ໃນລະຫວ່າງວັນທີ 20-25 ມັງກອນ 2020 ຢູ່ທີ່ສູນໄອທີ ມະຫາວິທະຍາໄລແຫ່ງຊາດ ໄດ້ມີການຈັດຝຶກອົບຮົມໃນ 02 ຫົວຂໍ້ຄື: ການສ້າງເວັບໄຊໂດຍນຳໃຊ້ WordPress ແລະ ການນຳໃຊ້ໂປຣແກຣມສະໝັກສອບເສັງເຂົ້າ ມຊ ແບບອອນລາຍໃຫ້ແກ່ພະນັກງານ, ຄູອາຈານ ຈາກມະຫາວິທະຍາໄລຈຳປາສັກ.
ຈຸດປະສົງກໍເພື່ອເປັນການສ້າງຄວາມເຂັ້ມແຂງທາງດ້ານວິຊາການໃຫ້ແກ່ພະນັກງານເຕັກນິກການພັດທະນາເວັບໄຊ ແລະ ການນຳໃຊ້ໂປຣແກຣມໃຫ້ແກ່ພະນັກງານເຕັກນິກຈາກສູນໄອທີ ແລະ ຫ້ອງການວິຊາການ ມະຫາວິທະຍາໄລຈຳປາສັກ ໃນດ້ານຕ່າງໆເຊັ່ນ: ການອອກແບບໜ້າເວັບ, ການຕິດຕັ້ງ, ການສ້າງຂ່າວ ແລະ ການນຳໃຊ້ໂປຣແກມ ເພື່ອໃຫ້ນຳໄປໃຊ້ໃນການອອກແບບ, ພັດທະນາເວັບໄຊຂອງມະຫາວິະຍາໄລຈຳປາສັກ.
