fbpx

ໃນໂລກອະນາຄົດ ຄົນເຮົາຈະໃສ່ຫຍັງ? EP1: ຜ້າອັດສະລິຍະປ່ຽນສີໄດ້

ຖ້າຂ້າພະເຈົ້າບອກທ່ານວ່າ ໃນອະນາຄົດ ທ່ານຈະໃສ່ແຕ່ເຄື່ອງນຸ່ງແບບດຽວທຸກມື້ ທ່ານຈະເຊື່ອບໍ່. ຄົນໃນອະນາຄົດບໍ່ຈຳເປັນຕ້ອງຊື້ເຄື່ອງຫລາຍໂຕ ຍ້ອນເຄື່ອງຂອງເຂົາສາມາດປ່ຽນສີ ແລະ ປ່ຽນລວດຫລາຍໄດ້ຕາມທີ່ເຂົາຕ້ອງການ. ເຖິງແມ່ນທ່ານນຸ່ງເຄື່ອງໂຕເກົ່າກໍ່ບໍ່ມີຄົນຮູ້.

ນັກວິທະຍາສາດຂອງ ມະຫາວິທະຍາໄລ Central Florida (UCF) ທີ່ຕັ້ງຢູ່ປະເທດອາເມລິກາໄດ້ຄິດຄົນແຜ່ນຜ້າທີ່ສາມາດປ່ຽນສີໄດ້ໂດຍການສັ່ງານຈາກໂທລະສັບມືຖື. ເຂົາເຈົ້າຕັ້ງຊື້ນະວັດຕະກຳໃຫມ່ນີ້ວ່າ ChroMorphous. ຜ້າອັດສະລິຍະນີ້ແມ່ນສາມາດຕັດ, ຫຍິບ, ຊັກ ແລະ ລີດຄືກັນກັບແຜ່ນຜ້າທົ່ວໄປ. ແຕ່ຄວາມພິເສດຂອງມັນຄື ມັນສາມາດປ່ຽນສີ ແລະ ປ່ຽນລວດລາຍໄດ້ຕະຫລອດເວລາ ຕາມການສັ່ງງານຈາກໂທລະສັບມືຖືຂອງຜູ່ນຸ່ງຖື.

ທ່ານອາດຄິດວ່ານີ້ເປັນພຽງການທົດລອງຂອງນັກວິທະຍາສາດ ແຕ່ທ່ານຄິດຜິດແລ້ວ. ຍ້ອນສິນຄ້າທີ່ຜະລິດຈາກແຜ່ນແພ ChroMorphous ມີແຜນວາງຈຳຫນ່າຍໃນຕະຫລາດທົ່ວໄປໃນປີຫນ້າ ໂດຍເລີມຈາກ ກະເປົາຖື ແລະ ກະເປົາເປ້. ລອງຄິດຫລີ້ນໆເບິ່ງ ຖ້າເຮົາໃຊ້ແຜ່ນແພດັງກ່າວກັບສິ່ງອື້ນໆ ອອ້ມຂ້າງເຮົາເຊັ່ນ: ເກີບປ່ຽນສີໄດ້, ໂຊພາ, ໂຄມໄຟ ແລະ ຜ້າກັ່ງປ່ຽນສີໄດ້ຕາມໃຈຜູ້ໃຊ້, ອຸດສາຫາກຳແຜ່ນແພໃນອະນາຄົດອາດມີການປ່ຽນແປງຢ່າງມະຫາສານ ແລະ ເຮົາອາດຈະເຫັນຜູ້ນໍາຄວາມຄິດຂອງໂລກ, Mark Zuckerberg, ໃສ່ເສື່ອສີອື້ນ ນອກຈາກສີເທົາ.

Reference
http://www.chromorphous.com/
https://www.cnbc.com/video/2018/05/14/color-changing-fabric-that-can-be-controlled-with-a-phone.html

ສະແດງຄຳຄິດເຫັນ...

%d bloggers like this: