ນັກວິທະຍາສາດ ໄດ້ຄິດຄົ້ນວິທີໃຫ່ມ ໃນການກຳຈັດຍຸງລາຍໃຫ້ຫມົດກ້ຽງ ແບບ ກ້ຽງ ຯ ອີຫລີ. ທີມງານຂອງເຂົ້າເຈົ້າໄດ້ທົດລອງ ວິທີການດັ້ງກ່າວກັບ ສອງເກາະຂອງຈີນ ບ່ອນທີ່ມີການລະບາດຂອງໄຂ້ຍຸງລາຍ ແລະ ຫລັງຈາກ ສອງປີ ເຫັນວ່າບໍ່ມີຍຸງລາຍຈັກໂຕເຫລື່ອລອດ.
ທຸກມື້ນີ້ໄດ້ຍິນແຕ່ຄົນເວົ້າ ວ່າບໍ່ສະບາຍ ໄປຫນອນໂຮງຫມໍ ເປັນໄຂ້ຍຸງ. ໃຜກະຮູ້ເນາະ ວ່າຍຸງລາຍ ອັນຕະລາຍ ຮ້າຍກວ່າເສືອ. ມັນເປັນພາຫະນະຂອງໂລກອັນຕະຫລາຍ ຕົວຢ່າງແມ່ນ ໄຂ້ຍຸງລາຍ ແລະ ໄຂ້ Zika. ຖ້າມັນຮ້າຍຈັ່ງຊັ້ນ ເປັນຍັງຄື່ບໍ່ກຳຈັດມັນຫມົດ ອອກຈາກໂລກນີ້ເລີຍ.
ວິທີກຳຈັດຍຸງ ທີ່ເຮົາເຫັນທົ່ວຯໄປແມ່ນ ການກຳຈັດລູກນຳ້ ຫລື ໄຂ່ຍຸງ ຕາມສະຖານທີ່ທີມີນຳ້ຂັງ ແລະ ການຜົ່ນຢາ ຕາມສະຖານທີ່ທີມີການລະບາດ. ວິທີດັ່ງກ່າວ ຖາມວ່າໄດ້ຜົນບໍ່, ໃຫ້ທ່ານຄິດເອງຊະ. ໄຂ້ຍຸງຍັງມີຢູ່ ແລະ ຊຳ້ຍັງຮ້າຍແຮງຂື້ນທຸກຯມື້. ມັນມີການວິວັດທະນາການ ແລະ ຕໍ່ຕ້ານກັບຢາທີ່ໃຊ້ຜົ່ນຂຶ້ນທຸກຯມື້.
ນັກວິທະຍາສາດຈີນໄດ້ໃຊ້ ຍຸງໂຕຜູ້ ທີ່ຖືກເພາະພັນພິເສດຈາກຫ້ອງທົດລອງເພື່ອກຳຈັດການແຜ່ພັນຂອງຍຸງ. ໃນໄລຍະເວລາ 2 ປີ ທີມງານໄດ້ປ່ອຍຍຸງດັ່ງກ່າວ ເປັນຈຳນວນ 2 ລ້ານໂຕ ຈາກຫ້ອງທົດລອງ ອອກໄປຊູ່ທຳມະຊາດ ເພື່ອໃຫ້ ໄປປະສົມພັນກັບຍຸງໂຕແມ່ທີ່ອາໃສ່ໃນທຳມະຊາດ. ຫລັງຈາກການປະສົມພັນສຳເລັດ, ຍຸງໂຕແມ່ຈະວາງໄຂ່ຕາມປົກກະຕິ ແຕ່ໄຂ່ທີ່ຖືກວາງ ຈະບໍ່ສາມາດແຕກໂຕເປັນລູກນຳ້ໄດ້. ເມື່ອບໍ່ມີລູກນຳ ກະບໍ່ມີຍຸງ ເມື່ອບໍ່ມີຍຸງ ກະບໍ່ມີໄຂ້ຍຸງ. ຍຸງທີ່ເຫລື່ອຢູ່ກໍຈະຕາຍຕາມທຳມະຊາດ ໃນໄລຍະເວລາ ປະມານ 42 – 56 ມື້ ສຳລັບໂຕແມ່ ແລະ 10 ມື້ສຳລັບໂຕຜູ້.
ການທົດລອງຄັ້ງນີ້ ແມ່ນຄັ້ງທຳອິດ ທີ່ໄດ້ໃຊ້ທົດສອບກັບສະຖານທີ່ຈິງ ແລະ ໄດ້ຮັບຜົນຈິງ. ວິທີນີ້ອາດຈະເປັນທາງອອກໃນການຕໍ່ຕ້ານກັບໄຂ້ຍຸງລາຍໃນປະຈຸບັນ.
Reference