ທ່ານເຄີຍສົງໃສ ຫລື ຖາມຕົວເອງບໍ່ວ່າເຮົາໃຊ້ໂທລະສັບຫລາຍເກີນສົມຄວນ. ໃນຕອນທີ່ battery ໂທລະສັບໃກ້ຫມົດ ຫລື data ອິນເຕີເນັດໃກ້ຫມົດ , ທ່ານຮູ້ສຶກແບບໃດ. ຖ້າທ່ານຮູ້ສຶກງຸດງິດ ຫລື ກັງວົນ, ທ່ານອາດຈະມີອາການຂອງໂລກສະໄຫມໃຫ່ມທີ່ເອີນວ່າ ໂລກຢ້ານການຂາດໂທລະສັບ (nomophobia). Nomophobia ຫຍໍ້ມາຈາກ NO MObile phone PHOBIA ແມ່ນໂລກຢ້ານແບບບໍ່ມີເຫດຜົນຂອງຄົນ ທີ່ຂາດໂທລະສັບບໍ່ໄດ້ ຫລື ຍ້ານທີ່ຈະບໍ່ໄດ້ໃຊ້ໂທລະສັບໃນກໍລະນີຕ່າງຯ ຕົວຢ່າງ ບໍ່ມີສັນຍານໂທລະສັບ ຫລື battery ກໍາລັງຈະຫມົດ.
ການກວດສອບໂລກນີມີຫລາຍວິທີ ແຕ່ຂ້າພະເຈົ້າຈະຂໍແເນະນຳໜຶ່ງວິທີ ທີ່ຊື່ວ່າ: NMP-Q. NMP-Q ແມ່ນຜົນງານການຄົ້ນຄວ້າຂອງມະຫາວິທະຍາໄລ Iowa state university, ອາເມລິກາ ທີ່ຖືກຕີພີມໃນວາລະສານຊື່ດັງທີ່ກ່ຽວກັບຄອມພີວເຕີ ແລະ ພຶດຕິກຳຄົນຂອງຄົນ. Computers in Human behaviour. NMP-Q ແມ່ນ ບົດສອບຖາມທີ່ໃຊ້ກວດສອບ Nomophobia, ມີ 20 ຄຳຖາມ ແລະ 7 ລະດັບ. ຄະແນນລວມຂອງທັງຫມົດ 20 ຄຳຖາມຈະເປັນເກນຫລັກໃນການວັດແທກລະດັບ Nomophobia ຂອງທ່ານ (ເບິ່ງຕາມຕາຕະລາງຂ້າງລຸ່ມ). ກົດປຸ່ມແລ້ວລອງກວດສອບເບິ່ງວ່າທ່ານເປັນໂລກນີ້ໃນລະດັບໃດ.
| ຄະແນນ | ຄວາມຫມາຍ |
| 20 | ບໍ່ໄດ້ເປັນໂລກ nomophobia |
| 21 – 59 | ມີໂລກ nomophobia ໃນຂັ້ນຕົ້ນ |
| 60 – 99 | ມີໂລກ nomophobia ໃນຂັ້ນປານກາງ |
| 100 – 140 | ມີໂລກ nomophobia ໃນຂັ້ນຕົ້ນຮ້າຍແຮງ |
ອ້າງອິງ
https://www.sciencedirect.com/science/article/pii/S0747563215001806