ເພື່ອເປັນການຜັນຂະຫຍາຍ ແລະ ເຜີຍແຜ່ການສຶກສາທາງໄກແບບອອນໄລ ຫຼື E-Learning ໃຫ້ກວ້າງຂວາງບໍ່ສະເພາະແຕ່ມະຫາວິທະຍາໄລແຫ່ງຊາດເທົ່ານັ້ນ, ຍັງມີ ພາກສ່ວນຈາກຕ່າງແຂວງຄື ມະຫາວິທະຍາໄລສຸພານຸວົງ, ມະຫາວິທະຍາໄລຈຳປາສັກ, ມະຫາວິທະຍາໄລສະຫວັນນະເຂດ, ນອກນີ້ ພາກສ່ວນຈາກນະຄອນຫຼວງວຽງຈັນແມ່ນ ມີ ມະຫາວິທະຍາໄລວິທະຍາສາດສຸຂະພາບ ແລະ ບັນດາສະຖາບັນ-ວິທະຍາໄລຕ່າງໆກໍ່ໃຫ້ກຽດເຂົ້າຮ່ວມ.
ໃນວັນທີ 06 ພະຈິກ 2015 ໄດ້ເປີດກອງປະຊຸມເຜີຍແຜ່ວຽກງານ E-Learning ຂອງມະຫາວິທະຍາໄລແຫ່ງຊາດ ພາຍໃຕ້ໂຄງການ ASEAN CYBER UNIVERSITY ໂດຍການເປັນປະທານເປີດກອງປະຊຸມໂດຍທ່ານ ຮສ ດຣ ສາຍຂອງ ສາຍນາສິນ ຮອງອະທິການບໍດີ ມະຫາວິທະຍາໄລແຫ່ງຊາດ, ເຊິ່ງໃນນັ້ນ ມີຜູ້ເຂົ້າຮ່ວມປະມານ 40 ທ່ານ ມາຈາກບັນດາພາກສ່ວນທີ່ກ່າວມາໃນຂ້າງເທິງນັ້ນ, ຜ່ານການປະຊຸມ ແລະ ໄດ້ປຶກສາຫາລືກັນ, ຫຼາຍພາກສ່ວນກໍ່ມີຄວາມສົນໃຈຢາກຈະມີການນຳໃຊ້ E-Learning ໃນສະຖາບັນຂອງຕົນເຊັ່ນກັນ. ແຕ່ຍັງມີບັນຫາໃນບາງດ້ານເຊັ່ນ: ດ້ານນິຕິກຳຕ່າງໆທີ່ຈະຮອງຮັບການຮຽນແບບ E-Learning.