ການລົງທະບຽນເສັງແບບອ໊ອນລາຍ

ມຊ, ກຳລັງຂຸ້ນຂ້ຽວດຳເນີນການລົງທະບຽນເສັງແບບ ອ໊ອນລາຍ, ປີນີ້ຖືວ່າເປັນປີເລີ່ມຕົ້ນ. ວຽກງານດັ່ງກ່າວ ຢູ່ພາຍໃຕ້ການຊີ້ນຳ ຂອງ ຮສ ປອ ອຸດົມ ພອນຄຳເພັງ ຮອງອະທິການບໍດີ ຜູ້ຊີ້ນຳວຽກວິຊາການ ແລະໄອທີ. ມັນເປັນວຽກໃໝ່ ທີ່ພວກເຮົາບໍ່ທັນມີປະສົບການ, ມັນເໝືອນກັບພວກເຮົາກຳລັງມ້າງເຮືອນເກົ່າ ຂົນເຄື່ອງ ຂອງໄປຂື້້ນເຮືອນໃໝ່ ທັງໆທີ່ເຮືອນໃໝ່ຫຼາຍອັນກໍຍັງບໍ່ທັນພ້ອມ. ອ້າຍນ້ອງທີມງານຝ່າຍເທັກນິກ ທີ່ນຳໜ້າໂດຍ ອຈ ອະພິສິດ ເທບພະວົງສາ ແລະຜູ້ອື່ນໆໃນສູນໄອທີ ໄດ້ເປັນເຈົ້າການ  ການຄົ້ນຄິດ  ການອອກແບບ  ສະເໜີແຜນວຽກທີ່ເປັນລັກສະນະໂຄງການ ທີ່ຈະຕ້ອງໄດ້ເຮັດວຽກຮ່ວມກັນລະຫວ່າງສູນໄອທີ ແລະ ຫ້ອງການວິຊາການ. ເຖິງຢ່າງໃດກໍດີ, ມັນຈຳເປັນຕ້ອງມີງົບປະມານໃຊ້ຈ່າຍ ຈຳນວນໜຶ່ງ.

ພວກເຮົາຕ້ອງສາມັກຄີ, ເຮັດໃຫ້ໄດ້! ທຸກຢ່າງຕ້ອງເກີດມາຈາກບາດກ້າວທຳອິດ  ຖ້າບໍ່ມີບາດກ້າວທຳອິດ ກໍຈະບໍ່ມີການຄານຄືບໄປຂ້າງໜ້າໄດ້.