ຂ່າວ

ໂດຍການເປັນປະທານຂອງທ່ານ ຮສ. ປອ. ຄຳຜາຍ ສີສະຫວັນ ຮອງລັດຖະມົນຕີກະຊວງສຶກສາທິການ ແລະ ກິລາ, ແລະ ທ່ານ ສຈ. ປອ. ສົມສີ ຍໍພັນໄຊ ອະທິການບໍດີ ມຊ, ເຂົ້າຮ່ວມມີ ບັນດາສະມາຊິກສະພາມະຫາວິທະຍາໄລແຫ່ງຊາດ, ຕາໜ້າສຳນັກງານອົງການອ້ອມຂ້າງ, ບັນດາຫົວໜ້າກົມ, ຫົວໜ້າຫ້ອງການ, ຫົວໜ້າຫ້ອງການ, ຮອງກົມ, ອະທິການບໍດີ, ຮອງອະທິການບໍດີ, ຄະນະບໍດີ, ຫົວຫນ້າຫ້ອງການທີ່ຂື້ນກັບສຳນັກງານອະທິການ, ຜູ້ອຳນວຍການສະຖາບັນ, ຫໍສະໝຸດກາງ, ສູນ, ໂຮງຮຽນພອນສະຫວັນ, ຄູ, ອາຈານ ແລະ ນັກສຶກສາຈາກແຕ່ລະຄະນະວິຊາເຂົ້າຮ່ວມ.

ໃນພິທີທ່ານ ສຈ. ປອ ສົມສີ ຍໍພັນໄຊ ອະທິການບໍດີມະຫາວິທະຍາໄລແຫ່ງຊາດໄດ້ຜ່ານບົດສະຫຼຸບຊຸດຮຽນ ຮຸ່ນທີ 18 ( 2015-20 019) ໃນນີ້ສົກສຶກສາ 2018-2019 ມີນັກສຶກສາທີ່ສຳເລັດການສຶກສາ ຈຳນວນ 5,272 ຄົນ, ຍິງ 2,109 ຄົນ ແລະ ທ່ານຍັງໄດ້ຜ່ານແຜນການປະຈຳສົກສຶກສາ 2019-2020, ພ້ອມນັ້ນຍັງໄດ້ມອບໃບຍ້ອງຍໍໃຫ້ແກ່ບັນດາພະນັກງານ, ຄູ-ອາຈານ ທີ່ມີຜົນງານດີເດັ່ນ ປະເພດ I ຈຳນວນ 1,063 ຄົນ, ຮັບໃບຍ້ອງຍໍປະເພດ II ຈໍານວນ 424 ຄົນ. ນອກຈາກນັ້ນ ປະທານສະພາ ມຊ. ຍັງໄດ້ມອບຕໍາແໜ່ງວິຊາການຄູ ຂັ້ນອາຈານ ແລະ ຜູ້ຊ່ວຍອາຈານ ໃຫ້ແກ່ຜູ້ທີ່ມີຜົນງານການສິດສອນ ຈຳນວນທັງໝົດ 172 ທ່ານ.

ເນື່ອງໃນໂອກາດສະເຫຼີມສະຫຼອງວັນຄູແຫ່ງຊາດ ຄົບຮອບ 25 ປີ (7 ຕຸລາ 1994 – 7 ຕຸລາ 2019) ທ່ານ ຮສ. ປອ. ອຸດົມ ພອນຄຳເພັງ ໄດ້ຂຶ້ນເລົ່າມູນເຊື້ອປະຫວັດຄວາມເປັນມາ ຂອງນາຍຄູຄຳທີ່ມີບົດບາດໃນການຕໍ່ສູ້ກັບພວກລ່າເມືອງຂຶ້ນຢ່າງອາດຫານ, ຄວາມ ສະຫລຽວສະຫລາດ ແລະ ນໍ້າໃຈຮັກຊາດ ຮັກບ້ານເກີດເມືອງນອນ ເຊິ່ງເປັນຕົນແທນໃຫ້ ແກ່ຄູລາວທັງຊາດ ດັ່ງນັ້ນ ພັກລັດຈຶ່ງໄດ້ ກຳນົດເອົາວັນທີ 7 ຕຸລາ ເປັນວັນ ທີ່ນາຍຄູຄຳ ເຂົ້າ ເຮັດວຽກເປັນ ວັນຄູແຫ່ງຊາດ.

ໂອກາດດຽວກັນ ທ່ານ ຮສ. ປອ. ຄຳຜາຍ ສີສະຫວັນ ໄດ້ຂຶ້ນໂອລົມຕໍ່ພິທີເຊິ່ງທ່ານໄດ້ກ່າວຝາກຄວາມຢ້ຽມຢາມຖາມຂ່າວ ແລະ ໄດ້ສະແດງຄຳອວຍພອນມາຍັງຄະນະນຳ, ພະນັກງານ, ຄູ-ອາຈານ ແລະ ນັກສຶກສາທົ່ວມຊ. ພ້ອມໃຫ້ຄຳຄິດເຫັນແກ່ຄູ-ອາຈານຈົ່ງສືບຕໍ່ປະຕິບັດ 4 ພາລະບົດບາດມ 3 ຂໍແຂ່ງຂັນ, ສືບຕໍ່ຈັດຕັ້ງມາດຕະຖານ ແລະ 50 ຕົວຊີ້ວັດຂອງການຮັບປະກັນຄຸນນະພາບການສຶກສາ.

ຮູບພາບບັນຍາກາດ

ໃນຕອນບ່າຍຂອງວັນພຸດ ວັນທີ 2 ຕຸລາ 2019 ໂດຍການຊີ້ນຳ ແລະ ນຳພາຂອງ ທ່ານ ອະພິສິດ ເທບພະວົງສາ ເລຂາໜ່ວຍພັກ, ຮອງຜູ້ອຳນວຍການສູນໄອທີ ມຊ ພ້ອມດ້ວຍພະນັກງານສູນໄອທີ ຈຳນວນ 5 ຄົນ ແລະ ອາສາສະໝັກ 2 ຄົນ ໄດ້ຈັດກິດຈະກຳອອກແຮງງານ ໂດຍໄດ້ມີການລ່ວງຮ່ອງລະບາຍ, ຖາງຫຍ້າ, ປັດກວາດ ແລະ ພູນດິນໂຖດອກໄມ້ ອ້ອມຮອບຕຶກເຕ ໃຫ້ສະອາດ ແລະ ງາມຕາ.

ໃນຕອນບ່າຍຂອງວັນທີ 25 ກັນຍາ 2019 ໄດ້ມີການແຂ່ງຂັນກິລາເປຕັງຊິງຂັນຄະນະພັກ ຮາກຖານສຳນັກງານອະທິການບໍດີ ມຊ, ໂດຍການເປັນປະທານຂອງທ່ານ ຮສ ຄຳເຜີຍ ພົມມະຈັນ ຄະນະພັກຮາກຖານສຳນັກງານອະທິການບໍດີ ມຊ, ມີນັກກິລາຈາກບັນດາຫ້ອງ ການ, ສູນ ແລະ ໂຮງໝໍ ທີ່ຂື້ນກັບສຳນັກງານອະທິການບໍດີ ມຊ ເຂົ້້າຮ່ວມ ໂດຍແບ່ງເປັນ 02 ປະເພດຄື: ທີມນັກກິລາຍິງ 14 ທີມ ແລະ ທີມນັກກິລາຊາຍ ຈຳນວນ 14 ທີມ. ຜ່ານການແຂ່ງຂັນທີມຊະນະເລີດທີມຍີງໄດ້ແກ່ທີມສູນເທັກໂນໂລຊີ ແລະ ຂໍ້ມູນຂ່າວສານ, ທີ 2 ໄດ້ແກ່ທີມຫ້ອງການສັງລວມ ແລະ ທີມຊະນະເລີດທີມຊາຍໄດ້ແກ່ທີມຫ້ອງການຄຸ້ມ ຄອງເຄຫະ ແລະ ບໍລິການ, ທີ 2 ໄດ້ແກ່ທີມຫ້ອງການຄຸ້ມຄອງນັກສຶກສາ

ໃນລະຫວ່າງວັນທີ 3-5 ກັນຍາ 2019 ນີ້ທີມງານຈາກມະຫາວິທະຍາໄລ ວອນກວາງ ປະເທດ ສ ເກົາຫຼື (Wonkwang Digital University) ໄດ້ນຳເອົາອຸປະກອນ Backup ຂໍ້ມູນມາມອບ ແລະ ຕິດຕັ້ງໃສ່ຫ້ອງສະຕູດີໂອ, ສູນໄອທີ ມຊ ໂດຍຕາງໜ້າມອບໂດຍທ່ານ Mr. Inkwang LEE, Mr. Cheain LEE  ແລະ ຕາງໜ້າຮັບໂດຍ ທ່ານ ຄຳພັນ ສິດທະວົງ ວ່າການຜູ້ອຳນວຍການສູນໄອທີ ມຊ, ທ່ານ ອາລຸນສະຫວັັດ ແສນດວງເດດ ຮອງຫົວໜ້າຫ້ອງການວິຊາການ ແລະ ຮັບຜິດຊອບວຽກງານ E-learning ມຊ. ພ້ອມນັ້ນກໍຍັງໄດ້ມີການປະຊຸມຖອດຖອນບົດຮຽນນຳທີມງານ ID, SE ທັງ 5 ວິຊາ ແລະ SME 2 ວິຊາທີ່ສ້າງ Subtitle ເພື່ອຕິດຕາມ, ລາຍງານຄວາມຄືບໜ້າຂອງແຕ່ລະໜ້າວຽກ.

ຈຸດປະສົງຂອງກອງປະຊມໃນຄັ້ງນີ້ແມ່ນເພື່ອ ນຳສະເໜີການພັດທະນານະໂຍບາຍຂອງ E-learning ໃນລະດັບການສຶກສາຊັ້ນສູງ, ນຳສະເໜີແຜນພັດທະນາທີ່ຄວບຄຸມ E-learning ແລະ ລະບົບ LUMS ຂອງ ມະຫາວິທະຍາໄລແຫ່ງຊາດ, ນຳສະເໜີເຄື່ອງມືການກວດສອບ Network/Server/Applications ສຳລັບມະຫາວິທະຍາໄລແຫ່ງຊາດ .

ພາຍຫຼັງທີ່ຟັງການນຳສະເໜີຈາກທ່ານ Dr. Eric Mousset ທີມງານຊ່ຽວຊານຈາກ ໂຄງການ SSHEP ແລ້ວ ກໍໄດ້ມີການສະເໜີ ແລະ ປະກອບຄຳຄິດເຫັນຈາກຫຼາຍໆທ່ານທີ່ເຂົ້້າຮ່ວມ.

ພາບບັນຍາກາດ:

          ການຝຶກອົບຮົມດັ່ງກ່າວແມ່ນເພື່ອເປັນການຂະຫຍາຍເຄື່ອຂ່າຍການເຊື່ອມຕໍ່ສັນຍານອິນເຕີເນັດ ໃນຮູບແບບ IPv6 ເພື່ອເຊື່ອມຕໍ່ເປັນເຄື່ອຂ່າຍ, ສື່ສານກັບຄອມພິວເຕີ ແລະ ອຸປະກອນອື່ນໆ. ທັງນີ້ກໍເພື່ອເຮັດໃຫ້ວຽກງານການຂະຫຍາຍເຄື່ອຂ່າຍສັນຍານອິນເຕີເນັດ ແລະ ການນໍາໃຊ້ອິນເຕີເນັດ ໃຫ້ມີຄວາມວ່ອງໄວ ແລະ ທ່ວງທັນກັບຍຸກສະໄໝ. ການຝຶກອົບຮົມດັ່ງກ່າວແມ່ນໃຊ້ເວລາ 5 ວັນ ແຕ່ວັນທີ 12-16 ສິງຫາ 2019 ຈຶ່ງໄດ້ປິດລົງດ້ວຍຜົນສໍາເລັດ.
ຂໍ້ມູນເພີ່ມເຕີມ: https://ipv6.nuol.edu.la/

ພາບບັນຍາກາດການຝຶກອົບຮົມ