viphakone

ແຈ້ງການສອບເສັງຄັດເລືອກເອົານັກສຶກສາເຂົ້າຮຽນຢູ່ມະຫາວິທະຍາໄລແຫ່ງຊາດ ໃນສົກສຶກສາ 2017-2018

August 25, 2017May 30, 2017 by viphakone

ການສອບເສັງຄັດເລືອກເອົານັກສຶກສາເຂົ້າຮຽນຢູ່ມະຫາວິທະຍາໄລແຫ່ງຊາດ, ໃນສົກສຶກສາ 2017-2018.

ກຳນົດວັນສອບເສັງເຂົ້າຮຽນທີ່ມະຫາວິທະຍາໄລແຫ່ງຊາດ ວັນທີ 25 ກໍລະກົດ 2017.
ຂາຍຄຳຮ້ອງເລີ່ມວັນທີ 26/06/2017 ເຖິງວັນທີ 19/07/2017.
ຮັບຄຳຮ້ອງ ແລະ ລົງທະບຽນສອບເສັງ ວັນທີ 28/06/2017 – 19/07/2017.
ສະຖານທີ່ຂາຍຄຳຮ້ອງ ແລະ ຮັບລົງທະບຽນສອບເສັງ: ມະຫາວິທະຍາໄລແຫ່ງຊາດ (ສະໂມສອນໃຫຍ່)

ຕາຕະລາງເວລາສຳລັບການສອບເສັງ: ວັນທີ 25/07/2017.

ກຸ່ມ A: (ສາຍທຳມະຊາດ)

ຕອນເຊົ້າ: 09:00 ມ – 11:00 ມ ຄະນິດສາດ A+ ພາສາລາວ – ວັນນະຄະດີ

ຕອນບ່າຍ: 14:00 ມ – 16:00 ມ ຟິຊິກສາດ + ເຄມີສາດ + ຊີວະສາດ

ກຸ່ມ B: (ສາຍສັງຄົມ)

ຕອນເຊົ້າ: 09:00 ມ – 11:00 ມ ພາສາລາວ-ວັນນະຄະດີ + ຄະນິດສາດ B

ຕອນບ່າຍ: 14:00 ມ – 15:30 ມ ພູມີສາດ + ປະຫວັດສາດ

ກຸ່ມ C: (ເຄິ່ງສາຍສັງຄົມ + ເຄິ່ງສາຍທຳມະຊາດ)

ຕອນເຊົ້າ: 09:00 ມ – 11:00 ມ ຄະນິດສາດC + ເຄມີສາດ + ຊີວະສາດ

ຕອນບ່າຍ: 14:00 ມ – 15:30 ມ ພູມີສາດ + ປະຫວັດສາດ + ພາສາລາວ-ວັນນະຄະດີ.

=> ເອກະສານປະກອບຄັດຕິດໃສ່ຄຳຮ້ອງສະໝັກສອບເສັງປະກອບມີ:

ສຳເນົາບັດເຂົ້າຫ້ອງສອບເສັງຈົບ ມ.7, ສຳລັບນັກຮຽນຈົບໃນສົກຮຽນ 2016-2017, (1 ສະບັບ).
ສຳເນົາປະກາສະນີຍະບັດຈົບ ມ.7, ສຳລັບນັກຮຽນທີ່ຈົບ ມ.7 ກ່ອນສົກຮຽນ 2016-2017, ( 1 ສະບັບ)
ສຳເນົາບັດປະຈຳຕົວ ຫຼື ສຳເນົາປື້ມສຳມະໂນຄົວທີ່ມີຮູບຜູ້ສະໝັກຕິດຢູ່ (1ສະບັບ)
ຮູບຖ່າຍຂະໜາດ 3×4 ຖ່າຍບໍ່ເກີນ 3 ເດືອນ, ຈຳນວນ 2 ໃບ.

ໝາຍເຫດ: ສຳລັບນັກຮຽນຈົບ ມ.7 ສົກຮຽນ 2016-2017 ໃຫ້ເອົາຮູບດຽວກັນກັບຮູບໃນບັດເຂົ້າຫ້ອງສອບເສັງຈົບ ມ.7 ແລະ ເອກະສານທຸກຊະນິດຕ້ອງມີຕົ້ນສະບັບມາຢັ້ງຢືນເພື່ອກວດຄວາມຖືກຕ້ອງ).

ນັກສຶກສາສາມາດຕິດຕາມລາຍຊື່ ແລະ ສະຖານທີ່ສອບເສັງ ວັນທີ 24 ກໍລະກົດ 207

ສາມາດດາວໂຫລດແຈ້ງການໄດ້ທີ່: ແຈ້ງການສອບເສັງຄັດເລືອກເຂົ້າຮຽນ ສົກສຶກສາ 2017-2018

ລາຍລະອຽດສາຂາວິຊາ ແລະ ຄະນະວິຊາ ທີ່ບັນຈຸໃນແຕ່ລະກຸ່ມ: ດາວໂຫລດ

ສອບຖາມເພີ່ມເຕີມໄດ້ທີ່: ຫ້ອງການວິຊາການ, ມະຫາວິທະຍາໄລແຫ່ງຊາດ ເບີໂທ: 021 740284

2 ມະຫາວິທະຍາໄລຂອງລາວເຂົົ້າຮ່ວມຄັດເລືອກປະທານອົງການ AUFຄົນໃໝ່ ໃນກອງປະຊຸມສະມັດຊາໃຫຍ່ AUF ຄັ້ງທີ 17 ທີ່ ມາຣົກ

May 18, 2017 by viphakone

(ມາຣາເກດຊ໌) 15 ພຶດສະພາ 2017. ໃນວາລະກອງປະຊຸມສະມັດຊາໃຫຍ່ຂອງສະຖາບັນສະມາຊິກອົງການ ມະຫາວິທະຍາໄລຝຣັ່ງໂກໂຟນ (AUF ) ຄັົ້ງທີ 17 ທີ່ໄດ້ໄຂຂຶົ້ນຢ່າງເປັນທາງການທີ່ເມືອງມາຣາເກດຊ໌ ປະເທດ ມາຣົກ ແຕ່ວັນທີ 10 ຫາ 12 ພຶດສະພາ 2017 ຜ່ານມານັ້ນ ທ່ານ ໂຊຣິນ ມີຮາຍ ຊິມເປອານູ (Sorin Mihai Cîmpeanu), ອະທິການບໍດີ ມະຫາວິທະຍາໄລວິທະຍາໄລກະເສດສາດ ແລະ ສັດຕະວະ ແພດ ຂອງປະເທດບຸຍກາເຣດສ໌ ໄດ້ຖືກແຕ່ງຕັົ້ງໃຫ້ເປັນປະທານ

ອົງການ AUFຄົນໃໝ່. ກອງປະຊຸມຄັົ້ງນີ້ໄດ້ມີ ຕົວແທນຈາກ 678 ມະຫາວິທະຍາໄລທີ່ເປັນສະມາຊິກຂອງອົງການ AUF ໃນທົ່ວໂລກເຂົົ້າຮ່ວມລວມທັງຈາກ ສອງມະຫາວິທະຍາໄລຂອງ ສ.ປ.ປ ລາວ ຄື : ມະຫາວິທະຍາໄລແຫ່ງຊາດລາວ ແລະ ມະຫາວິທະຍາໄລວິທະຍາສາດສຸຂະພາບກໍ່ໄດ້ເຂົົ້າຮ່ວມໃນຖານະສະມາຊິກ.

ກອງປະຊຸມພົບປະຄັ້ງນີ້ໄດ້ເປັນການເປີດໂອກາດໃຫ້ບັນດາມະຫາວິທະຍາໄລສະມາຊິກຮັບຮອງເອົາຍຸດທະສາດໃໝ່ຂອງອົງການ, ເຊິ່ງເປັນການບົ່ງບອກເຖິງຄວາມໝັ່ນຂອງເຈົົ້າຕໍ່ບັນດາພາລະກິດວຽກຈຸດສຸມທີ່ໄດ້ກໍານົດຍຸດທະະສາດ ແລະ ແຜນດໍາເນີນງານທີ່ໄດ້ສະເໜີເພື່ອຈັັດຕັົ້ງປະຕິບັດໃນອີກ 4 ປີຂ້າງໜ້າພາຍໃຕ້ຫົວຂໍົ້ «ຂົງເຂດ ໃໝ່ຂອງມະຫາວິທະຍາໄລຝຣັ່ງໂກໂຟ».
ການຈັດຕັົ້ງປະຕິບັດຍຸດທະສາດດັ່ງກ່າວນີ້ເປັນການຊ່ວຍແກ້ໄຂ 3 ບັນຫາຕົົ້ນຕໍທີ່ບັນດາມະຫາວິທະຍາໄລຕ່າງໆກໍາລັງພະເຊີນຢູ່ ແລະ ໄດ້ກໍາລັງປຶກສາຫາລືຢູ່ໃນ 3 ກອງປະຊຸມໂຕະມົນກ່ຽວກັບ: ຄຸນະພາບຂອງ ການຮຽນການສອນ ແລະ ການຄົົ້ນຄວົ້າ, ການຈ້າງງານບັນດິດຈົບໃໝ່, ແລະ ບົດບາດຂອງມະຫາວິທະຍາໄລໃນການພັດທະນາໃນລະດັບທ້ອງຖິ່ນ ແລະ ທົ່ວໂລກ. ທ່ານ ຊອັງ-ໂປນ ເດີ ໂກເດີ ມາກ, ອະທິການບໍດີ ອົງການ AUF ໄດ້ຊີ້ໃຫ້ເຫັນວ່າມະຕິທີ່ຈະແຈ້ງຊັດເຈນຂອງກອງປະຊຸມໄດ້ເວົົ້າກ່ຽວກັບ « ພາລະກິດ ທາງສັງຄົມຂອງມະຫາວິທະຍາໄລ». ບັນດາແນວຄິດລິເລີ່ມຕົົ້ນແບບຂອງອົງການທີ່ໄດ້ນຳສະເໜີໃນວາລະກອງປະຊຸມໂຄງການທີ່ຊືວ່າ « IDNEUF- ແຫຼ່ງລວມວິຊາການຝຣັ່ງໂກໂຟນ ແລະ ດັດຊະນີ ຂອງຄໍາຄົມຝຣັ່ງໂກໂຟນ » ໄດ້ກະຕຸົ້ນຄວາມກະຕືລືລົົ້ນ ຂອງຜູ້ເຂົົ້າຮ່ວມທີ່ໄດ້ສະແດງຄວາມປາຖະໜາຢາກເຫັນເຄື່ອງມືເຫຼົ່ານີ້ໄດ້ຖືກນໍາມາປັບໃຊ້ ແລະ ພັດທະນາໂດຍໄວເທົ່າທີ່ຈະໄວໄດ້. ດັ່ງນັັ້ນມັນຈິ່ງເກີດເປັນ « ວິທະຍາໄລຝຣັ່ງໂກໂຟນ ຄືຄໍາຕອບຂອງທຸກບັນຫາ » ທີ່ໄດ້ຖືກ ຮັບຮອງຢ່າງເປັນເອກະພາບທີ່ກອງປະຊຸມທີ່ເມືອງ ມາຣາເກດສ໌.
ໃນວາລະກອງປະຊຸມມື້ສຸດທ້າຍບັນດາສະມາຊິກຂອງອົງການ AUFໄດ້ເລືອກທ່ານ Sorin Cîmpeanu ຂຶົ້ນເປັນປະທານອົງການ AUFດ້ວຍຄະແນນສຽງ 133 ສຽງ ຫຼາຍກວ່າທ່ານ ນາງ Ana Guțu ຮອງອະທິການບໍດີ ຜູ້ທີ່ໜຶ່ງຂອງມະຫາວິທະຍາໄລສາກົນຂອງເມືອງມົນດາວ ທີ່ໄດ້ພຽງແຕ່ 113 ສຽງ. ທ່ານ SorinCîmpeanu ຈະໄດົ້ຂຶ້ນແທນຕໍາແໜ່ງທ່ານ Abdellatif Miraoui ອະທິການບໍດີ ມະຫາວິທະຍາໄລ Cadi Ayyad ຂອງເມືອງມາຣາເກດສ໌ ປະທານຄົນປະຈຸບັນທີ່ຈະໝົດວາລະ.
ທ່ານ Sorin Cîmpeanu ເປັນອະທິການບໍດີ ມະຫາວິທະຍາໄລວິທະຍາໄລກະເສດສາດ ແລະ ສັດຕະວະແພດຂອງປະເທດບຸຍກາເຣດສ໌ ແລະ ເປັນປະທານສະພາອະທິການບໍດີແຫ່ງຊາດຂອງປະເທດຣູມານ . ທ່ານຍັງເຄີຍດໍາລົງຕໍາແໜ່ງລັດທະມົນຕີກະຊວງສຶກສາ ແລະ ຄົົ້ນຄ້ວາວິທະຍາສາດ ແຕ່ປີ 2014-2015 ແລະ ທັງເປັນວ່າການນາຍຍົກລັດທະມົນຕີຂອງປະເທດຣູມານ .
ອະທິການບໍດີ ອົງການ AUF ໄດ້ສະແດງຄວາມຊົມເຊີຍຕໍ່ປະທານຄົນໃໝ່ເຊິ່ງທ່ານໄດ້ກ່າວວ່າ: ຂ້າພະເຈົົ້າມີຄວາມໝັ້ນໃຈວ່າພວກເຮົາຈະພັດທະນາພ້ອມກັນຢ່າງມີປະສິດຕິພາບ». ທ່ານຍັງໄດ້ກ່າວສະແດງຄວາມຂອບໃຈມາຍັງທ່ານ ນາງ Gu țu ທີ່ໄດົ້ປະກອບສ່ວນໃນການປະຕິບັດພາລະກິດຂອງອົງການຢ່າງຕັ້ງໜ້າ ແລະ ປະກອບສ່ວນຢ່າງເຂັ້ມແຂງໃນຂົງເຂດວຽກງານວິທະຍາໄລຝຣັ່ງໂກໂຟນ .
ໃນບົດຖະແຫຼງການຄັ້ງທໍາອິດຂອງທ່ານ Sorin Cîmpeanu, ໃນນາມປະທານອົງການ AUFຄົນໃໝ່ທ່ານໄດ້ ສະແດງຄວາມຂອບໃຈມາຍັງບັນດາສະມາຊິກທີ່ໄດ້ໃຫ້ຄວາມໄວ້ວາງໃຈແກ່ທ່ານ ແລະ ທ່ານຍັງໄດ້ສະແດງ ຄວາມສະໜັບສະໜູນຢ່າງເຕັມທີ່ຕໍ່ຍຸດທະສາດໃໝ່ຂອງອົງການ ແລະ ສະແດງຄວາມຕັ້ງໃຈທີ່ຈະຮ່ວມມືຢ່າງໃກ້ ຊິດທີ່ສຸດກັບອະທິການບໍດີ ເພື່ອຮັບປະກັນໃນການຈັດຕັົ້ງປະຕິບັດຍຸດທະສາດດັ່ງກ່າວ. ນອກນ ົ້ທ່ານຍັງໄດ້ກ່າວ ວ່າທ່ານມີສ່ວນຮ່ວມໃນໂຄງການນີ້ກໍ່ເພາະວ່າທ່ານເຊື່ອໃນຄວາມເຂັ້ມແຂງຂອງຍຸດທະສາດຂອງ AUF ແລະ ຕໍ່ຈາກນີ້ໄປມັນສໍາຄັນຫຼາຍທີ່ຈະຕ້ອງໄດ້ຊັກຈູງໃຫ້ບັນດາຜູ້ທີ່ມີອໍານາດຕັດສິນໃຈໃນຄວາມຕ້ອງການໃນການຈັດຕັ້ງ ປະຕິບັດຍຸດທະສາດນີ້. ພ້ອມກັນນັ້ນທ່ານຍັງໄດ້ສະແດງຕັ້ງໃຈໃນການເຮັດວຽກຢ່າງເຕັມຮູບແບບກັບທ່ານອະທິການບໍດີ ແລະ ສະແດງຄວາມຂອບໃຈມາຍັງບັນດາສະມາຊິກທີ່ໃຫ້ຄວາມໄວ້ວາງໃຈທ່ານ.
ອົງການມະຫາວິທະຍາໄລຝຣັ່ງໂກໂຟນ (AUF) ແມ່ນສະມາຄົມມະຫາວິທະຍາໄລຝຣັ່ງໂກໂຟນໂລກໄດ້ສ້າງຕັ້ງ ຂຶ້ນຫຼາຍກວ່າ 50ປີ ມາແລ້ວ. ປະຈຸບັນປະກອບມີສະມາຊິກທັງໝົດ 850 ສະຖາບັນມະຫາວິທະຍາໄລທີ່ກວມ ເອົາ 5 ທະວີບໃນຫຼາຍກວ່າ 100 ປະເທດ. ອົງການດັ່ງກ່າວຍັງເປັນຫົວຈັກຂອງວຽກງານຝຣັ່ງໂກໂຟນ ສໍາລັບ ການສິດສອນຂັ້ນສູງ ແລະ ການຄົົ້ນຄວ້າ. ອົງການມີພາລະກິດໃນການສົ່ງເສີມມະຫາວິທະຍາໄລຝຣັ່ງໂກໂຟນທີ່ມີຄວາມກະຕືລືລົົ້ນໃນການມີສ່ວນຮ່ວມໃນການພັດທະນາເສດຖະກິດ-ສັງຄົມຂອງປະເທດ. ເພື່ອຈັດຕັ້ງນໍາພາວຽກງານຂອງຕົນ ອົງການ AUF ໄດ້ຂະຫຍາຍຄູ່ຮ່ວມມືກັບບັນດາອົງການຈັດຕັ້ງສາກົນຕ່າງໆ ເຊັ່ນ: ອົງການ UNESCO, ສະຫະພາບຢູໂຣບ, ອົງການບໍ່ຂື້ນກັບລັດຖະບານ, ບັນດາບໍລິສັດຂອງເອກະຊົນ, ໆລໆ..) ສໍາລັບຂໍ້ມູນເພີ່ມເຕີມ ສາມາດເຂົົ້າຊົມໄດ້ທີ່ ເວັບໄຊ: www.auf.org

ເຂົ້າຮ່ວມການແຂ່ງຂັນ LAO ICT AWARD 2017

May 10, 2017 by viphakone

ອີງຕາມແຈ້ງການຈາກກະຊວງໄປສະນີໂທລະຄົມ ແລະ ການສື່ສານສະບັບເລກທີ 1059/ຫກຊ, ລົງວັນທີ 2 ພຶດສະພາ 2017.

ໂຄງການ ຈັດປະກວດ Lao ICT Award ເປັນໂຄງການ ຂອງ ກະຊວງ ປທສ, ຊຶ່ງຈະຈັດເປັນຂຶ້ນເປັນຄັ້ງທໍາອິດ ໃນປີ 2017 ນີ້ ເພື່ອສະໜັບສະໜູນ ນັກຮຽນ-ນັກສຶກສາ, ນັກຄົ້ນຄວ້າ ແລະ ບໍລິສັດຕ່າງໆ ໄດ້ມີໂອກາດສະແດງສັກກະຍະພາບ ແລະ ຄວາມສາມາດ ຂອງຕົນ ທາງດ້ານໄອຊີທີ. ພ້ອມນັ້ນ, ກໍຍັງເປັນການສ້າງແຮງບັນດານໃຈໃນການສົ່ງຜົນງານເຂົ້າຮ່ວມໃນເວທີພາກພື້ນອາຊຽນ ກໍຄື ໂຄງການ ASEAN ICT Awards.

ເຊິ່ງມີ 6 ໝວດການແຂ່ງຂັນ ແລະ ລາງວັນພິເສດດັ່ງນີ້:

ໝວດການແຂ່ງຂັນ:

ກ່ຽວກັບພາກລັດ
ກ່ຽວກັບພາກເອກະຊົນ
ເພື່ອສັງຄົມ
ເນື້ອໃນດິຈິຕອນ
ບໍລິສັດສ້າງຕັ້ງໃໝ່ ດ້ານໄອຊີທີ
ຄົ້ນຄວ້າ ແລະ ການພັດທະນາດ້ານໄອຊີທີ

ລາງວັນພິເສດ:

ການສ້າງວິດີໂອກ່ຽວກັບ ປທສ
ການສ້າງຟ້ອນລາວ (Lao Font)

ສຳລັບຜູ້ທີ່ສົນໃຈສາມາດເຂົ້າໄປເບິ່ງຂໍ້ມູນການສະໝັກ ແລະ ລາຍລະອຽດເພີ່ມເຕີມໄດ້ທີ່ເວັບໄຊ: http://laoictaward.gov.la/

ພິທີເຜີຍແຜ່ຜົນສຳເລັດກອງປະຊຸມສະໄຫມສາມັນເທື່ອທີ 2 ຂອງສະພາແຫ່ງຊາດທີ່ມະຫາວິທະຍາໄລແຫ່ງຊາດ

April 21, 2017 by viphakone

…

ມະຫາວິທະຍາໄລວອນກວາງຮ່ວມເຮັດວຽກກັບທີມງານພັດທະນາ e-Learning

August 1, 2016 by viphakone

ໃນລະຫວ່າງວັນທີ 19-21/07/2016 ທີ່ຜ່ານມາ, ທ່ານ ອີ ອິນກວາງ ແລະ ທ່ານ ອີ ເຈອິນ ຈາກມະຫາວິທະຍາໄລວອນກວາງໄດ້ເດີນທາງມາທີ່ມະຫາວິທະຍາໄລແຫ່ງຊາດ ແລະ ໄດ້ຮ່ວມເຮັດວຽກນຳທີມງານພັດທະນາ e-Learning ທີ່ສູນໄອທີ ເຊິ່ງການມາຮ່ວມເຮັດວຽກໃນຄັ້ງນີ້ ແມ່ນເພື່ອສືບຕໍ່ຈາກການທ່ີ່ໄປເຝິກອົບຮົມທີ່ເກົາຫຼີກ່ອນໜ້ານີ້ຂອງທີມງານພັດທະນາ ພ້ອມນັ້ນ ທາງມະຫາວິທະຍາໄລວອນກວາງຍັງໄດ້ມອບສໍຂາວ ຈຳນວນ 50 ກັບ, Pointer, ໄມ້ສຳລັບຊີ້ກະດານ, ໂປຣເຈັກເຕີ ແລະ ໂຕະໄມ້ ເພື່ອປະກອບໃສ່ຫ້ອງສະຕູດີໂອ.

ໃນວັນທີ 19/07 ແມ່ນໄດ້ມາກວດເບິ່ງຫ້ອງສະຕູດີໂອ ແລະ ໄດ້ທຳການຕິດຕັ້ງການດານ, ໂປຣເຈັກເຕີ ແລະ ກະກຽມອຸປະກອນຕ່າງໆເພື່ອກຽມພ້ອມການຖ່າຍທຳວິດີໂອການສອນ.

ວັນທີ 20/07 ໄດ້ມີການປະຊຸມກະກຽມຄວາມພ້ອມທາງດ້ານເນື້ອໃນບົດຮຽນ ແລະ ໄດ້ເລີ່ມການຖ່າຍທຳວິດີໂອການສອນ ຂອງ 03 ລາຍວິຊາ, ( ລາຍວິຊາລະ 01 ບົດ)

ວັນທີ 21/07 ໄດ້ສືບຕໍ່ການຖ່າຍທຳວິດີໂອ ແລະ ມີການປະຊຸມຂອງແຕ່ລະທີມພັດທະນາລາຍວິຊາ

ວັນທີ 06-08/09/2016 ແມ່ນຈະມີທ່ານ ອີ ອິນກວາງ, ທ່ານ ອີ ເຈອິນ ແລະ ທ່ານ ປາກ ຈົງຊອນ ຈາກມະຫາວິທະຍາໄລວອນກວາງ ຈະມາເຝິກອົບຮົມໃນໜ້າວຽກຂອງການພັດທະນາສື່ໃຫ້ແກ່ ຜູ້ຮັບຜິດຊອບວຽກດັ່ງກ່າວ ແລະ ໄດ້ສືຍຕໍ່ການຖ່າຍທຳວິດີໂອຂອງ 03 ລາຍວິຊາ ໃນບົດທີ່ເຫຼືອ

ຮູບພາບ:

ເຂົ້າຮ່ວມເຝິກອົບຮົມໃນຫົວຂໍ້ 2016 ACU e-Learning Expert Training

July 31, 2016 by viphakone

ເພຶ່ອສືບຕໍ່ຜັນຂະຫຍາຍການພັດທະນາລາຍວິຊາ e-Learning ພາຍໃຕ້ໂຄງການ ASEAN CYBER UNIVERSITIES ປະຈຸບັນແມ່ນກ້າວສູ່ໄລຍະທີ 2 ຂອງໂຄງການ, ເຊິ່ງໃນປີ 2016 ນີ້ ແມ່ນຈະໄດ້ພັດທະນາຢູ່ 03 ລາຍວິຊາຄື:

1. ລາຍວິຊາ ເຄມີສາດທົ່ວໄປ (General Chemistry)

2. ລາຍວິຊາ ມາດຖານທາງສັງຄົມ ແລະ ສິ່ງແວດລ້ອມ (Social and Environmental Soundness)

3. ລາຍວິຊາ ການບັນຊີໂຮງແຮມ (Hospitality Business and Accounting)

ກ່ອນຈະເລີ່ມການປະຕິບັດວຽກຕົວຈິງ ທາງ ACU Project ກໍ່ໄດ້ມີການຈັດເຝິກອົບຮົມໃຫ້ແກ່ຜູ້ອາຈານສອນ (SME). ຜູ້ອອກແບບການສອນ (ID), ຜູ້ພັດທະນາສື່ (MD) ແລະ ຜູ້ຖ່າຍວິດີໂອ-ຕັດຕໍ່ (SE), ເຊິ່ງທາງ ມະຫາວິທະຍາໄລແຫ່ງຊາດກໍ່ໄດ້ນຳສົ່ງທີມພັດທະນາ ຈຳນວນ 07 ທ່ານ ເພື່ອເຂົ້າຮ່ວມການເຝິກອົບຮົມຄັ້ງນີ້ ແລະ ໃນນັ້ນ SE ຈຳນວນ 02 ທ່ານ ແມ່ນ ທາງ ມະຫາວິທະຍາໄລວອນກວາງ (Wonkuang Digital University) ແມ່ນຜູ້ໃຫ້ການສະໜັບສະໜູນ.

ການເຝິກອົບຮົມດັ່ງກ່າວແມ່ນຈັດຂຶ້ນໃນລະຫວ່າງວັນທີ 19/06 ຫາ 01/07/2016 ທີ່ຜ່ານມາ ທີ່ໂຮງແຮມ ໄອບິດ, ອິນຊາດົງ, ປະເທດສາທາລະນະລັດເກົາຫຼີ.

ເນື້ອໃນການເຝິກອົບຮົມຄັ້ງນີ້ແມ່ນແນ່ໃສ່ການສຶບຕໍ່ຄວາມຮູ້ ແລະ ແນະນຳເທັກນິກໃໝ່ໆເພື່ອນຳມາປັບປຸງ ແລະ ພັດທະນາລາຍວິຊາໃຫ້ມີຄວາມຫຼາກຫຼາຍຂຶ້ນກວ່າເກົ່າ, ນອກນັ້ນ ປີນີ້ແມ່ນມີຄວາມພິເສດຄືແຕ່ລະປະເທດຈະມີມະຫາວິທະຍາໄລຈາກເກົາຫຼີເປັນທີ່ປຶກສາ ແລະ ເຮັດວຽກຮ່ວມກັນ, ເຊິ່ງມະຫາວິທະຍາໄລແຫ່ງຊາດແມ່ນຮ່ວມກັບມະຫາວິທະຍາໄລວອນກວາງ (WDU) ເຊິ່ງກໍ່ໄດ້ໃຫ້ຄຳແນະນຳ, ຊ່ວຍເຫຼືອ ແລະ ຮ່ວມເຮັດວຽກນຳພວກເຮົາເປັນຢ່າງດີິ, ໄດ້ໄປເບິ່ງວຽກ ແລະຮ່ວມເຮັດວຽກຕົວຈິງທີ່ມະຫາວິທະຍາໄລດັ່ງກ່າວເປັນເວລາ 02 ວັນ.

ມື້ສຸດທ້າຍຂອງການເຝິກອົບຮົມແມ່ນໄດ້ມີການນຳສະເໜີຂອງບັນດາມະຫາວິທະຍາໄລຈາກ CLMV ແລະ ໃນການນຳສະເໜີຄັ້ງນີ້ ມະຫາວິທະຍາໄລແຫ່ງຊາດໃນນາມຕົວແທນຈາກປະເທດລາວ ແມ່ນໄດ້ຮັບ ລາງວັນທີ 01 ຮ່ວມກັບມະຫາວິທະຍາໄລຈາກປະເທດຫວຽດນາມ.

ຮູບພາບບາງສ່ວນ: