ມີນັກຮຽນຫຼາຍຄົນຈົບຈາກ ມຊ ແມ່ນມີຄວາມຜູກພັນຄິດຮອດອາຫານຂອງຮ້ານສົມໝາຍ ດົງໂດກ
ຖືໃດ້ວ່າຖືກໃຈນັກສຶກສາເປັນສ່ວນໃຫຍ່ ເພາະອາຫານຕາມສັ່ງແມ່ນແຊບ ແລະ ປະລິມານຫຼາຍ ຈົນອີມຮອດ 5 ໂມງແລງ
ຖ້າເວົ້າເຖິງເລື່ອງອາຫານແລ້ວນັ້ນສຳຄັນຫຼາຍຖ້າຫາກເຮົາກິນອາຫານບໍ່ອີມກໍ່ຈະເຮັດໃຫ້ຫິວແລະບໍ່ມີສະມາທິໃນການເຮັດວຽກ ຮຽນໜັງສື. ນັກສຶກສາຖືເປັນໄວທີ່ຕ້ອງການ ອາຫານຫຼາຍແລະພໍພຽງ ເພື່ອຕອບສະໜອງກັບຄວາມຄິດອັນຫ້າວຫັນແລະວອງໄວ ອາດຈະທຽບໃດ້ວ່າ ການກິນຂອງນັກສຶກສານັ້ນເໝືອນກັບລົດສະປອດກິນນ້ຳມັນ.
ວັນທີ 6 ກຸມພາ 2018 ຊ່ຽວຊານດ້ານການພັດທະນາວີດີໂອການສອນເທິງອິນເຕີເນັດຈາກ ມະຫາວິທະຍາໄລ ວັງກວັງ ສ.ເກົາຫຼີ ໄດ້ກັບມາຈັດ ງານສຳມະນາ Feedback ຜົນງານຂອງທີມພັດທະນາວີດີໂອບົດສອນອາຈານ ໃນມຊ ໃນປີ 2017 ທີ່ປິດກອງຖ່າຍໄປແລ້ວນັ້ນ ເພື່ອກະກຽມເປີດຄອສສອນຜ່ານອິນເຕີເນັດ (online course platform) ໃນສົກ 2018ນີ້.
ການຈັດງານສຳມະນາ Feedback ການພັດທະນາວີດີໂອການສອນເທິງອິນເຕີເນັດ ແມ່ນຈັດຂື້ນທຸກປີກ່ອນການຈະເປີດຄອສອອນໃນທຸກເທີມ ຖືເປັນການພັດທະນາແລະຕິດຕາມຜົນເພື່ອປັບປຸ່ງໃຫ້ກັບທີມງານແລະຄອສໃນປີຖັດໄປຈະດີຂື້ນເລື້ອຍໆ.
ໃນງານມື້ນີ້ແມ່ນມີອາຈານຈາກຫລາຍພາກສ່ວນເຊັ່ນ ຄະນະ ວິທະຍາສາດທຳມະຊາດ, ເສດຖະສາດ, ວິສະວະກຳສາດ,ສຶກສາສາດ…, ໃນນັ້ນສະເພາະທີມງານນັ້ນປະກອບໄປດ້ວຍ:
ຜູ້ກຳກັບແລະອອກແບບວິທີການສອນເທິງອິນເຕີເນັດ (Instructional Design)
ອາຈານສອນໃນລາຍວິຊາທີພັດທະນາ (Subject Method Expert)
ຜູ້ຄວບຄຸມການຜະລິດດ້ານໂປຣດັນຊັນ (Studio Engineer)
ນັກພັດທະນາເວັບໄຊທ໌ມັລຕິມີເດຍ (Multimedia Development)
ງານ Feedback ນີ້ແມ່ນແນ່ໃສ່ສະເພາະທີມງານພັດທະນາທີ່ກ່າວມາຂ້າງເທິງ ທັງໝົດມີ 5ວິຊາ (18 ຄົນ) ໃນປີ 2017
ປະຈຸບັນບົດຮຽນທີ່ຖືກພັດທະນາແລ້ວແລະນຳໃຊ້ແມ່ນຈຳກັດໃນຄະນະວິຊາທີ່ກ່ຽວຂ້ອງແລະນັກຮຽນໃນ ມຊເທົ່ານັ້ນ ເປັນໄປໃດ້ອະນາຄົດອັນໄກ້ ພາກການສຶກສາເຮົາມີທ່າອຽງຈະກ້າວໄປຫາການຮຽນການສອນຜ່ານອິນເຕີເນັດຫລາຍຂື້ນທຸກມື້
ພາບບັນຍາກາດໃນງານ
ການຖ່າຍພາບ ແລະ ວີດີໂອສຳລັບງານຕ່າງໆນັ້ນ ບໍ່ແມ່ນແຕ່ພຽງການຈັບກ້ອງແລ້ວກົດປຸ່ມຊັດເຕີ້ພຽງຢ່າງດ່ຽວ
ຫຼາຍຄັ້ງພວກເຂົາເລົ່ານັ້ນຊອກຫາແລະຈັບພາບໃນຈຸດທີ່ຄົນທົ່ວໄປບໍ່ເຫັນ ເພາະສາຍຕາເຂົາຊ່າງສັງເກດຫຼາຍກ່ອນຄົນປົກກະຕິ ບໍ່ພຽງແຕ່ຕາໄວ, ມືີຕ້ອງພ້ອມຢູ່ຕະຫຼອດເວລາ.
ໃນງານ ໂຄງການແຂ່ງຂັນ ນະວັດຕະກຳຊາວຫນຸ່ມກ່ຽວກັບກາ
ອ່ານຂ່າວເພີ່ມເຕີມກ່ຽວກັບງານທີ່ ເວັບໃຊ້ ມຊ https://goo.gl/1QvikJ
ເວັບໃຊ້ງານ http://yicmg.nuol.edu.la
ທ້າຍປີ 2017 ນີ້ເປັນອີກໜຶ່ງຜົນສຳເລັດຂອງທີມງານຜະລິດ E-Learning Content ໃນຈຳນວນ 5 ວິຊາໄດ້ປິດກອງຖ່່າຍທຳເປັນທີຮຽບຮ້ອຍແລ້ວ.
ໃນ 5 ວິຊາ ນິ້ແມ່ນມາຈາກຫຼາຍຄະນະໄດ້ແກ່:
ລະບົບ e-Learning ໃນມະຫາວິທະຍາໄລແຫ່ງຊາດ ກຳລັງຈະເປັນຮູບເປັນຮ່າງຂຶ້ນເທື່ອລະກ້າວ ຜ່ານຮ່າງນິຕິກຳຮັບໃຊ້ການຮຽນ-ການສອນແບບໃໝ່.
ໂດຍປະຕິບັດຕາມແຜນ ທີ່ໄດ້ສະເໜີໃນໂຄງການ ACU 2017 ແລະ ການຮ່ວມມືກັບກົມການສຶກສາຊັ້ນສູງ, ກະຊວງສຶກສາທິການ ແລະ ກິລາ, ສູນໄອທີ ມຊ ໄດ້ຈັດກອງປະຊູມນຳສະເໜີຮ່າງນິຕິກຳອີເລີນນິງຂຶ້ນທີ່ໂຮງແຮມ The Grand Riverside ວັງວຽງ ໃນລະຫວ່າງວັນທີ 27-28 ພະຈິກ 2017 ທີ່ຜ່ານມາ ໂດຍມີຈຸດປະສົງ ຄົ້ນຄວ້າ ແລະ ຜ່ານຮ່າງນິຕິກຳກ່ຽວກັບວຽກງານອີເລີນນິງ ໃນສະຖາບັນການສຶກສາຊັ້ນສູງ ພາຍໃຕ້ການເປັນປະທານຮ່ວມຂອງ ທ່ານ ຄຳເພົ້າ ຈັນເພັງໄຊ ຮອງຫົວໜ້າກົມການສຶກສາຊັ້ນສູງ ແລະ ທ່ານ ຮສ ປອ ອຸດົມ ພອນຄຳເພັງ ຮອງອະທິການບໍດີ ມຊ.
ກອງປະຊຸມດັ່ງກ່າວ ມີຜູ້ເຂົ້າຮ່ວມຈາກກົມຕ່າງໆທີ່ກ່ຽວຂ້ອງ ຂອງກະຊວງສຶກສາທິການ ແລະ ກິລາ, ຜູ້ເຂົ້າຮ່ວມຈາກຄະນະວິຊາ ແລະ ຫ້ອງການກ່ຽວຂ້ອງຂອງມະຫາວິທະຍາໄລແຫ່ງຊາດ, ຜູ້ເຂົ້າຮ່ວມຈາກມະຫາວິທະຍາໄລຈຳປາສັກ, ມະຫາວິທະຍາໄລສຸພານຸວົງ, ມະຫາວິທະຍາໄລວິທະຍາສາດສຸກຂະພາບ, ມະຫາວິທະຍາໄລສະຫວັນນະເຂດ ແລະ ວິທະຍາໄລເອກະຊົນຈຳນວນໜຶ່ງ ລວມກວ່າ 60 ທ່ານ.
ພ້ອມກັນນັ້ນ ໃນກອງປະຊຸມ ຍັງມີແຂກຕ່າງປະເທດຈາກ ສ.ເກົາຫຼີ ແລະ ໄທ ເຂົ້າຮ່ວມບັນຍາຍ ເພື່ອເປັນການນຳສະເໜີບົດຮຽນໃນດ້ານກົດໝາຍ ແລະ ອື່ນໆທີ່ກ່ຽວຂ້ອງຂອງແຕ່ລະປະເທດ ແນໃສ່ເພື່ອໃຫ້ຜູ້ເຂົ້າຮ່ວມເຫັນໄດ້ບົດຮຽນຜ່ານມາຂອງປະເທດຕ່າງໆ ແລະ ເອົາມາໝູນໃຊ້ໃສ່ໃນຮ່າງນິຕິກຳ ທີ່ເໝາະສົມກັບສະພາບບ້ານເຮົາ.
ໃນໄລຍະຂອງການປະຊຸມ, ຜູ້ເຂົ້າຮ່ວມໄດ້ສຸມຈິດສຸມໃຈ ໃສ່ການພິຈາລະນາຄົ້ນຄວ້າ ແລະ ປະກອບຄຳຄິດຄຳເຫັນຢ່າງກວ້າງຂວາງ ຕໍ່ຮ່າງນິຕິກຳການຮຽນ-ການສອນແບບອີເລີນນິງ ພ້ອມທັງໄດ້ມີການຕົກລົງໄດ້ບາງບັນຫາພື້ນຖານສຳຄັນ ໃຫ້ແກ່ການພັດທະນາວຽກງານດ້ານນີ້ຕໍ່ການສຶກສາໃນ ສ.ປ.ປ ລາວ ໃນອະນາຄົດ.
ຕາງໜ້າໃຫ້ຄະນະຮັບຜິດຊອບຈັດກອງປະຊຸມ ຂໍສະແດງຄວາມຮູ້ບຸນຄຸນ ແລະ ຂອບໃຈຢ່າງສູງ ຕໍ່ແຂກຕ່າງປະເທດ ແລະ ຜູ້ເຂົ້າຮ່ວມທຸກທ່ານ ທີ່ໄດ້ສະຫຼະເວລາເຂົ້າຮ່ວມ ເຮັດໃຫ້ກອງປະຊຸມດັ່ງກ່າວ ໄດ້ຮັບຜົນສຳເລັດຕາມລະດັບຄາດໝາຍ ທີ່ວາງໄວ້.
ທ່ານສາມາດຕິດຕາມພາບຖ່າຍ ແລະ ວີດີໂອຄຣິບຂອງງານເພີ່ມເຕີມ ຜ່ານທາງ facebook, google+ ແລະ youtube ຂອງສູນໄອທີໄດ້ (ໂດຍຄລິກທີ່ເຄື່ອງໝາຍ ທີ່ຢູ່ເທິງສຸດດ້ານຂວາ ຂອງໜ້າເວັບໄຊສູນໄອທີ).
ທີມອາວຸໂສ ສູນໄອທີ ຍາດໄດ້ອັນດັບທີ 3 ໃນງານແຂ່ງຂັນເປຕັງ ສະເຫຼີມສະຫຼອງວັນສ້າງຕັ້ງ ມຊ ຄົບຮອບ 21 ປີ ທີ່ສະໜາມເປຕັງ ມຊ.
ເພື່ອເປັນການສ້າງຂະບວນການເບີກບານມ່ວນຊື່ນ ສະເຫຼີມສະຫຼອງວັນສ້າງຕັ້ງ ມະຫາວິທະຍາໄລແຫ່ງຊາດ ທີ່ໝູນວຽນມາອີກວາລະໜຶ່ງ ເຊິ່ງປີນີ້ ແມ່ນຄົບຮອບ 21 ປີແລ້ວ, ດັ່ງນັ້ນ ທາງການນຳຂອງ ມຊ ຈຶ່ງໄດ້ຈັດການແຂ່ງຂັນກິລາເປຕັງຂຶ້ນ ໃນວັນເສົາ ວັນທີ 11 ພະຈິກ 2017 ທີ່ຜ່ານມາ ທີ່ສະໜາມກິລາເປຕັງ ມຊ ວິທະຍາເຂດດົງໂດກ ໂດຍການເປັນປະທານຂອງທ່ານ ຮສ ປອ ອຸດົມ ພອນຄຳເພັງ ຮອງອະທິການບໍດີ ມຊ ເຊິ່ງນອກຈາກຈະເປັນປະທານຈັດງານແລ້ວ, ທ່ານຍັງໄດ້ເຂົ້າຮ່ວມແຂ່ງຂັນໃນນາມທີມອາວຸໂສສຳນັກງານ ອະທິການບໍດີ ອີກດ້ວຍ.
ປີນີ້ການແຂ່ງຂັນກິລາເປຕັງຖືວ່າຄຶກຄັກ ກວ່າປີຜ່ານໆມາ ເພາະມີທຸກຄະນະວິຊາ ແລະ ຫ້ອງການຕ່າງໆອ້ອມຂ້າງສຳນັກງານອະທິການບໍດີເຂົ້າຮ່ວມລວມ 26 ທີມ. ການແຂ່ງຂັນ ໄດ້ຖືກແບ່ງອອກເປັນ 3 ປະເພດຄື ທີມອາວຸໂສ, ທີມຊາວໜຸ່ມ ແລະ ທີມສະຫະພັນແມ່ຍິງ ໂດຍແຕ່ລະທີມ ປະກອບດ້ວຍນັກກິລາ 3 ທ່ານ ຈຶ່ງຖືໄດ້ວ່າມີນັກກິລາເຂົ້າຮ່ວມຢ່າງຫຼວງຫຼາຍ. ພິເສດໃນການແຂ່ງຂັນນີ້ ຍັງມີທີມຈາກທະນາຄານຮ່ວມພັດທະນາ (Joint Development Bank ຫຼື JDB) ເຂົ້າຮ່ວມ 3 ທີມ ແລະ ປະກອບສ່ວນສະໜັບສະໜູນການຈັດງານ ເປັນມູນຄ່າ 5 ລ້ານກີບອີກດ້ວຍ.
ສູນໄອທີພວກເຮົາ ນອກຈາກປະກອບສ່ວນໃນການຈັດງານຄັ້ງນີ້ແລ້ວ, ຍັງໄດ້ສົ່ງທີມເຂົ້າຮ່ວມແຂ່ງຂັນ ທັງປະເພດທີມອາວຸໂສ ນຳໂດຍຄະນະອຳນວຍການສູນ ທ່ານ ປອ ພອນແກ້ວ ຈັນທະມາລີ ແລະ ທ່ານ ຄຳພັນ ສິດທະວົງ ແລະ ປະເພດ ທີມຍິງ ນຳໂດຍ ທ່ານ ນາງ ມະໄລພອນ ສຸລິຍະວົງ.
ຜົນການແຂ່ງຂັນທີມຍິງຂອງສູນປະກົດວ່າ ບໍ່ໄດ້ລຸ້ນ ຕົກຮອບໄປຕັ້ງແຕ່ຮອບທຳອິດ, ສ່ວນທີມອາວຸໂສ ສູນໄອທີ ຖືວ່າເປັນຕົວເຕັງໃນງານ ເພາະມີການເຝິກຊ້ອມກະກຽມເພື່ອງານນີ້ໂດຍສະເພາະ. ໜ້າເສຍດາຍ ທີ່ຕ້ອງໄປສູ້ສຶກສາຍເລືອດ ກັບເຕັງໜຶ່ງປະເພດທີມອາວຸໂສ ສຳນັກງານອະທິການບໍດີ ໃນຮອບຮອງຊະນະເລີດ ເຮັດໃຫ້ຕົກຮອບໄປຢ່າງຫວຸດຫວິດ. ແຕ່ເຖິງຢ່າງໃດກໍ່ຕາມ ໃນການຊິງອັນດັບ 3 ກັບທີມຈາກ ທະນາຄານຮ່ວມພັດທະນານັ້ນ ທີມອາວຸໂສ ສູນໄອທີ ກໍ່ເອົາຊະນະ ເປັນລາງວັນປອບໃຈໄປ.
ຜົນການແຂ່ງຂັນທັງ 3 ປະເພດມີດັ່ງນີ້:
ປະເພດທີມສະຫະພັນແມ່ຍິງ
ປະເພດທີມອາວຸໂສ:
ປະເພດທີມຊາວໜຸ່ມ:
ການຈັດການແຂ່ງຂັນກິລາເປຕັງ ສະເຫຼີມສະຫຼອງວັນສ້າງຕັ້ງ ມຊ ຄົບຮອບ 21 ປີ ໄດ້ສຳເລັດລົງ ຕາມລະດັບຄາດໝາຍທີ່ວາງໄວ້. ຂໍສະແດງຄວາມຂອບໃຈມາຍັງນັກກິລາ ແລະ ຄະນະຮັບຜິດຊອບຈັດການແຂ່ງຂັນ ແລະ ຜູ້ສະໜັບສະໜູນທຸກພາກສ່ວນ.