ໃນຕອນເຊົ້າເວລາ 09:00 ມ ຂອງວັນທີ 21 ເມສາ 2017 ທີ່ຫ້ອງປະຊຸມສະໂມສອນໃຫຍ່ ຊັ້ນ 2 ມະຫາວິທະຍາໄລແຫ່ງຊາດໄດ້ຈັດກອງປະຊຸມເຜີຍແຜ່ຜົນສຳເລັດກອງປະຊຸມສະໄຫມສາມັນເທື່ອທີ 2 ຂອງສະພາແຫ່ງຊາດຊຸດທີ 2, ແລະ ໂດຍການເປັນປະທານຂອງທ່ານ ຮສ ປອ ພຸດ ສິມມາລາວົງ ຮອງອະທິການບໍດີ ມະຫາວິທະຍາໄລແຫ່ງຊາດ, ສະມາຊິກສະພາແຫ່ງຊາດຊຸດທີ 1.
ໃນກອງປະຊຸມເຜີຍແຜ່ຄັ້ງນີ້ແມ່ນຍັງມີບັນດາທ່ານ ຄະນະບໍດີຈາກແຕ່ລະຄະນະວິຊາ, ຫົວໜ້າຫ້ອງການ, ຮອງຫົວໜ້າຫ້ອງການ, ຜູ້ອຳນວຍການສູນ, ຮອງຜູ້ອຳນວຍການສູນ ພ້ອມດ້ວຍພະນັກງານ ແລະ ບັນດານັກສຶກສາ ເຂົ້າຮ່ວມ.
ທ່ານ ຮສ ປອ ພຸດ ສິມມາລາວົງ ກໍ່ໄດ້ອະທິບາຍແລະ ກ່າວເຖິງເນື້ອໃນວຽກທີ່ມີຢູ່ໃນກອງປະຊຸມສະໄຫມສາມັນເທື່ອທີ 2 ຂອງສະພາແຫ່ງຊາດຊຸດທີ 2 ນັ້ນວ່າ ມີວຽກໃດທີ່ໄດ້ຮັບການຈັດຕັ້ງປະຕິບັດ, ວຽກໃດທີ່ຢູ່ໃນຂັ້ນຕອນນຳສະເໜີ ແລະ ແຜນວຽກໃນຕໍ່ໜ້າ. ນອກຈາກນີ້ ຍັງໄດ້ເປີດໂອກາດໃຫ້ມີການສົນທະນາ, ຕັ້ງຄຳຖາມ ແລະ ແລກປ່ຽນຄວາມຄິດເຫັນກັນຢ່າງຕັ້ງໜ້າ.
ໃນເວລາ 11:15 ພິທີເຜີຍແຜ່ຜົນສຳເລັດກອງປະຊຸມສະໄຫມສາມັນເທື່ອທີ 2 ຂອງສະພາແຫ່ງຊາດທີ່ມະຫາວິທະຍາໄລແຫ່ງຊາດກໍໄດ້ສິ້ນສຸດລົງ.