ກອງປະຊຸມເຊື່ອມຊຶມ ມະຕິກອງປະຊຸມໃຫຍ່ ຄັ້ງທີ X ຂອງພັກ ທີ່ ມຊ

ທ່ານ ນ ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ກຳລັງເຜີຍແຜ່ ມະຕິກອງປະຊຸມໃຫຍ່ ຄັ້ງທິ X ຂອງພັກ ວັນທີ 14 ມິຖຸນາ 2016 ທີ່ ມຊ

ທ່ານ ນ ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ກຳລັງເຜີຍແຜ່ ມະຕິກອງປະຊຸມໃຫຍ່ ຄັ້ງທິ X ຂອງພັກ ວັນທີ 14 ມິຖຸນາ 2016 ທີ່ ມຊ

ຕອນເຊົ້າ ວັນທີ 14 ມິຖຸນາ 2016 ຜ່ານມາ ຢູ່ທີ່ສະໂມສອນຊັ້ນສອງ ມະຫາວິທະຍາໄລແຫ່ງຊາດ ໄດ້ມີການຈັດກອງປະຊຸມເຊື່ອມຊຶມມະຕິກອງປະຊຸມໃຫຍ່ຄັ້ງທີ X ຂອງພັກຂຶ້ນ. ເຂົ້າຮ່ວມໃນກອງປະຊຸມດັ່ງກ່າວ ມີ ທ່ານ ນາງ ແສງເດືອນ ຫລ້າຈັນທະບູນ ກຳມະການສູນກາງພັກ ແລະ ລັດຖະມົນຕີກະຊວງສຶກສາທິການ ແລະ ກິລາ ເປັນປະທານ, ທ່ານ ສຈ ປອ ສົມສີ ຍໍພັນໄຊ ຄະນະພັກກະຊວງສຶກສາ ແລະ ກິລາ, ວ່າການອະທິການບໍດີ ມຊ, ບັນດາຄະນະອະທິການບໍດີ, ຄະນະບໍດີ ແລະ ພະນັກງານຫລັກແຫລ່ງທຸກພາກສ່ວນຂອງ ມຊ ເຂົ້າຮ່ວມ ລວມກວ່າ 300 ທ່ານ.

ກອງປະຊຸມດັ່ງກ່າວຈັດຂຶ້ນ ເປັນເວລາ 3 ວັນ ແຕ່ວັນທີ 14-16 ມິຖຸນາ 2016 ເພື່ອເປັນການເຜີຍແຜ່ມະຕິຂອງກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ແກ່ບັນດາພະນັກງານຫຼັກແຫຼ່ງໃນທົ່ວມະຫາວິທະຍາໄລແຫ່ງຊາດ ໄດ້ເຊື່ອມຊຶມ ແລະ ນຳເອົາມະຕິຕ່າງໆ ໄປຜັນຂະຫຍາຍ ໃສ່ວຽກງານຕົວຈິງ ທີ່ຕົນເອງຮັບຜິດຊອບ. ເນື້ອໃນຂອງການປະຊຸມ ແມ່ນໄດ້ແບ່ງອອກເປັນ 3 ບົດ: ຜົນສຳເລັດຂອງການປະຕິບັດມະຕິ IX ຂອງພັກ, ຄາດໝາຍໃຫຍ່ ສຳລັບໄລຍະ 2030,​2025, 2020 ແລະ ທິດທາງວຽກຈຸດສຸມ ແຕ່ປີ 2016-2020. ໂດຍມີການປະກອບຄຳຄິດຄຳເຫັນ ທີ່ເປັນປະໂຫຍດ ຂອງບັນດາຜູ້ເຂົ້າຮ່ວມເປັນແຕ່ລະໄລຍະ.

 

ການເຜີຍແຜ່ ເຊື່ອມຊຶມມະຕິຂອງກອງປະຊຸມດັ່ງກ່າວ ແມ່ນວຽກງານການເມືອງທີ່ສຳຄັນອັນໜຶ່ງຂອງພັກ, ທີ່ຈະເຮັດໃຫ້ ແນວທາງນະໂຍບາຍຕ່າງໆ ທີ່ວາງອອກນັ້ນ ໄດ້ໄປເຖິງສະມາຊິກພັກ ແລະ ພະນັກງານນຳພາທຸກຂັ້ນ ໄດ້ມີຄວາມເຂົ້າໃຈ ແລະ ນຳໄປໝູນໃຊ້ໃຫ້ສອດຄ່ອງ ເໝາະສົມກັບວຽກງານທີ່ຕົນຮັບຜິດຊອບ ເຊິ່ງຈະເຮັດໃຫ້ ຄາດໝາຍຕ່າງໆ ທີ່ຂັ້ນເທິງວາງອອກນັ້ນ ໄດ້ຖືກປະຕິບັດ ແລະ ສຳເລັດຜົນຕາມຈຸດປະສົງທີ່ວາງໄວ້.

ພະນັກງານນຳພາ ແລະ ສະມາຊິກພັກ ໃນສູນໄອທີ ກໍ່ໄດ້ເຂົ້າຮ່ວມກອງປະຊຸມດັ່ງກ່າວຢ່າງພ້ອມພຽງ ແລະ ໄດ້ເຊື່ອມຊຶມ ມະຕິຂອງກອງປະຊຸມໃຫຍ່ ຄັ້ງທີ X ຂອງພັກເປັນຢ່າງດີ ແລະ ຈະໄດ້ສືບຕໍ່ນຳມາຜັນຂະຫຍາຍເຂົ້າໃນວຽກງານຂອງສູນຕໍ່ໄປ.

ສະແດງຄຳຄິດເຫັນ...

%d bloggers like this: