ພະແນກພັດທະນາຊອບແວ ໄດ້ເລີ່ມດຳເນີນການເຝິກອົບຮົມພາຍໃນ ດ້ານທັກສະການຂຽນໂປແກມ Java ພື້ນຖານຂຶ້ນ ນັບແຕ່ວັນທີ 21 ກຸມພາ 2017 ທີ່ຜ່ານມາ, ໂດຍແມ່ນອາສາສະໝັກເກົາຫຼີ (KOICA) ທີ່ມາປະຈຳທີ່ສູນໄອທີ ເປັນຜູ້ເຝິກສອນ.
ການເຝີກອົບຮົມນີ້ ແມ່ນ ມີຈຸດປະສົງ ເພື່ອຍົກລະດັບຄວາມຮູ້ ທັກສະ ການພັດທະນາໂປແກມ ດ້ວຍພາສາ Java ໃຫ້ແກ່ພະນັກງານຂອງສູນໄອທີໃຫ້ສູງຂຶ້ນ ແນໃສ່ເພື່ອຮອງຮັບໜ້າວຽກການພັດທະນາໂປແກມ ຮັບໃຊ້ວຽກງານຕ່າງໆ ຂອງມະຫາວິທະຍາໄລ ໃນອະນາຄົດ.
ຮູບແບບການເຝິກອົບຮົມ ຈະປະຕິບັດ ທັງໝົດ 22ຄັ້ງ, 2 ຄັ້ງໃນໜຶ່ງອາທິດ: ວັນອັງຄານ ແລະ ວັນພະຫັດ ເວລາ 9-11 ໂມງ ແລະ ຈະດຳເນີນໄປຈົນຮອດເດືອນພຶດສະພາ ຈຶ່ງຈະສຳເລັດ.