ໃນຕອນເຊົ້້າຂອງວັນພຸດ ວັນທີ 31 ພຶດສະພາ 2017 ທາງມະຫາວິທະຍາໄລແຫ່ງຊາດ ໄດ້ມີິກິດຈະກຳປູກຕົ້ນໄມ້ ເພື່ອຕ້ອນຮັບວັນປູກຕົ້່ນໄມ້ແຫ່ງຊາດ ແລະ ວັນເດັກນ້ອຍສາກົນ. ຫຼັງຈາກສໍາເລັດການປູກຕົ້່ນໄມ້ແລ້ວ ທາງສູນເທັກໂນໂລຊີຂໍ້ມູນຂ່າວສານກໍ່ໄດ້ຮັບກຽດຈາກທ່ານ ດຣ ບົວລານ ສີລິປັນຍາ ຮອງລັດຖະມົນຕີກະຊວງສຶກສາ ແລະ ກິລາ, ທ່ານ ສຈ.ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ທ່ານ ຮສ.ປອ. ພຸດ ສິມມາລາວົງ ຮອງອະທິການບໍດີ, ທ່ານ ຮສ ປອ ບົວດໍາ ແສງຄຳຄຸດລາວົງ ຫົວໜ້າຫ້ອງການສັງລວມ ມະຫາວິທະຍາໄລແຫ່ງຊາດ ໄດ້ ລົງມາຢ້ຽມຢາມ ການເຮັດວຽກຂອງສູນເທັກໂນໂລຊີຂໍ້ມູນຂ່າວສານ ໂດຍແມ່ນການນຳພາຂອງອຳນວຍການສູນເທັກໂນໂລຊີຂໍ້ມູນຂ່າວສານ.
ໃນການເຂົ້າຢ້ຽມຢາມນັ້ນແມ່ນ ໄດ້ເຂົ້າຢ້ຽມຢາມ ຫ້ອງ Studio ແລະ ການເຮັດວຽກຕ່າງໆ ຂອງສູນເທັກໂນໂລຊີຂໍ້ມູນຂ່າວສານເຊັ່ນ: ວຽກງານການພັດທະນາການຮຽນການສອນແບບ E-learning ແລະ ຢ້ຽມຢາມຫ້ອງທີ່ໃຊ້ໃນການບໍລິການເຝິກອົບຮົມ.
