3 ອົງການຈັດຕັ້ງມະຫາຊົນ ມຊ ໄດ້ຈັດພິທີສະເຫຼີມສະຫຼອງວັນສ້າງຕັ້ງພັກ ປະຊາຊົນປະຕິວັດລາວຄົບຮອບ 62 ປີ (22/3/1955 -22/3/2017) ຂຶ້ນໃນວັນທີ 16 ມີນາ 2017, ທີ່ສະໂມສອນໃຫຍ່ຊັ້ນ II (ວິທະຍາເຂດດົງໂດກ) ມຊ. ເວລາ: 13:30 ມ. ໂດຍມີຕາງໜ້າສະມາຊິກ 3 ອົງການຈັດຕັ້ງ, ພະນັກງານການນຳ, ນັກຮຽນ-ນັກສຶກສາເຂົ້າຮ່ວມຢ່າງພ້ອມພຽງ. ເພື່ອເຫັນໄດ້ເຖິງຄວາມໝາຍ ແລະ ຄວາມສຳຄັນຂອງວັນດັ່ງກ່າວນີ້, ທ່ານ ຮສ ປອ ສົມສີ ຍໍພັນໄຊ ເລຂາພັກ ແລະ ອະທິການບໍດີ ມະຫາວິທະຍາໄລແຫ່ງຊາດ ໄດ້ເປັນກຽດຂຶ້ນໂອ້ລົມ ເລົ່າເຖິງປະຫວັດຄວາມເປັນມາ ແລະ ຜົນງານ ຂອງພັກປະຊາຊົນປະຕິວັດລາວຕະຫຼອດໄລຍະ 62 ປີ ພ້ອມນັ້ນຍັງໄດ້ໃຫ້ທິດທາງໃຫ້ທຸກຄົນ ຈົ່ງໄດ້ເອົາໃສ່ໃຈໃສ່ໃນການປະຕິບັດໜ້າທີ່ວຽກງານ, ຮູ້ຮຽນ ແລະ ເລືອກເຟັ້ນເອົາບົດຮຽນທີ່ດີເລີດຂອງພັກໄປນຳໃຊ້ໃນການປະຕິບັດວຽກງານຂອງຕົນໃຫ້ມີຜົນສຳເລັດ.