ສືບເນື່ອງມາຈາກການຜະລິດການຮຽນການສອນ ແບບອອນລາຍ ປະຈຸບັນແມ່ນມີ ທີມງານ SME, ID, MD ແລະ SE ເຊິ່ງແຕ່ລະທີມງານມີໜ້າວຽກດັ່ງນີ້:
- SME: ແມ່ນອາຈານສອນປະຈຳລາຍວິຊານັ້ນໆ ຈະເປັນຄົນແຕ່ງບົດສອນ ແລະ ບົດຄຳເວົ້າທີ່ຈະໃຊ້ໃນການອະທິບາຍບົດຮຽນໃນແຕ່ລະບົດ ແລ້ວນຳເອົາບົດສອນຕ່າງໆມາໃຫ້ທີມງານໃນສ່ວນອື່ນ.
- ID: ແມ່ນບຸກຄົນທີ່ນຳເອົາເນື້ອໃນບົດສອນນຳ ອາຈານສອນ(SME) ເພື່ອມາຜັນຂະຫຍາຍ, ຈັດລຽງ ແລະ ຂຽນຂັ້ນຕອນຂອງການຜະລິດໃຫ້ MD ແລະ SE
- MD: ແມ່ນສ່ວນທີ່ນຳເອົາຂັ້ນຕອນການຜະລິນເນື້ອໃນ (Story Board ) ດຳເນີນການຜະລິດໂດຍນຳໃຊ້ ໂປຣແກຣມ Adobe Captivate 8 ແລະ Adobe Photoshop
- SE: ແມ່ນສ່ວນທີ່ອັດສຽງ, ອັດວິດີໂອພ້ອມທັງຕັດຕໍ່ ບົດຄຳອະທິບາຍທີ່ອາຈານຈະໃຊ້ອະທິບາຍບົດຮຽນບົດຕ່າງໆ.
ປະຈຸບັນ ທີມງານທີ່ເຮັດວຽກຜະລິດດັ່ງກ່າວແມ່ນຍັງໜ້ອຍບໍ່ພຽງພໍກັບວິຊາທີ່ຈະຜະລິດໃນປີຕໍ່ໆໄປເພາະນັບມື້ແມ່ນມີທ່າອ່ຽງເພີ່ມຂຶ້ນ ສະນັ້ນ ຈຳເປັນຈະຕ້ອງໄດ້ສ້າງທີມງານໃໝ່ໆຂຶ້ນມາເພື່ອຮອງຮັບວຽກດັ່ງກ່າວ, ເຊິ່ງການເຝິກອົບຮົມນີ້ແມ່ນເນັ້ນໃສ່ບຸກຄົນທີ່ມີຄວາມສົນໃຈ ແລະ ຢາກເຮັດວຽກດັ່ງກ່າວເພື່ອມາຊ່ວຍທີມງານທີ່ເຮັດວຽກໃນປະຈຸບັນ.
ການເຝິກອົບຮົມນີ້ແມ່ນຈະໄດ້ຈັດຂຶ້ນໃນລະຫວ່າງວັນທີ 28-30/10/2015 ທີ່ຫ້ອງຮຽນ ຕຶກ e-Learning, ສູນເທັກໂນໂລຊີຂ່າວສານ ມຊ ໂດຍການໃຫ້ທຶນສະໜັບສະໜູນຈາກໂຄງການ ACU Project