IT Center

ພິທີເຊັນສັນຍາສ້າງເວັບໄຊ ຄສຄ

ເພື່ອເປັນການສົ່ງເສີມ ແລະ ເຫັນໄດ້ເຖິງຄວາມສຳຄັນຂອງວຽກງານຂໍ້ມູນຂ່າວສານ ດັ່ງນັ້ນ, ໃນຕອນເຊົ້າຂອງວັນທີ 19 ກຸມພາ 2020 ທີ່ຫ້ອງປະຊຸມ ຄະນະວິທະຍາສາດສັງຄົມ ມະຫາວິທະຍາໄລແຫ່ງຊາດ ໄດ້ມີພິທີເຊັນສັນຍາສ້າງເວັບໄຊຂອງຄະນະວິທະຍາສາດສັງຄົມ ເຊິ່ງເປັນການເຊັນສັນຍາລະຫວ່າງ ຄະນະວິທະຍາສາດສັງຄົມ  ແລະ ສູນເທັກໂນໂລຊີຂໍ້ມູນຂ່າວສານ ໃນນັ້ນຕາງໜ້າຄະນະວິທະຍາສາດສັງຄົມ ເປັນກຽດເຊັນສັນຍາໂດຍທ່ານ ຮສ. ປອ ເດຊານຸລາດ ແສນດວງເດດ ຮັກສາການຄະນະບໍດີຄະນະວິທະຍາສາດສັງຄົມ ແລະ ເຂົ້າຮ່ວມໂດຍທ່ານຮອງຄະນະບໍດີ, ຫົວໜ້າພາກວິຊາ, ຫົວໜ້າພະແນກ, ຄະນະຮັບຜິດຊອບວຽກງານ 3 ອົງການຈັດຕັ້ງ ແລະ ຄະນະຮັບຜິດຊອບເວັບໄຊ. ຕາງໜ້າສູນເທັກໂນໂລຊີຂໍ້ມູນຂ່າວສານ ເປັນກຽດ ເຊັນສັນຍາໂດຍທ່ານ ປທ ຄຳພັນ ສິດທະວົງ ວ່າການຜູ້ອຳນວຍການສູນເທັກໂນໂລຊີຂໍ້ມູນຂ່າວສານ ແລະ ເຂົ້າຮ່ວມໂດຍທ່ານຮອງຜູ້ອຳນວຍການ, ຫົວໜ້າພະແນກ ແລະ ພະນັກງານວິຊາການ ເຂົ້າຮ່ວມ.

ຈຸດປະສົງໃນການເຊັນສັນຍາໃນຄັ້ງນີ້ກໍເພື່ອເຮັດໃຫ້ວຽກງານສ້າງ ແລະ ພັດທະນາເວັບໄຊ ເປັນໄປຕາມກຳນົດເວລາ ແລະ ໄດ້ເວັບໄຊທີ່ສົມບູນແບບ.

 

 

ສະແດງຄຳຄິດເຫັນ...

%d bloggers like this: