ໃນຕອນເຊົ້າຂອງວັນທີ 7/5/2015 ເວລາ 8:30ມ, ພະນັກງານສູນໄອທີຜູ້ທີ່ຮັບຜິດຊອບວຽກໂຄງການ MPDA ໄດ້ເຂົ້າຮ່ວມເຝິກອົບຮົມໃນຫົວຂໍ້: “Training Material for Developing Contents”, ການເຝິກອົບຮົມແມ່ນດຳເດີນໄປເປັນເວລາ 2ວັນ ຄື ວັນທີ 7-8/5/2015, ພາຍໃຕ້ທຶນສະໜັບສະໜູນຂອງໂຄງການ SHEP, ອົງການ Koica ແລະ ໂຄງການ MPDA.
ຈຸດປະສົງຂອງການເຝິກອົບຮົມແມ່ນ ເພື່ອເຝິກໃຫ້ຄູ-ອາຈານທີ່ສອນວິຊາຄະນິດສາດຮູ້ສ້າງເນື້ອໃນບົດຮຽນ ແລະ ກິດຈະກຳຕ່າງໆຂຶ້ນໃນລະບົບ Mathcloud, ທັ້ງນີ້ກໍ່ແມ່ນເພື່ອຄວາມສະດວກໃນການຮຽນ-ການສອນວິຊາຄະນິດສາດພາຍໃນມະຫາວິທະຍາໄລແຫ່ງຊາດ ໂດຍເນັ້ນໃສ່ອາຈານສອນວິຊາຄະນິດສາດໃນພາກຮຽນທີ່ 2 ຂອງ 4 ຄະນະວິຊາ ພາຍໃນມະຫາວິທະຍາໄລແຫ່ງຊາດ ຄີ: ຄະນະວິທະຍາສາດສິ່ງແວດລ້ອມ 3 ທ່ານ, ຄະນະວິທະຍາສາດທຳມະສາດ 5 ທ່ານ, ຄະນະສຶກສາສາດ 3 ທ່ານ ແລະ ຄະນະເສດຖະສາດ ແລະ ບໍລິຫານທຸລະກິດ 10 ທ່ານ, ລວມຜູ້ເຂົ້າຮ່ວມທັງໝົດ 21 ທ່ານ.
ທັງນີ້ຫລັງຈາກການເຝິກອົບຮົມ 2ວັນນີ້ສິ້ນສຸດລົງແລ້ວ, ອາຈານສອນທີ່ເຂົ້າຮ່ວມເຝິກອົບຮົມໃນຄັ້ງນີ້ຍັງຕ້ອງໄດ້ສືບຕໍ່ພັດທະນາວິຊາຂອງຕົນເອົງ ແລະ ເອົາຂຶ້ນລະບົບ Mathcloud ໃຫ້ສຳເລັດ 100% ພາຍໃນທ້າຍເດືອນສິງຫາ 2015 ນີ້, ເພື່ອກະກຽມຮັບໃຊ້ເຂົ້າໃນການຮຽນ-ການສອນໃນສົກຮຽນ 2015-2016.