ສູນໄອທີ ໄດ້ຮັບຫຼຽນກາແຮງງານ ໃນໂອກາດ 20 ປີ ມຊ

ເວທີປະດັບຫລຽນໄຊ ຄົບຮອບ 20 ປີ ມຊ ວັນທີ 21/12/2016 ສະໂມສອນໃຫຍ່ ມຊ

ເວທີປະດັບຫລຽນໄຊ ຄົບຮອບ 20 ປີ ມຊ ວັນທີ 21/12/2016 ສະໂມສອນໃຫຍ່ ມຊ

ຕອນບ່າຍວັນທີ 21/12/2016 ທີ່ສະໂມສອນໃຫຍ່ ມຊ ໄດ້ມີພິທີປະດັບຫລຽນໄຊ ຍ້ອງຍໍພະນັກງານ ຄູອາຈານ ແລະ ນັກສຶກສາດີເດັ່ນ ປະກອບສ່ວນວຽກງານ ໃນໂອກາດສະຫລອງ ມຊ 20 ປີ.

ໃນພິທີມີທ່ານ ນາງ ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ເປັນປະທານ.

ຜົນການປະດັບດັ່ງກ່າວ ມີ 7 ກົມກອງໄດ້ຮັບຫລຽນໄຊແຮງງານຊັ້ນສອງ, ມີ 236 ທ່ານ ໄດ້ຮັບຫລຽນໄຊຊັ້ນສອງ, ມີ 17 ກົມກອງໄດ້ຮັບຫລຽນໄຊແຮງງານຊັ້ນສາມ, ມີ 250 ທ່ານໄດ້ຮັບຫລຽນໄຊແຮງງານຊັ້ນສາມ, ມີ 3 ກົມກອງໄດ້ຮັບຫລຽນກາແຮງງານ, ມີ 258 ທ່ານ ໄດ້ຮັບຫລຽນກາແຮງງານ. ໃນນັ້ນ ພະນັກງານສູນໄອທີ ໄດ້ຮັບຫລຽນໄຊແຮງງານຊັ້ນສອງ 3 ທ່ານ, ຫລຽນໄຊແຮງງານຊັ້ນສາມ 1 ທ່ານ, ຫລຽນກາແຮງງານ 1 ທ່ານ, ໃບຍ້ອງຍໍລັດຖະບານ 1 ທ່ານ ແລະ ໃບຍ້ອງຍໍກະຊວງສຶກສາທິການ ແລະ ກິລາ 1 ທ່ານ.

ຈາກຜົນງານດ້ານຕ່າງໆ ສູນໄອທີໄດ້ຮັບການປະດັບຫຼຽນກາແຮງງານ ໃນງານຄັ້ງນີ້ ເຊິ່ງຂຶ້ນຮັບໂດຍທ່ານອຳນວຍການສູນໄອທີ ທ່ານ ປອ ພອນແກ້ວ ຈັນທະມາລີ. ຂໍສະແດງຄວາມຍິນດີຊົມເຊີຍ ຕໍ່ຜົນສຳເລັດດັ່ງກ່າວ ທັງຜົນສຳເລັດຂອງສູນໄອທີ ແລະ ບັນດາທ່ານທີ່ໄດ້ຮັບການການຍ້ອງຍໍຄັ້ງນີ້ດ້ວຍ.

ເຖິງຢ່າງໃດກໍ່ຕາມ ຖ້າສົມທຽບກັບກົມກອງອື່ນ ສູນໄອທີ ກໍ່ຍັງຕ້ອງໄດ້ບຸກບືນ ສູ້ຊົນ ຜ່ານຜ່າໃຫ້ຫລາຍຂຶ້ນກວ່າເກົ່າ ເພື່ອໃຫ້ສາມາດຍາດໄດ້ຜົນສຳເລັດດັ່ງກົມກອງອື່ນ ພ້ອມກັນນັ້ນ ພະນັກງານຂອງສູນໄອທີ ທີ່ຍັງບໍ່ທັນໄດ້ຮັບການຍ້ອງຍໍເທື່ອນີ້ ຕ້ອງໄດ້ເອົາໃຈໃສ່ປະກອບສ່ວນວຽກງານໃຫ້ດີຂຶ້ນ ເຊື່ອວ່າໃນຕໍ່ຫນ້າ ພະນັກງານສູນພວກເຮົາ ຈະໄດ້ຮັບການຍ້ອງຍໍຄົບທຸກທ່ານ.

[facebook_like_button]

ສະແດງຄຳຄິດເຫັນ...

%d bloggers like this: