ເພື່ອເປັນການສະເຫຼີມສະຫຼອງວັນກຳມະກອນສາກົນຄົບຮອບ 131 ປີ. ໃນວັນທີ 10 ພຶດສະພາ 2017 ສະຫະພັນກຳມະບານມະຫາວິທະຍາໄລແຫ່ງຊາດໄດ້ຈັດກິດຈະກຳສ້າງຂະບວນການສະເຫຼີມສະຫຼອງວັນກຳມະກອນສາກົນຄົບຮອບ 131 ປີ ຢູ່ທີ່ສະໂມສອນໃຫຍ່ມະຫາວິທະຍາໄລແຫ່ງຊາດໂດຍການເປັນປະທານຂອງ ທ່ານ ສຈ. ປອ. ສົມສີ ຍໍພັນໄຊ, ເລຂາພັກ, ອະທິການບໍດີມະຫາວິທະຍາໄລແຫ່ງຊາດ. ເຂົ້າຮ່ວມໃນງານມີບັນດາ ຄະນະບໍດີ, ຫົວໜ້າຫ້ອງການ, ພະນັກງານ, ອາຈານ ຕະຫຼອດຮອດນັກສຶກສາຈາກຄະນະວິຊາຕ່າງໆເຂົ້ົາຮ່ວມຢ່ງຫຼວງຫຼາຍ. ພິເສດໄດ້ມີແຂກທີ່ເປັນຕົວແທນຈາກພາກສ່ວນ ໂຮງໝໍມິດຕະພາບ 150 ຕຽງ, ອົງການກາແດງລາວ, ພະແນກຈາລະຈອນນະຄອນຫຼວງ, ມູນລະນິທິກູ້ໄພ 1623, ບໍລິສັດໃສສະອາດແລະ ຮ້ານໃຕ້ຟ້າການແວ່ນ. ພາຍໃນງານໄດ້ມີການຈັດກິດຈະກຳຫລາກຫລາຍຢ່າງດັ່ງນີ້:
- ໃຫ້ຄຳປຶກສາດ້ານສຸຂະພາບ ຈາກໂຮງໝໍມິດຕະພາບ 150 ປີ ແລະ ໂຮງໝໍວິທະຍາເຂດດົງໂດກ
- ແນະນຳການໃຊ້ອຸປະກອນການແພດ ຈາກບໍລິສັດໃສສະອາດ
- ແນະນຳການປະຖົມພະຍາບານຂັ້ນພື້ນຖານ ຈາກມູນລະນິທິກູ້ໄພ 1623
- ໃຫ້ຄຳປຶກສາ ແລະ ແທກສາຍຕາ ຈາກຮ້ານໃຕ້ຟ້າການແວ່ນ
- ແນະນຳການຂັບຂີ່ລົດຢ່າງປອດໄປໃນທ້ອງຖະໜົນ ຈາກພະແນກຈາລະຈອນນະຄອນຫຼວງ
- ແນະນຳຄວາມສຳຄັນ ແລະ ການບໍລິຈາກເລືອດ ຈາກອົງການກາແດງລາວ
ແລະ ນອກນັ້ນຍັງມີການຂາຍເຄື່ອງບໍລິໂພກ ແລະ ອຸປະໂພກຈາກພາກສ່ວນໜ່ວຍກຳມະບານຮາກຖານສຳນັກຄະນະບໍດີ ມະຫາວິທະຍາໄລແຫ່ງຊາດ, ສຸດທ້າຍໄດ້ມີກິດຈະກຳອອກກຳລັງກາຍເຕັ້ນແອໂລບິກຢ່າງເປັນຂະບວນຄືກຄື້ນ.
