ເພື່ອເປັນການເພີ່ມປະສິດທິພາບ ແລະ ຜັນຂະຫຍາຍການພັດທະນາບົດຮຽນໃນຮູບແບບ e-Learning ພາຍໃຕ້ໂຄງການ ASEAN CYBER UNIVERSITIES ປະຈຸບັນແມ່ນກ້າວສູ່ໄລຍະທີ 2 ຂອງໂຄງການ, ເຊິ່ງໃນປີ 2017 ນີ້ ແມ່ນຈະໄດ້ພັດທະນາຢູ່ 05 ລາຍວິຊາຄື:
- General Psychology
- Research Methodology
- Management Information System
- General Accounting
- Land Use Management
ໃນລະຫ່ວາງວັນທີ 14-26 ພຶດສະະພາ 2017 ທາງ ACU Project ກໍ່ໄດ້ມີການຈັດເຝິກອົບຮົມໃຫ້ແກ່ທີມງານພັດທະນາຢູ່ທີ່ໂຮງແຮມຊີຈົງ, ມຽງດົງ, ປະເທດສາທາລະນະລັດເກົາຫຼີ. ເຊິ່ງປະກອບມີຕົວແທນທີມງານພັດທະນາຈາກມະຫາວິທະຍາໄລໃນ 05 ປະເທດ (ກຳປູເຈຍ, ລາວ, ມຽນມາ ແລະ ຫວຽດນາມ) ໃນນີ້ໄດ້ມີທີມງານພັດທະນາທີ່ເປັນຕົວແທນຂອງມະຫາວິທະຍາໄລແຫ່ງໍາດລາວເຂົ້າຮ່ວມຈຳນວນ 08 ທ່ານ: ອາຈານສອນ (SME). ຜູ້ອອກແບບການສອນ (ID), ຜູ້ພັດທະນາສື່ (MD) ແລະ ຜູ້ຖ່າຍວິດີໂອ-ຕັດຕໍ່ (SE). ໃນນັ້ນ SME ຈຳນວນ 04 ທ່ານ ແມ່ນ ທາງ ມະຫາວິທະຍາໄລວອນກວາງ (Wonkuang Digital University) ເປັນຜູ້ໃຫ້ການສະໜັບສະໜູນ ເພື່ອມາຖ່າຍທຳບົດຮຽນພິເສດ ແລະ ບາງບົດຮຽນເບື້ອງຕົ້ນເປັນເວລາ 06 ວັນ (14-19/5/2017) .
ເນື້ອໃນການເຝິກອົບຮົມຄັ້ງນີ້ແມ່ນແນ່ໃສ່ການສຶບຕໍ່ສົ່ງເສີມຄວາມຮູ້ ແລະ ແນະນໍາເທັກນິກໃໝ່ໆເພື່ອນຳມາປັບປຸງ ແລະ ພັດທະນາລາຍວິຊາໃຫ້ມີຄວາມຫຼາກຫຼາຍຂຶ້ນກວ່າເກົ່າ, ນອກນັ້ນຍັງໄດ້ມີການຖ່າຍທຳບົດຮຽນຕົວຈິງບາງບົດໃຫ້ກັບ SME ແຕ່ລະລາຍວິຊາ ເຊິ່ງໃນໄລຍະເວລາທີ່ໄດ້ຖ່າຍທຳແມ່ນໄດ້ຮັບຄຳແນະນຳຈາກ ມະຫາວິທະຍາໄລວອນກວາງ (Wonkuang Digital University) ເປັນຢ່າງດີ.
ມື້ສຸດທ້າຍຂອງການເຝິກອົບຮົມແມ່ນແຕ່ລະທີມໄດ້ມີການນຳສະເໜີຜົນຂອງການເຝິກອົບຮົມ ແລະ ໃນການນຳສະເໜີຄັ້ງນີ້ແມ່ນສຳເລັດໄປໄດ້ດ້ວຍດີ.
