ສະຫຼຸບບັ້ນແຂ່ງຂັນ 3 ດີ ໄລຍະ 4, ປີ 2011-15

ຄະນະປະທານ ກອງປະຊຸມສະຫລຸບບັ້ນແຂ່ງຂັນ 3ດີ ສນງ ມຊ 22/4/2016

ຄະນະປະທານ ກອງປະຊຸມສະຫລຸບບັ້ນແຂ່ງຂັນ 3ດີ ສນງ ມຊ 22/4/2016

ໃນຕອນເຊົ້າວັນທີ 22 ເມສາ 2016 ທີ່ຜ່ານມາ ຢູ່ທີ່ສະໂມສອນຊັ້ນສອງ ສຳນັກງານອະທິການບໍດີ ມຊ ໄດ້ມີພິທີສະຫລຸບ ບັ້ນແຂ່ງຂັນ 3 ດີ ໄລຍະ 4 (2011-2015) ແລະ ເປີດບັ້ນແຂ້ງຂັນ 3 ດີໄລຍະ 5 (2016-2020) ຂອງ 3 ອົງການຈັດຕັ້ງມະຫາຊົນ ສຳນັກງານອະທິການບໍດີ ມຊ ຂຶ້ນ.

ໃນງານດັ່ງກ່າວ ມີຄະນະປະທານທີ່ມາຈາກອົງການຈັດຕັ້ງທີ່ກ່ຽວຂ້ອງ ເຂົ້າຮ່ວມຢ່າງພ້ອມພຽງ ທັງຈາກຄະນະພັກຮາກຖານ ສຳນັກງານອະທິການ, ຄະນະບໍລິຫານງານສະຫະພັນແມ່ຍິງ ຮາກຖານສຳນັກງານອະທິການ, ຄະນະບໍລິຫານງານ ກຳມະບານຮາກຖານ ສຳນັກງານອະທິການ, ແລະ ຄະນະບໍລິຫານຊາວຫນຸ່ມ ຮາກຖານ ສຳນັກງານອະທິການ. ມີບັນດາຕົວແທນ 6 ຮາກຖານອ້ອມຂ້າງ, ຕົວແທນຈາກ ຫ້ອງການຕ່າງໆ ພ້ອມດ້ວຍ ສະມາຊິກຂອງ 3 ອົງການຈັດຕັ້ງມະຫາຊົນ ສຳນັກງານອະທິການບໍດີ ກໍ່ໄດ້ເຂົ້າຮ່ວມຢ່າງຟົດຟື້ນ.

ໃນວາລະຂອງກອງປະຊຸມ ໄດ້ມີການຜ່ານບົດສະຫລຸບບັ້ນແຂ່ງຂັນໄລຍະ 4 ແລະ ສະຫລຸບການຍ້ອງຍໍປະເພດ 1 ແລະ 2, ໄດ້ມີການຜ່ານມາດຖານ ແລະ ແຜນໃນບັ້ນແຂ່ງຂັນ 3 ດີ ໄລຍະ 5 (2016-2020), ແລະ ຮັບຟັງການໂອ້ລົມ ໃຫ້ຄຳແນະນຳ ແລະ ທິດເຍືອງທາງ ໂດຍທ່ານ ໂພສີ ທິບດາວັນ ເລຂາຄະນະພັກ ຮາກຖານສຳນັກງານອະທິການບໍດີ.

ສະມາຊິກຂອງ 3 ອົງການຈັດຕັ້ງມະຫາຊົນ ພາຍໃນສຳນັກງານອະທິການບໍດີ ມຊ ມີທັງໝົດ 384 ສະຫາຍ, ໄດ້ຮັບການຍ້ອງຍໍໃນບັ້ນແຂ່ງຂັນໄລຍະ 4 ແບ່ງອອກເປັນ ປະເພດ 1  178 ສະຫາຍ, ຍ້ອງຍໍ ປະເພດ 2 ມີທັງຫມົດ 155 ສະຫາຍ,

ບັ້ນແຂ່ງຂັນ 3 ດີ ແມ່ນຂະບວນການ ທີ່ 3 ອົງການຈັດຕັ້ງມະຫາຊົນ: ຊາວໜຸ່ມ, ແມ່ຍິງ ແລະ ກຳມະບານ ໄດ້ຮ່ວມກັນຈັດຕັ້ງຂຶ້ນ ເພື່ອໃຫ້ສະມາຊິກໃນແຕ່ລະອົງການຈັດຕັ້ງ ໄດ້ເຂົ້າຮ່ວມ ເຝິກຝົນຫລໍ່ຫລອມ ແລະ ສ້າງຜົນງານ ໃນວຽກງານ ທີ່ສະມາຊິກແຕ່ລະຄົນຮັບຜິດຊອບ ເຊິ່ງມີການແບ່ງອອກເປັນແຕ່ລະໄລຍະ. ໄລຍະທີ 5 ແມ່ນນັບແຕ່ປີ 2016 – 2020. ເມື່ອສິ້ນສຸດໄລຍະແຂ່ງຂັນ, ຈະມີການສະຫລຸບ ແລະ ປະເມີນຜົນງານເພື່ອຍ້ອງຍໍເປັນປະເພດ 1 ແລະ ປະເພດ 2. ການປະເມີນ ແມ່ນເບິ່ງໃສ່ມາດຖານ 3 ຢ່າງທີ່ເປັນຄຳຂວັນຂອງບັ້ນແຂ່ງຂັນຄື: 1. ພົນລະເມືອງດີ, 2. ພັດທະນາດີ ແລະ 3. ສ້າງຄອບຄົວດີ,

ພະນັກງານສູນໄອທີ ມຊ ກໍ່ແມ່ນພາກສ່ວນຫນຶ່ງ ທີ່ນອນຢູ່ໃນສຳນັກງານອະທິການບໍດີ ກໍ່ໄດ້ພ້ອມພຽງກັນເຂົ້າຮ່ວມງານດັ່ງກ່າວດ້ວຍຄວາມຈູບຈ້າວຫ້າວຫັນ ເປັນຂະບວນຟົດຟື້ນ. ຜ່ານການເຄື່ອນໄຫວໃນໄລະດັ່ງກ່າວ, ພະນັກງານສູນໄອທີ ທີ່ເປັນສະມາຊິກຂອງ 3 ອົງການຈັດຕັ້ງມະຫາຊົນ ກໍ່ໄດ້ຮັບການຍ້ອງຍໍ ທັງປະເພດ 1 ແລະ 2 ຫລາຍທ່ານ ເຊິ່ງເປັນການສະແດງໃຫ້ເຫັນຜົນງານ ຄວາມບຸກບືນຜ່ານຜ່າ ໃນການປະຕິບັດວຽກງານອັນຫນັກຫນ່ວງຂອງສູນ ແລະຫວັງຢ່າງຍິ່ງວ່າ ໃນບັ້ນແຂ່ງຂັນ 3 ດີ ໄລຍະ 5 ນີ້ ຈະມີພະນັກງານສູນໄອທີສ້າງຜົນງານ ແລະ ໄດ້ຮັບການຍ້ອງຍໍຫຼາຍຂຶ້ນກວ່າເກົ່າ,

ສະແດງຄຳຄິດເຫັນ...

%d bloggers like this: