ສູນໄອທີ ມຊ

ສູນເທັກໂນໂລຊີຂໍ້ມູນຂ່າວສານ ມີພາລະບົດບາດດັ່ງນີ້: 1. ພັດທະນາ ແລະຈັດການກັບ ລະບົບ ICT ສຳລັບການສຶກສາ ໃນ ທົ່ວ ມຊ. 2. ສົ່ງເສີມເຮັດໃຫ້ ມຊ ມີລະບົບບໍລິຫານທີ່ນຳໃຊ້ເຄື່ອງມື ICT (e-Management/EMIS). 3. ກໍ່ສ້າງແລະພັດທະນາຊັບພະຍາກອນ ມະນຸດທາງດ້ານ ICT ເພື່ອຕອບສະໜອງຄວາມຕ້ອງການຂອງສັງຄົມຍຸກໃໝ່. 4. ບໍລິການວິຊາການແລະເທັກ ນິກທາງດ້ານ ICT ຕໍ່ກັບພາຍນອກ.

ຊົມເຊີຍຜົນສຳເລັດຂອງກອງປະຊຸມໃຫຍ່ຄັ້ງທີ IV ຂອງສະຫະພັນກຳມະບານ ມຊ

by

IMG_0729 IMG_0735 IMG_0736ທ່າມກາງທີ່ທົ່ວພັກ, ທົ່ວລັດ ແລະ ທົ່ວປວງຊົນລາວ ພວມສ້າງສຸມໃສ່ ສ້າງຜົນງານຕາມມະຕິຂອງກອງປະຊຸມໃຫຍ່ ຄັ້ງທີ IX ຂອງພັກໃຫ້ປະກົດຜົນເປັນຈິງ ພ້ອມທັງເພື່ອຄຳນັບຮັບຕ້ອນກອງປະຊຸມໃຫຍ່ ຄັ້ງທີ X ຂອງພັກທີ່ຈະມາເຖິງໃນມໍ່ໆນີ້ນັ້ນ,  ຕອນບ່າຍວັນ 30 ມັງກອນ 2015 ທີ່ສະໂມສອນຊັ້ນສອງ ສຳນັກງານອະທິການບໍດີ  ໄດ້ມີການຈັດກອງປະຊຸມໃຫຍ່ຄັ້ງທີ IV ຂອງສະຫະພັນກຳມະບານ ມຊ ຂຶ້ນ.

Read more

ເຂົ້າຮ່ວມໃນກອງປະຊຸມໃນຄັ້ງນີ້ນັ້ນ, ມີທ່ານ ສຈ.ດຣ ສຸກກົງແສງ ໄຊຍະເລີດ ກຳມະການສູນກາງພັກ ຄະນະພັກ ກະຊວງສຶກສາທິການ ແລະ ກິລາ ອະທິການບໍດີມະຫາວິທະຍາໄລແຫ່ງຊາດ, ທ່ານ ຄູນມີ ພົມມະນິມິດ ຄະນະບໍລິຫານງານ ສູນກາງກຳມະບານລາວ ປະທານສະຫະພັນກຳມະບານກະຊວງສຶກສາທິການ ແລະ ກິລາ, ທ່ານ ຮສ.ດຣ ສາຍຂອງ ສາຍນາສິນ ຄະນະພັກ ກະຊວງສຶກສາທິການ ແລະ ກິລາ ເລຂາອົງຄະນະພັກ ຮອງອະທິການບໍດີ ມະຫາວິທະຍາໄລແຫ່ງຊາດ , ປະທານກຳມະບານ ມຊ, ປະທານສະຫະພັນແມ່ຍິງ ມຊ, ເລຂາຊາວໜຸ່ມ ມຊ ແລະ ບັນດາຜູ້ແທນສົມບູນ ແລະ ແຂກທີ່ຖືກເຊີນ ລວມທັງໝົດປະມານ 200 ຄົນ. ໃນນັ້ນ ສະຫາຍ ອະພິສິດ ເທບພະວົງສາ ຫົວໜ້າໜ່ວຍກຳມະບານ ສູນໄອທີ, ກໍ່ແມ່ນຕາງໜ້າ ສະມາຊິກກຳມະບານຂອງສູນ ເຂົ້າຮ່ວມເປັນຜູ້ແທນຂອງກອງປະຊຸມ.

ທ່ານ ຮສ ດຣ ອານຸລົມ ວິໄລພອນ ກໍ່ໄດ້ຜ່ານບົດສະຫລຸບການປະຕິບັດວຽກງານກຳມະບານ ໃນໄລຍະ 3 ປີ ຜ່ານມາ ແລະ ຜ່ານທິດທາງແຜນການເຄື່ອນໄຫວ ຂອງກຳມະບານ ໃນ 5 ປີ ຕໍ່ໜ້າ. ກອງປະຊຸມຍັງໄດ້ມີຮັບການອຳລາຂອງຄະນະບໍລິຫານງານຊຸດເກົ່າ ແລະ ເລືອກຕັ້ງເອົາຄະນະບໍລິຫານງານກຳມະບານ ມຊ ຊຸດທີ IV ອີກດ້ວຍ ເຊິ່ງຜົນການເລືອກຕັ້ງຄະນະບໍລິຫານງານຊຸດໃໝ່ນີ້ແມ່ນ

1. ທ່ານ ຮສ.ດຣ ອານຸລົມ ວິໄລພອນ ເປັນປະທານສະຫະພັນກຳມະບານ ມຊ
2. ທ່ານ ໂພໄຊ ເທບວິໄລວົງ ເປັນຮອງປະທານສະຫະພັນກຳມະບານ ມຊ
3. ທ່ານ ບຸນທອນ ສຸຂະວົງ ເປັນຮອງປະທານສະຫະພັນກຳມະບານ ມຊ
4. ທ່ານ ຄຳເຟືອງ ລໍວັນໄຊ ເປັນຮອງປະທານສະຫະພັນກຳມະບານ ມຊ
5. ທ່ານ ນາງ ທັດສະນາລອນ ສີສຸນົນ ເປັນປະທານກວດກາ

ສະຫະພັນກຳມະບານ ມຊ ແມ່ນຮາກຖານກຳມະບານ ທີ່ມີຈຳນວນສະມາຊິກຫຼາຍກວ່າໝູ່ (ນັບທັງພະນັກງານ-ຄູອາຈານ ແລະ ນັກສຶກສາ) ໃນບັນດາຮາກຖານທີ່ຢູ່ພາຍໃນກະຊວງ ສຶກສາທິການ ແລະ ກິລາ. ໃນຈຳນວນພະນັກງານລັດຖະກອນທັງໝົດ ໃນມະຫາວິທະຍາໄລແຫ່ງຊາດ 1800 ກວ່າຄົນນັ້ນ, ສອງສ່ວນສາມ ແມ່ນສະມາຊິກກຳມະບານ. ຕາມແຜນການ ໃນໄລຍະ 5 ປີຕໍ່ໜ້າ, ສະຫະພັນກຳມະບານ ມຊ ຈະກໍ່ສ້າງ​ ຮັບເອົາສະມາຊິກເພີ່ມຂຶ້ນໃຫ້ໄດ້ 30 ເປີເຊັນຂອງຈຳນວນປະຈຸບັນ.

ໃນໂອກາດນີ້, ສູນເທັກໂນໂລຊີ-ຂໍ້ມູນຂ່າວສານ (ສູນໄອທີ) ມຊ ຂໍຊົມເຊີຍຜົນສຳເລັດຂອງກອງປະຊຸມໃຫຍ່ຄັ້ງທີ IV ຂອງສະຫະພັນ ກຳມະບານ ມຊ ແລະ ສະມາຊິກກຳມະບານ ມຊ ທັງໝົດ ທີ່ຍາດມາໄດ້, ພ້ອມກັນນັ້ນ ກໍ່ຮຽກຮ້ອງໃຫ້ສະມາຊິກກຳມະບານຂອງ ສູນ ສຸມທຸກຄວາມສາມາດຂອງຕົນໃນວຽກງານ ທີ່ຕົນເອງຮັບຜິດຊອບ ເພື່ອຍາດໄດ້ຜົນງານໃໝ່ ໃຫຍ່ຫລວງກວ່າເກົ່າ.

 

ການປະກາດຕຳແໜ່ງໃໝ່ຮອງສູນ ແລະ ຮອງພະແນກ ຂອງ ສູນໄອທີ ມຊ

by

ໃນວັນທີ 29 ມັງກອນ 2015 ທີ່ ຫ້ອງການສູນໄອທີ ມະຫາວິທະຍາໄລແຫ່ງຊາດ ໄດ້ມີການປະກາດຕຳແໜ່ງແລະກຳນົດໜ້າທີ່ ວຽກງານໃຫ້ກຳ ຮອງສູນແລະຮອງພະແນກ ຄົນໃໝ່

Read more

ໂດຍໃຫ້ກຽດການປະກາດໂດຍ ຮອງອະທິການບໍດີ ດຣ ສາຍຂອງ ສາຍນະສິນ ເປັນປະ ທານ ແລະ ທ່ານ ຮສ ດຣ ວັນທອງ ຫົວໜ້າຫ້ອງການຈັດຕັ້ງ ຕາມ ຂໍ້ຕົງລົງວ່າດ້ວຍການແຕ່ງຕັ້ງຕຳແໜ່ງ…..
ຮສ ດຣ ວັນທອງ ໄດ້ອ່ານປະກາດຂໍ້ຕົກລົງ ໃຫ້ພະນັກງານທັງໝົດຊາບກັນວ່າ

ໃຫ້ ທ່ານ ທອງສະໝຸດ ສູນທະວົງ ເປັນ ວ່າການ ຮອງສູນ ໄອທີ

ໃຫ້ ທ່ານ ນາງ ບົວຄຳ ດວງປັນຍາ ເປັນ ຮອງພະແນກ ພັດທະນາຊອບແວ ແລະ ລະບົບ

ທັງນີ້ທຸກຄົນຕ່າງພ້ອມພຽງກັນສະແດງຄວາມຍິນດີກັນທົ່ວໜ້າ.

ການຈັດຕັ້ງປະຕິບັດແຜນຍຸດທະສາດກາງສະໄໝ ຂອງມະຫາວິທະຍາໄລແຫ່ງຊາດ ໄລຍະ 2013-2015

by

nuol2

 

ການຈັດຕັ້ງປະຕິບັດແຜນຍຸດທະສາດກາງສະໄໝຂອງມະຫາວິທະຍາໄລແຫ່ງຊາດ ໄລຍະ 2013-2015

Read more

 

 

[section=ປະຫວັດຄວາມເປັນມາ]

  • ການສ້າງຕັ້ງມະຫາວິທະຍາໄລແຫ່ງຊາດລາວ

ການສ້າງຕັ້ງມະຫາວິທະຍາໄລແຫ່ງຊາດລາວ ໃນປີ 1996 ແມ່ນຂີດໝາຍທີ່ສຳຄັນຂອງການປະຕິຮູບການສຶກສາຊັ້ນສູງ ໃນສປປ ລາວ.

ມະຫາວິທະຍາໄລແຫ່ງຊາດ ແມ່ນສູນລວມການຝຶກອົບຮົມການສຶກສາຊັ້ນສູງ ແລະມີໜ້າທີ່ທີ່ສຳຄັນ ແລະເປັນຕົວແທນຂອງປະເທດ ໃນການນຳສະເໜີ ກ່ຽວກັບການສຶກສາຊັ້ນສູງໃຫ້ກັບປະເທດໃນພູມີພາກ ແລະສາກົນ.

  •  ປະຫວັດຄວາມເປັນມາ

ເຕົ້າໂຮມເອົາບັນດາສະຖາບັນການສຶກສາຊັ້ນສູງ  ທີ່ຂຶ້ນກັບກະຊວງຕ່າງໆລວມມີ 5 ວິທະຍາເຂດ

ສຳນັກງານອະທິການບໍດີ ແມ່ນຢູ່ໃນວິທະຍາເຂດດົງໂດກ ມີ:
– 11  ຫ້ອງການ
– 11 ຄະນະວິຊາ
– 4 ສູນ
– 2 ສະຖາບັນ
– 1 ໂຮງຮຽນພອນສະຫວັນ
– 1 ຫໍສະໝຸດ

– 1 ໂຮງໝໍວິທະຍາເຂດ

  • ວິໄສທັດ

ມະຫາວິທະຍາ​ໄລ​ແຫ່ງ​ຊາດ​​ ກາຍ​ເປັນ:

– ສູນ​ກາງ​ການ​ສຶກສາ​ຊັ້ນ​ສູງທີ່ມີຄວາມ​ເຂັ້ມແຂງ ທັນ​ສະ​ໄໝ ນຳໜ້າ ​ທາງ​ດ້ານ​ວິຊາ​ການ  ແລະການຄົ້ນຄວ້າວິທະຍາສາດ​-ເທັກ​ໂນ​ໂລ​ຊີ ຢູ່ ສ.ປ.ປ. ລາວ,
– ມີ​ມາດຕະຖານ​ທຽບ​ເທົ່າກັບ​ພາກ​ພື້ນ​ ແລະ​ສາກົນ,
– ເປັນບ່ອນ​ກໍ່ສ້າງ​ຊັບພະ​ຍາກ​ອນມະນຸດ ​ໃຫ້​ມີ​ຄວາມ​ຮູ້, ຄວາມ​ສາມາດ, ຄຸນສົມບັດ​, ຈະລິ​ຍະ​ທຳ ​ແລະຄວາມ​ສີວິ​ໄລ​ທາງ​ດ້ານຈິດ​ໃຈເພື່ອຕອບສະໜອງນັກວິຊາການທີ່ມີຄຸນນະພາບ ໃຫ້ແກ່ການພັດທະນາເສດຖະກິດ-ສັງຄົມ ຂອງຊາດ.
  • ຈຸດໝາຍ​ລວມ
– ສ້າງ ​ແລະພັດທະນາ​ຊັບພະຍາກອນ​ມະນຸດ​ໃຫ້​ກາຍ​ເປັນນັກ​ບໍລິຫານ, ນັກວິຊາ​ການ, ນັກຄົ້ນຄວ້າ ວິທະຍາສາດທີ່​ມີ​ຄຸນ​ນະ​ພາບທາງ​ດ້ານ​ຄວາມ​ຮູ້, ຄວາມ​ສາມາດ ​ແລະຄຸນ​ສົມບັດ​, ມີ​ວິ​ໄນ  ​ຫົວຄິດ​ປະດິດ​ສ້າງ ​ແລະມີຄວາມ​ສີວິ​ໄລ​ທາງ​ດ້ານຈິດ​ໃຈ​ໃຫ້ເປັນ​ທີ່​ຍອມຮັບ​ຂອງ​ສັງຄົມ​ລາວ​ ແລະສາກົນ.
– ດຳເນີນ ແລະສົ່ງ​ເສີມການ​ຄົ້ນ​ຄ້ວາ​ວິທະຍາສາດ​​ໃຫ້​ມີ​ມາດຕະຖານ​ເພື່ອ​ຕອບ​ສະໜອງ​ນະ​ໂຍບາຍ​ການ​ພັດທະນາ​ເສດຖະກິດ​ສັງຄົມ​ຂອງ​ຊາດ ​ແລະ​ເຜີຍ​ແຜ່​ການ​ຄົ້ນ​ຄວ້າວິທະຍາສາດ.
– ບໍລິການທາງດ້ານ​​ວິຊາ​ການທີ່​ມີ​ປະສິດ​ທິ​ພາບເພື່ອ​ຕອບ​ສະໜອງ​ໃຫ້ແກ່​ສັງຄົມ.
– ປົກ​ປັກ​ຮັກສາ ​ແລະ​ເສີມ​ຂະຫຍາຍ​ວັດທະນະທຳ, ຮີດຄອງ​ປະ​ເພນີ​ອັນ​ດີງາມ​ຂອງ​ຊາດ, ພ້ອມ​ທັງ​ມີ​ການ​ເລືອກ​ເຟັ້ນ ​ແລະຮັບ​ເອົາ​ວັດທະນະ​ທຳທີ່​ກ້າວໜ້າ ​ແລະ​ຍອດ​ຍິ່ງ​ຂອງ​ສາກົນ​.

[endsection]

[section=ຫຼັກສູດຕ່າງໆ ທີ່ສິດສອນ]

ໃນປະຈຸບັນມະຫາວິທະຍາໄລແຫ່ງຊາດໄດ້ມີຫຼັກສູດຊັ້ນສູງ ແລະລະດັບປະລິນຍາດັ່ງນີ້:
– 04 ໂຄງການຫຼັກສູດ ອະນຸປະລິນຍາ (ບໍ່ເປີດ 3)
– 24 ໂຄງການຫຼັກສູດ ຕໍ່ເນື່ອງ (ບໍ່ເປີດ 3)
– 99 ໂຄງການຫຼັກສູດ ລະດັບປະລິນຍາຕີ
– 41 ໂຄງການຫຼັກສູດ ລະດັບປະລິນຍາໂທ
– 03 ໂຄງການຫຼັກສູດລະດັບປະລິນຍາເອກ
– ໂຄງການຝຶກອົບຮົມ ເພື່ອເຊື່ອມຕໍ່ເຂົ້າຮຽນໃນລະດັບຕ່າງໆ

[endsection]

[section=ແຜນພັດທະນາຂອງມະຫາວິທະຍາໄລແຫ່ງຊາດ ໄລຍະ 2013-2015]

        ເພື່ອ​ພັດ​ທະ​ນາ​ມະຫາວິທະຍາ​ໄລ​ແຫ່ງ​ຊາດ (ມຊ) ໃຫ້​ກາຍ​ເປັນສະ​ຖາ​ບັນ​ການ​ສຶກສາ​ຊັ້ນ​ສູງທີ່​ມີ​ຄວາມ​ສາມາດ​ຫຼາຍ​ຂຶ້ນ​ໃນ​ການ​ພັດທະນາ​ຊັບພະຍາກອນ​ມະນຸດຕອບສະໜອງ​ ​ພາລະກິດ​ການ​ພັດທະນາ​ເສດຖະກິດ​ສັງຄົມ​ຂອງຊາດ​​ແລະໃຫ້​ເທົ່າ​ທຽມ​ພາກ​ພື້ນ​, ມຊ ຈຶ່ງໄດ້ກຳນົດພາລະ​ບົດບາດ, ວິ​ໄສ​ທັດ ແລະ ແຜນຍຸດ​ທະ​ສາດໃນການ​ພັດທະນາ ມີ​ດັ່ງ​ນີ້ຄື:
6 ແຜນຍຸດ​ທະ​ສາດ ເພື່ອການ​ພັດທະນາ​ມະຫາວິທະຍາ​ໄລ​ແຫ່ງ​ຊາດ​ລາວ
1. ພັດທະນາ​ຄູ-​ອາຈານ, ພະນັກງານ ​ແລະນັກສຶກສາ
2. ພັດທະນາ​ລະບົບບໍລິຫານ​ຄຸ້ມ​ຄອງ
3. ພັດທະນາຄຸນນະພາບການ​ຮຽນ – ​ການ​ສອນ
4. ພັດທະນາຄຸນນະພາບການຄົ້ນຄວ້າ​ວິທະຍາສາດ ແລະບໍລິການວິຊາການ
5. ພັດທະນາໂຄງ​ລ່າງພື້ນຖານ ​ແລະສິ່ງ​ອຳນວຍ​ຄວາ​ມສະດວກ
6. ພັດທະນາ​ການ​ຮ່ວມມື​ພາຍ​ໃນ ​ແລະ ຕ່າງປະ​ເທດ.

[endsection]

ຂໍ້ມູນອ້າງອີງຈາກ: ບົດນຳສະເໜີຂອງ ມຊ.

ກອງປະຊຸມເຝິກອົບຮົມດ້ານການນຳໃຊ້ Advance Training in Moodle Master Trainer

by

Openning Moodle Training

ກອງປະຊຸມເຝິກອົບຮົມດ້ານການນຳໃຊ້ ຊັອບແວ Advance Training in Moodle Master Trainer ໃຫ້ແກ່ພະນັກງານ-ຄູອາຈານ ມະຫາວິທະຍາໄລແຫ່ງຊາດ ໃນວັນທີ 05-12/01/2015 ແລະ 13-20/01/2015 ທີ່ເຮືອນພັກຄູນຊັບ, ທ່າລາດ, ແຂວງວຽງຈັນ.

Read more

ທາງກົມການສຶກສາຊັ້ນສູງ/ໂຄງການ SHEP ໄດ້ຈັດກອງ ປະຊຸມ ເຝິກອົບຮົມດ້ານການນຳເອົາຫຼັກສູດຂື້ນລະບົບບໍລິຫານ ການຮຽນ- ການສອນໂດຍນຳໃຊ້ Advance training in Moodle Master Trainer ໃຫ້ ແກ່ພະນັກງານ, ອາຈານສອນຂອງມະຫາວິທະຍາໄລແຫ່ງຊາດ, ໂດຍການເປັນປະທານເປີດກອງປະຊຸມຂອງ ທ່ານ ຄຳເພົ້າ ຮອງຫົວໜ້າກົມການສຶກສາຊັ້ນສູງ ກະຊວງສຶກສາທິການ ແລະ ກິລາ, ໂດຍແມ່ນ ອາຈານ ຄຳພັນ ສິດທະວົງ ຮອງຜຸ້ອຳນວຍການສຸນໄອທີ ເປັນຜູ້ບັນຍາຍ, ເຊິ່ງມີຜູ້ເຂົ້າຮ່ວມຈາກ 11 ຄະນະ ວິຊາ (39 ທ່ານ), ການເຝີກອົບຮົມໃນຄັ້ງນີ້ແມ່ນແນ່ໃສ່ ຄຸອາຈານທີ່ສິດສອນຕົວຈິງເພື່ອທີ່ຈະໄດ້ນຳ ເອົາເນື້ອໃນບົດຮຽນ-ບົດສອນ ຂຶ້ນລະບົບ Online ໂດຍການນຳໃຊ້ຜ່ານໂປຣແກມ Moodle.

ກອງປະຊຸມສຳມະນາກວດກາຊັບສິນພະນັກງານລັດ

by

Four girl of ITStaffໃນວັນທີ 4ທັນວາ 2014 ເວລາ 8 ໂມງ 30 ນາທີ ທີ່ ສະໂມສອນໃຫຍ່ ມະຫາວິທະຍາໄລແຫ່ງຊາດ ໄດ້ມີ ພິທີ ອົບຮົມການສຳມາະນາກອງປະຊຸມກວດກາຊັບສິນພະນັກງານລັດ ໃນຂົງເຂດການສຶກສາ ເຊິ່ງພິທີ່ເປິດໂດຍ ດຣ ສົມສີ ຍໍພັນໄຊ ຮອງອະທິການບໍດີ ມະຫາວິທະຍາໄລແຫ່ງຊາດ, ພາຍໃນການ ຫຼາຍພາກສ່ວນແມ່ນໃດ້ເຂົ້າມາຮ່ວມກັນຢ່າງຫຼວງຫຼາຍ

…

SEAMOLEC

by

SEAMEO ແມ່ນຄຳຫຍໍ້ທີ່ມາຈາກຄຳວ່າ South East Asia Ministry of Education Organization ຖ້າຈະແປເປັນລາວກໍອາດຈະແມ່ນ ອົງການກະຊວງສຶກສາແຫ່ງປະຊາຊາດອາຊີຕາເວັນອອກສ່ຽງໃຕ້. ສ່ວນວ່າ SEAMOLEC ຫຍໍ້ມາຈາກຄຳວ່າ Regional for Open Learning Centre, ຊຶ່ງເອີ້ນວ່າ ເປັນສູນຊີແມວ ໜຶ່ງທີ່ຖືກກໍ່ຕັ້ງຂື້ນໂດຍປະເທດອິນໂດເນເຊຍ ໃນວັນທີ 22 Feb 1997. ສູນ SEAMOLEC ເປັນສູນໜຶ່ງ ພາຍໃຕ້ຂະບວນການຂອງ SEAMEO ອິນໂດເນເຊຍສ້າງຕັ້ງຂື້ນ, ເພື່ອເປັນເຈົ້າການໃນການ ນຳພາ ແລະຈັດຕັ້ງ ປະຕິບັດການເຄື່ອນໄຫວ ຮ່ວມມື ແລະ ສ້າງຄວາມເຂັ້ມແຂງໃຫ້ແກ່ວຽກງານການສຶກສາ ເປີດແລະ ທາງໄກ.

ໃນການບໍລິຫານ, ລັດຖະບານອິນໂດເນເຊຍຈະແຕ່ງຕັ້ງຜູ້ອຳນວຍການໜຶ່ງທ່ານຊຶ່ງເປັນຄົນອິນໂດເນເຊຍ ຂື້ນມາເຮັດວຽກບໍລິຫານ, ມີຮອງຜູ້ອຳນວຍການສອງທ່ານ ແລະໃນນັ້ນໜຶ່ງທ່ານແມ່ນຄົນຈາກອາຊຽນ ໝາຍຄວາມວ່າ ບໍ່ແມ່ນຄົນອິນໂດເນເຊຍ. ການກຳນົດທິດທາງ ແຜນການ ແລະການແຕ່ງຕັ້ງຄະນະອຳ ນວຍການແມ່ນມີຄະນະ  ບໍລິຫານຮ່ວມ (Steering Committee) ຊຶ່ງເປັນບຸກຄົນທີ່ເປັນຕົວແທນມາຈາກ ແຕ່ລະປະເທດສະມາຊິກອາຊຽນ. ດຣ ພອນແກ້ວ ຈັນທະມາລີ ຜູ້ອຳນວຍການສູນໄອທີ ເປັນຕົວແທນລາວ ໃນຂະບວນການການເຄື່ອນໄຫວຮ່ວມມື ວຽກງານດັ່ງກ່າວ. ນອກຈາກນີ້ ເນື່ອງຈາກວ່າມັນເປັນສ່ວນໜຶ່ງ ຂອງວຽກງານກະຊວງສຶກສາທີການແລະກິລາ, ດັ່ງນັ້ນ ວຽກງານນີ້ຈຶ່ງມີພະນັກງານ ພະແນກຊີເມວ ກົມຮ່ວມມືສາກົນ ຂອງກະຊວງ ເຮັດວຽກເປັນກອງເລຂາ ປະສານງານຕົວຈິງໃນຂະບວນການດັ່ງກ່າວ.

Read more

The Centre facilitates schools, universities, and other educational institutions within the region of Southeast Asia to enhance the learning process by utilizing the information and communication technology tools. For this purpose, the Centre always makes its effort to stay updated with the rapid development of ICT tools.

In the fiscal year of July 2013–June 2014, SEAMOLEC conducted various programs such as research and development, teacher training courses, developing learning materials using ICT tools and staff development to achieve the vision and mission.

In research and development (R&D) division, the focus is on identifying, exploring, developing, adopting, modifying, utilizing, and evaluating the utilization of ICT tools in ODL-based courses. The Centre has accomplished 7 Models of ICT-based ODL in 2013 and 7 Models in 2014. SEAMOLEC also produced 85 scientific papers in 2013 and 100 scientific papers in 2014. All the papers are related to the development of ICT based distance learning materials, development of software/ hardware to support distance education, development of distance learning models, classroom action researchand distance learning strategies

Training division has conducted 132 training courses, and 23 out of the 132 courses were conducted in collaboration with universities and schools in different countries. The training courses were Southeast Asian Education Network 2.0 (SEA EduNet 2.0), SEA Language 1.0, Digital Simulation, Planning of Open and Distance Learning System, Presentation and Video-based Learning Materials Development, Digital Book Development, etc. 6,341 participants of the training courses were from Indonesia and 858 participants from other SEA regions (13%). The participants were mostly teachers, lecturers, IT technicians, and students.

Improvement in internal management of the Centre is still taking place to establish accountable working system and conducive working environment. Staff development is routinely carried out in house as well as sending staff to relevant training units. Efforts in improving products and services through innovative means are continuously encouraged, involving majority of the Centre managers and staffs. Networking efforts as well as marketing services to various parties are continued and maintained. Consultation services also increased significantly based on the centre participation in various activities.

http://www.seameo.org/index.php?option=com_content&view=article&id=156:seameo-seamolec&catid=98&Itemid=519

%d bloggers like this: