ສູນໄອທີ ມຊ 
ວັນທີ 9/4/2016 ງານສະເຫຼີມສະຫຼອງບຸນປີໃໝ່ລາວ ກໍ່ຈັດຂື້ນທຸກປີ ປີນີ້ເປັນອີກປີໜຶ່ງ ທີ່ ຫ້ອງການທີ່ຂື້ນກັບສຳນັກອະທິການບໍດີ ຕ່າງພາກັນສາມະຄີ ເຂົ້າອວຍພອນປີໃໝ່ ແກ່ ຄະນະນຳ ມຊ ນັ້ນຄືອະທິການບໍດີ, ຮອງອະທິການບໍດີ ມະຫາວິທະຍາໄລແຫ່ງຊາດ
ເຊິ່ງງານແມ່ນໄດ້ເລີ່ມພິທີຕັກບາດໃນຕອນ 7ໂມງ
https://drive.google.com/open?id=0B1Dd3PXWs99EaE9veC0tMVdjTlU
ໃນຕອນເຊົ້າຂອງວັນທີ 03 ທັນວາ 2015 ໄດ້ມີການຈັດກອງປະຊຸມປະກາດນາມມະຍົດ ຄຊປປລ 4 ບຸກ ຂອງຄະນະຊາວໜຸ່ມ ມະຫາວິທະຍາໄລແຫ່ງຊາດ ເຊິ່ງຈັດຂຶ້ນທີ່ ສະໂມສອນໃຫຍ່ຊັ້ນ I ໂດຍມີ ທ່ານ ສຈ ດຣ ສຸກກົງແສງ ໄຊຍະເລີດ, ຄະນະກຳມະການກົມການເມືອງສູນກາງພັກ, ອະທິການບໍດີ ມະຫາວິທະຍາໄລແຫ່ງຊາດ,
ທ່ານ ວິໄລວົງ ບຸດດາຄຳ ພ້ອມດ້ວຍເລຂາຊາວໜຸ່ມມະຫາວິທະຍາໄລແຫ່ງຊາດ, ສະມາຊິກຊາວໜຸ່ມຈາກຫ້ອງການ ແລະ ຄະນະວິຊາຕ່າງໆກໍ່ໄດ້ໃຫ້ກຽດເຂົ້າຮ່ວມ.
ນອກຈາກນີ້ ທ່ານ ວິໄລວົງ ບຸດດາຄຳກໍ່ໄດ້ໃຫ້ຄຳໂອວາດເຊິ່ງມີເນື້ອໃນໂດຍຫຍໍ້ແມ່ນໃຫ້ມີຄວາມສາມັກຄີພາຍໃນໃຫ້ແໜ້ນແຟ້ນ…
ພາຍຫຼັງທີ່ກ່າວປິດກອງປະຊຸມກໍ່ໄດ້ມີພິທີການເປີດປ້າຍ ຄຊປປລ 4 ບຸກຂອງມະຫາວິທະຍາໄລແຫ່ງຊາດທີ່ດ້ານໜ້າຂອງສະໂມສອນໃຫຍ່ ແລະ ໄດ້ມີການຕີຄ້ອງ 9 ເທື່ອເພື່ອເປີດປ້າຍຢ່າງເປັນທາງການ.
ກອງປະຊຸມດັ່ງກ່າວກໍ່ໄດ້ປິດລົງໃນເວລາ 10:00 ມ
ໃນຕອນບ່າຍຂອງວັນທີ 17/11/2015 ນ. ໜໍ່ຄຳ ເຊິ່ງເປັນແມ່ນ້າຂອງ ອຈ ບົວຄຳ ດວງປັນຍາ ຮອງຫົວໜ້າພະແນກພັດທະນາຊັອບແວ ສັງກັດ ສູນໄອທີ ມຊ ໄດ້ປະສົບອຸບັດຕິເຫດເສຍຊີວິດ, ເຊິ່ງງານຊາປະນາກິດສົບແມ່ນໄດ້ຈັດຂຶ້ນທີ່ວັດ
ບ້ານນາດີ ເມືອງ ນາຊາຍທອງ ແຂວງ ນະຄອນຫຼວງວຽງຈັນ. ພະນັກງານຂອງສູນໄອທີກໍ່ໄດ້ໄປອົບອູ່ນ, ຮ່ວມກິນທານ ແລະ ຮ່ວມງານຊາປະນາກິດສົບ
ເຊິ່ງມີຫ້າງກະກຽມແມ່ນວັນເສົາທີ 21/11/2015 ແລະ ວັນອາທິດທີ 22/11/2015 ເປັນມື້ໃສ່ບາດ.
ຮູບພາບມື້ງານຊາປະນາກິດສົບ:
ໃນລະຫວ່າງວັນທີ 3-5 ພະຈິກ ປີ 2015 ທີ່ຜ່ານມາ ເພື່ອໃຫ້ມີທີມງານໃນການພັດທະນາລາຍວິຊາເພີ່ມຂຶ້ນ, ເຊິ່ງໄດ້ມີການຄັດເລືອກເອົາອາຈານຜູ້ທີ່ມີຄວາມຮູ້ວິຊາສະເພາະເພື່ອມາຈັດຕັ້ງເປັນທີມພັດທະນາລາຍວິຊາ, ເຊິ່ງໃນນັ້ນ ມີອາຈານຜູ້ທີ່ເຂົ້າຮ່ວມທັງໝົດ 14 ທ່ານ, (SME= 4 ທ່ານ, ID=4 ທ່ານ, MD=4 ທ່ານ, SE=2 ທ່ານ) ການເຝິກອົບຮົມໃນຄັ້ງນີ້ແມ່ນຢູ່ພາຍໃຕ້ໂຄງການ ASEAN CYBER UNIVERSITY (ACU).
ຜ່ານການເຝິກອົບຮົມໃນຄັ້ງນີ້ຜູ້ເຂົ້າຮ່ວມທຸກທ່ານແມ່ນຕັ້ງໃຈທີ່ຈະພັດທະນາຄວາມຮູ້ ແລະ ຜັນຂະຫຍາຍຄວາມຮູ້ດັ່ງກ່າວໃຫ້ສອດຄ່ອງກັບການເຮັດວຽກຕົວຈິງພາຍໃຕ້ໂຄງການນີ້.
ໃນວັນທີ 05/10/2015 ຫ້ອງການ ການເງິນໄດ້ມາໃຊ້ບໍລິການຫ້ອງເຝິກອົບຮົມຂອງສູນໄອທີ ເພື່ອເຝິກອົບຮົມໃຫ້ແກ່ພະນັກງານເຊິ່ງມີຜູ້ບັນຍາຍມາຈາກກະຊວງການເງິນມາບັນຍາຍຫົວຂໍ້” ບັນຊີ ” ໃຫ້ແກ່ພະນັກງານຂອງຫ້ອງການ ການເງິນ ແລະ ຄະນະວິຊາ.
ຮູບພາບ: ກົດທີ່ນີ້ເພື່ອເບິ່ງພາບ
