ້າ ມຊ ແບບອອນລາຍ ປີ2018-2019 ແລະ ວາງແຜນກະກຽມປີ 2019-2020

February 12, 2019 by Nut

ໃນຕອນເຊົ້າຂອງວັນທີ 12 ກຸມພາ 2019 ເວລາ 09:00-11:00 ໂມງ ທີ່ຫ້ອງປະຊຸມ 213 ຕຶກສຳນັກງານອະທິການບໍດີ ມະຫາວິທະຍາໄລແຫ່ງຊາດ. ຫ້ອງການວິຊາການ ແລະ ສູນໄອທີ ມະຫາວິທະຍາໄລແຫ່ງຊາດ ໄດ້ຈັດກອງປະຊຸມຖອດຖອນບົດຮຽນກ່ຽວກັບ ລະບົບສະຫມັກລົງທະບຽນສອບເສັງເຂົ້າ ມຊ ແບບອອນລາຍ ປີ2018-2019 ແລະ ວາງແຜນກະກຽມປີ 2019-2020 ໂດຍທ່ານ ຮສ ປອ ອຸດົມ ພອນຄຳເພັງ ຮອງອະທິການບໍດີມະຫາວິທະຍາໄລແຫ່ງຊາດ ເປັນປະທານກອງປະຊຸມ, ຝ່າຍຫ້ອງການວິຊາການເຂົ້າຮ່ວມໂດຍທ່ານ ຮສ ດຣ ຄຳຜົງ ນາມມາວົງມີໄຊ ຫົວໜ້າຫ້ອງການວິຊາການ ພ້ອມດ້ວຍພະນັກງານຈຳນວນ 6 ທ່ານ, ຝ່າຍສູນໄອທີ ເຂົ້າຮ່ວມໂດຍທ່ານ ຄຳພັນ ສິດທະວົງ ຮອງຫົວໜ້າສູນໄອທີ ພ້ອມດ້ວຍພະນັກງານທີ່ກ່ຽວຂ້ອງຈຳນວນ 8 ທ່ານ.

ຈຸດປະສົງກໍເພື່ອເປັນການສະຫຼຸບ ແລະ ຖອດຖອນບົດຮຽນໃນການປະຕິບັດວຽກການສະຫມັກລົງທະບຽນສອບເສັງເຂົ້າ ມຊ ແບບອອນລາຍ ປີ2018-2019 ແລະ ວາງແຜນກະກຽມປີ 2019-2020.

ກ່ອນອື່ນ ທ່ານ ຮສ ປອ ອຸດົມ ພອນຄຳເພັງ ກໍໄດ້ໃຫ້ຄວາມຍ້ອງຍໍ, ຊົມເຊີຍທີມງານທຸກທ່ານທີ່ໄດ້ປະຕິບັດວຽກງານໄດ້ສຳເລັດເຊີ່ງເປັນບາດກ້າວອັນກະໂດດຂັ້ນໃນການນຳໃຊ້ເທັກໂນໂລຊີເຂົ້າມາໃຊ້ໃນວຽກງານການສະໝັກສອບເສັງ ແລະ ໃຫ້ສຶບຕໍ່ປະຕິບັດໃຫ້ດີຂຶ້ນໃນປີຕໍ່ໄປ.
ໃນກອງປະຊູມ ທ່ານ ອຈ ອະພິສິດ ເທບພະວົງສາ ຫົວໜ້າພະແນກຊັອບແວ, ສູນໄອທີ ໄດ້ມີການລາຍງານ ຜົນການປະຕິບັດວຽກທີ່ຜ່ານມາພ້ອມທັງລາຍງານໃຫ້ເຫັນຈຸດດີ ຈຸດອ່ອນ ແລະ ບັນຫາທີ່ເກີດຂຶ້ນ. ພ້ອມນັ້ນແຕ່ລະທ່ານຍັງໄດ້ໃຫ້ຄຳຄິດຄຳເຫັນຕໍ່ກັບບັນຫາທີ່ເກີດຂຶ້ນ ແລະ ວາງແຜນແກ້ໄຂບັນຫາໃນປີ 2019-2020 ນີ້

ພາບບັຍຍາກາດ:

ໂຄສະນາເຜີຍແຜ່ເວັບໄຊ ຈົດຫມາຍເຫດທາງລັດຖະການ ແລະ ແອັບກົດຫມາຍລາວ

February 8, 2019 by Nut

ໃນຕອນບ່າຍຂອງວັນທີ 08 ກຸມພາ 2019 ເວລາ 14: 00 ໂມງ ຢູທີ່ສະໂມສອນໃຫຍ່ມະຫາວິທະຍາໄລແຫ່ງຊາດ (ຊັ້ນ 2) ກົມໂຄສະນາເຜີຍແຜ່ກົດໝາຍ, ກະຊວງຍຸດຕິທຳ ໄດ້ຈັດພິທີໂຄສະນາເຜີຍແຜ່ເວັບໄຊ ຈົດຫມາຍເຫດທາງລັດຖະການ ແລະ ແອັບກົດຫມາຍລາວ. ພາຍໃຕ້ການ ເປັນປະທານ ໂດຍ ທ່ານ ປອ ພອນແກ້ວ ຈັນທະມາລີ ຜູ້ອຳນວຍການສູນໄອທີ ຕາງໜ້າຄະນະນຳຝ່າຍ ມຊ, ທ່ານ ນ. ຄອນສະຫວັນ ສາວະລີ ຮອງຫົວຫນ້າກົມເຜີຍແຜ່ກົດຫມາຍ ກະຊວງຍຸດຕິທຳ. ເຂົ້າຮ່ວມໂດຍ ຜູ້ຕາງຫນ້າໂຄງການ USAID, ຄູ, ອາຈານ ແລະ ນັກສຶກສາຈາກ 13 ຄະນະທົ່ວ ມຊ ຈຳນວນ 80 ທ່ານ

ຈຸດປະສົງ:

ແມ່ນໃຫ້ບັນດາອຈ ແລະ ນັກສຶກສາຮູ້ເຖິງເວັບໄຊຈົດຫມາຍເຫດທາງລັດຖະການແລະແອັບກົດຫມາຍ
ໂຄສະນາຈົດຫມາຍເຫດ ແລະ ແອັບກົດຫມາຍ
ວິທີການນຳໃຊ້ແອັບ ແລະ ຮັບຮູ້ເຖີງຄວາມສຳຄັນຂອງຈົດຫມາຍເຫດ

ພາຍໃນພິທີ ທ່ານ ປອ ພອນແກ້ວ ຈັນທະມາລີ ຜູ້ອຳນວຍການສູນໄອທີ ຕາງໜ້າຄະນະນຳຝ່າຍ ມຊ ກໍໄດ້ໃຫ້ຄຳຄິດເຫັນຕໍ່ກັບການໂຄສະນາເຜີຍແຜ່ເວັບໄຊ ຈົດຫມາຍເຫດທາງລັດຖະການ ແລະ ແອັບກົດຫມາຍລາວ ໂດຍທ່ານໄດ້ເວົ້າເຖິງຄວາມສຳຄັນຂອງກົດໝາຍລາວ ແລະ ການນຳເອົາເທັກໂນໂລຊີ ກໍຄື Social network ເຂົ້າມາໃຊ້ໃນການເຜີຍແຜ່ກົດໝາຍລາວໃຫ້ກ້ວາງຂວາງຂຶ້ນ. ພ້ອມນັ້ນ ທ່ານ ນ. ຄອນສະຫວັນ ສາວະລີ ຮອງຫົວຫນ້າກົມເຜີຍແຜ່ກົດຫມາຍ ກະຊວງຍຸດຕິທຳ ກໍໄດ້ຂື້ນມີຄຳເຫັນໂດຍທ່ານໄດ້ເວົ້າເຖິງຄວາມສຳຄັນ ແລະ ຈຸດເລີ່ມຕົ້ນຂອງການສ້າງເວັບໄຊ ຈົດຫມາຍເຫດທາງລັດຖະການ ແລະ ແອັບກົດຫມາຍລາວ. ປັດຈຸບັນ ແອັັບກົດໝາຍລາວໄດ້ພັດທະນາ ແລະ ປັບປຸງ Version 3 ເຊີ່ງອອກແບບ ແລະ ພັດທະນາໂດຍ ກົມເຜີຍແຜ່ກົດຫມາຍ ກະຊວງຍຸດຕິທຳ ແລະ ໄດ້ຮັບການສະໜັບສະໜູນຈາກ ໂຄງການຮ່ວມມືລາວ-ສະຫະລັດອາເມລິກາເພື່ອການເຊື່ອມໂຍງສາກົນ ແລະ ອາຊຽນ (USAID).

ຈັດໂດຍ: ກົມໂຄສະນາເຜີຍແຜ່ກົດໝາຍ, ກະຊວງຍຸດຕິທຳ ສະໜັບສະໜູນໂດຍ: ໂຄງການຮ່ວມມື ລາວ-ສະຫະລັດອາເມລິກາ ເພື່ອການເຊື່ອມໂຍງສາກົນ ແລະ ອາຊຽນ USAID LUNA II

ສຸດທ້າຍໄດ້ມີການຈັດກິດຈະກຳ ຖາມ-ຕອບ ກ່ຽວກັບ ເວັບໄຊ ຈົດຫມາຍເຫດທາງລັດຖະການ ແລະ ແອັບກົດຫມາຍລາວ ເພື່ອແຈກຂອງລາງວັນທີ່ທາງທີມງານກົມເຜີຍແຜ່ກົດຫມາຍ ກະຊວງຍຸດຕິທຳ ໄດ້ກະກຽມມາທ່າມກາງບັນຍາກາດເບີກບານມ່ວນຊື່ນ.

ສາມາດດາວໂຫລດແອັບໄດ້ທີ່:

:http://laoofficialgazette.gov.la

/http://moj.gov.la/lo

ຮູບພາບບັນຍາກາດ