fbpx

ຄົນເກີດຫຼັງຍຸກ 80 ມີເຮ 5 ນະວັດຕະກຳ IT ແຫ່ງອະນາຄົດຈະມາລາວ

ບໍ່ແມ່ນແຕ່ເຮ ແຕ່ຈະອຸທານອອກມາວ່າ “ເຮີ້ຍ…” ໂລດລະ ຄວາມຈິງພວກເຮົາຈະເປັນກຸ່ມຄົນຍຸກ 80 ສຸດທ້າຍ ທີ່ຈະສຳພັດກັບ ນະວັດຕະກຳແບບທັນສະໄໝແບບ IoT ສ່ວນຄົນທີ່ເກີດກ່ອນຍຸກ 80 ຈຳນວນໜຶ່ງ ກໍ່ອາດຈະມີບັນຫາກັບການຢູ່ຮ່ວມກັບ ນະວັດຕະກຳໃໝ່ໆດ້ານ ໄອທີ IoT ແຫ່ງອະນາຄົດອັນໃກ້.

Case ຕົວຢ່າງ ເທຣນການນຳໃຊ້ໄອທີຍຸກຕົ້ນໆໃນລາວ

ຕອນປີ 2000 ອິນເຕີເນັດນັ້ນມາແຮງທົ່ວໂລກ ແຕ່ປະເທດເຮົາ ກໍ່ຮູ້ວ່າສຳຄັນແຕ່ກໍ່ບໍ່ໄດ້ລະບາດຄືທຸກມື້ນີ້ ເພາະຄົນໃນຍຸກ ປີ 2000 ເກືອບ 99 % ແມ່ນຍັງບໍ່ຮູ້ວ່າຈະນຳໃຊ້ ອິນເຕີເນັດໃນຊີວິດປະຈຳວັນໃດ້ແນວໃດ໋ ພໍເວລາຜ່ານໄປໄລຍະໜຶ່ງ ປະມານ 5ປີ ກຸ່ມໄວໜຸ່ມເກີດໃໝ່ພັດໃດ້ນຳໃຊ້ກ່ອນໝູ່ ແລະ ອີກ 5 ປີຕໍ່ມາເລີ່ມມີການແຜ່ລະບາດ (ທີ່ໃຊ້ຄຳວ່າ ແຜ່ລະບາດ ຍ້ອນມັນໄວແລະຍຸດບໍ່ໃດ້ ດຶງບໍ່ຢູ່) ຮອດຕອນນີ້ຫຼາຍຄົນກໍ່ຄົງຈະຮູ້ແລ້ວວ່າແມ່ນ youtube & facebook

ໄອທີໃນລາວ ຈາກຍຸກ Y2K ປີ 2000 – ປີ 2020

20 ປີແຫ່ງການພັດທະນາ 20 ປີແຫ່ງການນຳໃຊ້ 20 ປີທີ່ເຮົາເປີດຮັບເອົານະວັດຕະນຳຈາກໂລກ ເລີ່ມຕັ້ງແຕ່ ການນຳໃຊ້ໂປຣແກຣມ Ms Office, ການຮັບສົ່ງ ອີເມວ, ການຊອກຫາຂໍ້ມູນຜ່ານອິນເຕີເນັດ, ການແຊັດແລະໂທ ຈົນມາຮອດການເບິ່ງວີດີໂອທາງອອນລາຍ ແລະ ສັງຄົມອອນລາຍຄືທຸກມື້ນີ້ ທຸກເລື່ອງເກີດຂື້ນໃນອິນເຕີເນັດ+ຄອມ+ມືຖື ນັ້ນຄື 20 ປິຂອງປະເທດລາວກັບນະວັດຕະກຳໄອທີເດັ່ນໆ

5 ນະວັດຕະກຳ IT ແຫ່ງອະນາຄົດຈະມາລາວ?

ຍຸກຕໍ່ໄປໃນອະນາຄົດຫຼັງປີ 2020 ຍາວໄປອີກ 20ປີ ນີ້ຄືນະວັດຕະກຳທີ່ເຈົ້າຈະໃດ້ສຳພັດໃນຊີວິດປະຈຳວັນ ສັບໃນວົງການເຂົາເອື້ນວ່າ IoT (Internet of Things) ທຸກຢ່າງຈະເຊື່ອມຕໍ່ກັບອິນເຕີເນັດ ແລະ ຈະລິ້ງຂໍ້ມູນຫາກັນໝົດ.

1. ນະວັດຕະກຳດ້ານການສະແດງພາບ

ຈາກຈໍໂທລະທັດ ປຸ້ງໆ CRT ກາຍພັນມາເປັນຈໍແປບາງໆ LCD , LED , OLED , 4K , 8K ສຸດທີຈໍໂຄ້ງງໍບິດບ້ຽວໃດ້ Foldable Technology ຫຼາຍບໍລິສັດແມ່ນເລີ່ມເປີດຕົວລະຜະລິດຕະພັນຂອງຕົນເອງແລ້ວ ຕົວຢ່າງ ໂທລະສັບພັບໃດ້ຂອງ Flexpai , ໂທລະທັດ Samsung TV ພັບເກັບໄວ້ໃນກ່ອງ

2. ນະວັດຕະກຳດ້ານຊ່ວຍແຮງງານຄົນ

ເລື່ອງນ້ອຍໆງ່າຍໆກ່ຽວກັບກະເປົ໋າເດີນທາງຕອນນີ້ ກາຍເປັນທີ່ສົນໃຈຫຼາຍຄືກັບເວດມົນ ສິ່ງຂອງຕ່າງໆເຄື່ອນໄຫວດວ້ຍຕົວມັນເອງ ຕາມຕິດເຈົ້າຂອງ ເວົ້າງ່າຍໆ ກະເປົ໋າອັດສະລິຍະ Ovis ForwardX

3. ນະວັດຕະກຳດ້ານຄວາມງານ

ຫຼາຍຄົນຄົງຈະເຄີຍໃຊ້ແລ້ວພວກແອັບຖ່າຍຮູບແລ້ວຈາກຂີ້ລ້າຍການເປັນງາມປານໄສຍະກຳເຮັດໃຫ້ຫລົງໄຫຼເສບຕິດການຖ່າຍຮູບ ແຕ່ລອງມາເບິ່ງແວນອັດສະລິຍະ CareOS ທີ່ຈະຊ່ວຍປ່ຽນສີຜົມຕົກແຕ່ງຄວາມງາມໃຫ້ເຫັນກ່ອນຊື້ເຄື່ອງສຳອາງ ຫຼື ເຂົ້າຮ້ານເສີມສວຍ ຄວາມເທບຄືມີເລື່ອງສຸຂະພາບມາກ່ຽວຂ້ອງ

4. ນະວັດຕະກຳດ້ານສຸຂະພາບ

ເມື່ອເວົ້າເລື່ອງສຸຂະພາບຫຼາຍຄົນໃຫ້ຄວາມສຳຄັນແຕ່ສຳລັບຄົນລາວແລ້ວມັນງ່າຍກວ່າຖ້າຫາກມີນະວັດຕະກຳພວກນີ້ມາຊ່ວຍ ຕູ້ເຢັນທີ່ບອກວ່າຂອງກິນຫຍັງໝົດແລ້ວ ແລະ ບໍລິຫານຈັດການຫຼັກໂຄສະນາການອາຫານ 5 ໝູ່ ໂຖວິດອັດສະລິຍະ (ອະນາຄົດທີ່ຈະກວດສຸຂະພາບຮ່າງກາຍເຮົາຈາກອາຈົມ)

5. ນະວັດຕະກຳດ້ານການຂົນສົ່ງ Drone Taxi

ເລື່ອງໂດຣນຕອນນີ້ບໍ່ແມ່ນເລື່ອງໃໝ່ແຕ່ອະນາຄົດອັນໃກ້ຫຼາຍຄົນອາດຈະຄິດພາບບໍ່ອອກວ່າໂດຣນແທັກຊີ ຈະມາລາວແທ້ບໍ່? ກໍ່ຄືກັບ ເຟສບຸກ ຢູ່ທູບນັ້ນລະ ຫຼາຍຄົນບໍ່ໃດ້ຕັ້ງຕົວແຕ່ມັນຫາກເປັນໄປອັດຕະໂນມັດຕາມກະແສໂລກໄອທີ ລົດຕິດໃນຕົວເມືອງໃຫຍ່ຄົງຈະຫຼຸດຜ່ອນລະດັບໜຶ່ງ

ອັນທີ່ຈິງແລ້ວຍັງມີອີກຫຼາຍຢ່າງແຕ່ ທີ່ເລືອກມາ 5 ຢ່າງທີ່ມີຄວາມເປັນໄປໃດ້ໃນລາວສູງໃນລາຍລະອຽດໂຟສໜ້າຈະອະທິບາຍອີກ. ຖ້າຫາກມີຄຳເຫັນຫຼືຄິດວ່າແນວໃດ໋ກໍ່ຄອມເມັ້ນກັນມາໃນໃນ ເວັບ ຫຼື ເຟສບຸກ ແລ້ວຈະມາຕອບໃນໂຟສຕໍ່ໄປ.

ສະແດງຄຳຄິດເຫັນ...

%d bloggers like this: