ການແຂ່ງຂັນກິລາບານເຕະເພື່ອສ້າງຂະບວນການຕ້ອນຮັບວັນຄູແຫ່ງຊາດ ວັນທີ 7 ຕຸລາຄົບຮອບ 23 ປີ

ໃນຕອນບ່າຍຂອງວັນທີ 4 ຕຸລາ 2017 ທີ່ຜ່ານມາໄດ້ມີການຈັດງານແຂ່ງຂັນກິລາບານເຕະ ຂຶ້ນທີເດີ່ນກິລາມະຫາວິທະຍາໄລແຫ່ງຊາດ ເພື່ອສ້າງຂະບວນຂໍ່ານັບຮັບຕ້ອນວັນຄູແຫ່ງຊາດ ວັນທີ 7 ຕຸລາຄົບຮອບ 23 ປີ (1994-2017)  ແລະ ສ້າງຄວາມສາມັກຄີລະຫ່ວາງ ມະຫາວິທະຍາໄລແຫ່ງຊາດ ກັບ ບັນດາບໍລິສັດທີ່ເຄີຍມີການຮ່ວມມືກັບ ມຊ, ໂດຍສະເພາະແມ່ນບໍລິສັດ ລັດວິສະຫະກິດລາວໂທລະຄົມມະນາຄົມ (LTC), ບໍລິສັດ ໂທລະຄົມລາວຈໍາກັດ (ETL) ໃນດ້ານວຽກງານອິນເຕີເນັດ ຫຼື ໄອຊີທີ, ບໍລິສັດ ລ້ານຊ້າງປະກັນໄພ, ບັນດາບໍລິສັດ   ແລະ ຜູ້ສະໜອງອື່ນໆ. ພາຍໃນງານມີຜູ້ເຂົ້າຮ່ວມທັງໝົດ 100 ກວ່າທ່ານ ເຊິງໃຫ້ກຽດເປັນປະທານໂດຍທ່ານ ສຈ. ປອ ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ທ່ານ ຖາວອນ ສົມສະກຸນ ອຳນວຍການໃຫ່ຍບໍລິສັດ ລັດວິສະຫະກິດລາວໂທລະຄົມມະນາຄົມ (LTC), ທ່ານ ສຸດໃຈ ລໍລອນສີ ຮອງຜູ້ອຳນວຍການໃຫ່ຍບໍລິສັດ ໂທລະຄົມລາວຈໍາກັດ (ETL), ທ່ານ ທະນົງສັກ ສຸກສະຫວັດ ຮອງຜູ້ອຳນວຍການໃຫ່ຍບໍລິສັດ ລ້ານຊ້າງປະກັນໄພ ພ້ອມດ້ວຍຕົວແທນ, ພະນັກງານຈາກ ບັນດາບໍລິສັດດັ່ງກ່າວ ແລະ ຄູອາຈານ, ພະນັກງານອາວຸໂສທີ່ມາຈາກພາກສ່ວນສຳນັກງານອະທິການບໍດີ.

ຈຸດປະສົງຂອງການແຂ່ງຂັນກິລາໃນຄັ້ງນີ້ກໍແມ່ນເພື່ອສ້າງບັນຍາກາດ ແລະ ຂະບວນການສະເຫຼີມສະຫຼອງວັນຄູແຫ່ງຊາດ ວັນທີ 7 ຕຸລາ 2017 ຄົບຮອບ 23 ປີ (1994-2017) ພ້ອມດຽວກັນນັ້ນກໍເປັນການສ້າງມິດຕະພາບ-ຄວາມສາມັກຄີລະຫ່ວາງຄູອາຈານ, ພະນັກງານອາວຸໂສທີ່ມາຈາກພາກສ່ວນສຳນັກງານອະທິການບໍດີ ກັບ ພະນັກງານ LTC, ພະນັກງານ ETL ແລະ ພະນັກງານ ບໍລິສັດ ລ້ານຊ້າງປະກັນໄພ. ໃນການແຂ່ງຂັນໄດ້ແບ່ງໄດ້ແບ່ງອອກເປັນ 4 ທີມ (2 ຄູ່)ໂດຍມີທີມຈາກ LTC, ETL, ມຊ ແລະ ມຊ+ລ້ານຊ້າງປະກັນໄພ  ໃຊ້ເວລາແຂ່ງຂັນເຄີ່ງເວລາລະ 30 ນາທີ.

ການແຂ່ງຂັນຄູ່ທີ 1 ລະຫ່ວາງ ມຊ ພົບກັບ LTC ຜົນການແຂ່ງຂັນ LTC ຊະນະດ້ວຍຄະແນນ 2:0

ການແຂ່ງຂັນຄູ່ທີ 2 ລະຫ່ວາງ ມຊ+ລ້ານຊ້າງປະກັນໄພ ພົບກັບ ETL ຜົນການແຂ່ງຂັນ ມຊ+ລ້ານຊ້າງປະກັນໄພ ຊະນະດ້ວຍຄະແນນ 3:0

ພາຍຫຼັງການແຂ່ງຂັນໄດ້ມີການມອບ – ຮັບໃບກຽດຕິຄຸນໃຫ້ແກ່ບັນດາບໍລິສັດທີ່ ໄດ້ໃຫ້ການສະໜັບ ສະໜູນໃນງານຄັ້ງນີ້ ແລະ ໄດ້ມີການຮັບປະທານອາຫານຄໍ່າເພື່ອສ້າງສັນສາມັກຄີອີກດ້ວຍ

 

ສະແດງຄຳຄິດເຫັນ...

%d bloggers like this: